優點:
1. 非常順, CPU夠快, 冇試過LAG, (我冇打機, 唔知打機方面的性能).
2. RAM夠用, 內置有3GB, 開佐好多APP係背景都唔夠有窒.
3. MIUI系統真係好好, 買ANDROID機最煩就係新機買番黎, 要從新DOWNLOAD APP同埋排番好, 但係只是登入MIUI裡面的小米雲, 佢會自動下載晒APP同埋排好晒位.
4. 指紋解鎖好快. 手指濕濕地都可以正常解鎖.
5. 影相唔錯, 可能我要求唔高啦.
缺點:
1. MIUI係少少BUGS, 例如單手模式唔得. 黑蚊蚊環境下, 個MON會唔著(噤實個POWER制, RESTART就無問題, 之後都未試過. 上網睇佐大陸D用家都係類似情況.
2. 震機唔明顯. 加埋個機套, 係室外, 再放入褲袋, 可以話係FEEL唔到佢震.
3. 鈴聲好細聲. 室外係鬧市, 再放入褲袋, 係聽唔到.
4. 略嫌重佐少少.
5. 有問題的時候, 除非上小米之家問, 或者上大陸討論區, 否則冇人答你.
評價:
作為一個後備機, 稱職有餘, $1499非常抵玩! 呢個價位應該都冇咩對手. 我自己1月中唔見佐第一部紅米NOTE 4, 之後都再買番一部.
總括而言, iPhone係比佢好好多, 好多方面都好過紅米NOTE 4, 但係個價位就只係iPhone三分二左右的價錢, 仲想點喎. 唯一擔心, 佢係大陸機, 或者會將資料傳送番大陸.