Huawei Mate 9

評測報告

實拍照片

1/黑色版外觀好型
2/960soc效能同省電做到了平衡,電量足夠用一日
3/華為用上大部份旗艦機都未用嘅UFS 2.1 rom,讀寫速度及安裝apps真係快得好緊要
4/立體聲雙喇叭音質唔錯，夠大聲
， 配合6吋屏幕 睇戲聽歌一流
5/ 系統流暢好少有lag嘅情況出現
6/ 始終係旗艦機打機亦都十分之流暢
7/ 影相方面更加唔洗講， Leica鏡頭獨特嘅色調同畫質係其他手機做唔到嘅
8/有真正音效晶片DAC, 耳機音質比三星c7pro, c9pro靚好多
9/ 低壓快充充電快到冇朋友
10/ 華為4gb ram有2點幾gb可用 ,但三星4gb ram得一點幾gb可用！
11/ 用4咪降噪通話音質清晰
12/ 訊號接收能力十分之強
13/ 有nfc可用八達通sim卡同tap & go

1/ 部機重咗少少
2/ 背脊用三段式設計， 因為黑色係磨砂設計唔同其他令身嘅有層膠， 所以上下有少少高低位唔夠平
3/ 貴咗少少啦如果三千幾會更加好
4/ 耳機位如果喺下面更加好更加方便

小弟第一次用華為手機，本來上年mate 8已經想買，但睇到啲師兄話個nfc好差同唔知用唔用到八達通sim卡所以冇買到，今次用mate 9真係令我眼前一亮，對華為完全改觀，難怪華為可以咁快成為全球第三大手機生產商，之前睇安兔兔啲跑分得十二萬左右，跟本就係華為壓住粒gpu，呢兩日更新咗個新版本軟體之後再跑分，得出差不多十五萬分，3D分數明顯增加好多，其他跑分軟件分數就全部超過s821,由其單核同多核表現，效能同省電做得十分出色，影相更加唔使多講！係一部十分之好嘅手機！唔好再用有色眼鏡睇大陸手機，唔係全部都咁差嘅！華為就係一個例外。

雙卡
接收好
WIFI好
日光日白影相幾好
黑白影相幾好
二手價硬淨
順, 不會lag
造工不俗

相機避震唔多掂
音效唔多掂
防水都冇
維修中心唔多掂
影相唔夠光時唔多掂
唔係2k mon
打機始終不及高通
配件不多
貴左些

華為機香港貴大陸十幾%, 連17%增值稅, 實際貴30%, 機係可以的, 已經追到其他一線大廠, 當然平D就更加好, 不過香港好多人接受唔到4~5千蚊的大陸機, 所以用戶少過APPLE, SAMSUNG, LG . 我2手行貨 3600 買來用, 感覺都可以的. 放出去都唔會蝕好多, 華為機係mate7,mate8,mate9 最值租. 但千奇唔好買錯跌價王MATE S. 遲D P10 PLUS 規格仲好D, 唔知會否再進一步呢?

-好流暢, 能與iphone比美, 估佢唔倒.
-電池量好夠, 點樣用都一定足夠一日有餘,
SuperCharge充電好快, 叉半個鐘定用到超過一日, 有驚喜.
-影相好靚, 總體比iphone 還靚.
-接收強, 講電話好清晰
-話筒及來電個鈴聲超大聲, 強過晒市面大部份手機.
其他既暫時未有留意到.

- 設定方面較為複習, 佢有相當部份既慳電設定, 會自動關機後不久會殺app, 會導致有人話whatsapp 會有delay message情況.
- 若懂得將部份跟機無用既app delete 或刪除, 會騰出更多Ram可用, 若設定得好, 6G/128GB版本, 長期會有約4GB ram 可用.

留意到呢度的確有一部份打手, 講既唔似係用家真實評語. 純粹敵視國產手機.
但, 今次呢部國產機真的造到很快, 很順, 看得出, 華為於系統調較方面的功力, 有能力向三星作出挑戰, 是一部優良既作出品. 所以, 佢大賣是可以預期.

大家都講左

大家都講左

聽大陸朋友極力推介華為mate9,　話好似iphone,咁順,電力強勁,相機超班,真係贏其他牌子手機九條街, 用落一般般, 順就同一般旗艦機差不多和IPHONE仍有不少距離,電力還可以, 影相室內和夜晚的話已俾S7E KO左, 防震弱到好似冇, 另外買電話仲有2個大問題(品質, 售後服務) 我部就壞卡欄, 服務中心唔就腳之餘, 仲冇零件, 要等

比之d前師兄講哂

都比之d前師兄講哂

自從LG V10陣亡之後,就開始對韓國失信心,聽朋友極力推介mate9,胆博胆買了人生第一部國產機,一入設定時感覺好似iphone,用落部機好順,電力絕對夠用一曰高用量的需要,各方面都比到我頂級表現,但係個mon得1920x1080唔夠LG2k mon靚,雖然係慳電咗,但現在頂級機都2K以上!這部mate9我最最最滿意係相機部份,真係因其他牌子手機好唔同,他影出來色調真係好似Leica,尤其係鮮艷模式,還有黑白相真係嬴哂其他手機,黑白程式時把對比度推高+1度,即時感覺筆墨難以型容的美!
如果鍾意用手機影相朋友,這機絕對值得擁有,唔好載有色眼鏡望這部國內手機,純用家諗法和睇多d外國評測,就知這機各方面真係有頂級表現(除了個mon)~

1. 順，真係好順，Android有ios一樣咁順，真係好難得。
2. 影相好靚，好過iphone7 和v20。
3. 電池非常長氣，一日機不離手，打機, Facebook, WhatsApp, 返到屋企仲有45%電。
4. 快充真係好快，華為廣告聲稱充20分鐘就有一日電量，無誇張。
5. 機身手感好好。揸上手完全唔覺係5.9时，單手操控無難度
。
6. 長期都有2.4至2.0GB Ram備用。
7. 用4G限速plan都接收得好好。
8. 充電和打機時都無發熱問題。

1. 用咗SD card, 無得用第二張sim card。
2. 無防水。
3. 市面上手機配件唔多。
4. 會比人問點解用華為。

今次係我第一次用國産手機，真係估唔到咁好用。希望可以一直keep到呢個水準。將來可以多啲選擇。