優點:
電池續航力超強,就算開好多function,好似proximity wake, ambient display, wifi, Bluetooth, 舊電都係好夠用,用到一日多。
超級快,好多常用嘅App真係一㩒即彈,冇遲緩。
用耳筒聽歌正,好大推力,雖然喇叭單聲道唔係立體聲,都覺得唔緊要。
之前用開2k Mon, 但係都唔覺得呢個1080 Mon 遜色。
指示燈可以較唔同顏色,正!
指紋辨識超級快同埋準,除咗手濕,天氣乾燥皮膚爆裂辨識唔到冇得講,呢啲情況其它機都係辨識唔得。
差唔多我想要嘅嘢都有齊 - 快,唔lag, 電襟用,影相靚,夜拍好,好揸手,唔太貴,夠多個人化設定,數之不盡..... 外國網站超多評論,絕大部分都係好評,讚不絕口。
缺點:
唯一要再三考慮入唔入手就係冇得插卡,但係都俾其它優點蓋過,64都已經好夠用。
中國品牌,唔講真係唔知,但質素造功唔差,雖然唔係最頂級
長咗少少,單手操控平衡感麻麻,之前都係用五寸半Mon,但係,機身冇咁長。
評價:
值得推薦,買之前都考慮過v20, mate9, mate9 pro, zenfone deluxe, 但係最後都揀咗呢部,因為好簡單,性價比超高,s821, 6G ram,唔使四千,真係冇得輸。