1/外觀靚仔,背面同心圓夠閃,邊框窄,雙鏡頭有ois都做到完全平面,機身亦算薄,讚!
2/想省電用s630,要效能用s660,讚!
3/mon既質數喺ips中數一數二,顏色可標準可鮮艶,對比度高
4/華碩UI比三星更貼心好用,呢啲真係要用下其它品牌先會知
5/s660嘅效能已經同旗艦機冇乜分別,使用流暢,上網下載速度快CAT12/13喎
6/相機質數喺呢個價錢嚟講已經超值,只差旗艦機少少,但有光學防震`電子防震,同小有嘅超廣角鏡頭,連真正全手動32秒拍攝都有,冇得輸
備註:今天2月4日再試真個相機之後忍唔住要再發表備註,發現原來佢有120/240幅嘅慢動作拍攝工能,好玩好用,拍片如果用手動模式嘅話就唔會好似一般手機咁鏡頭去到暗位就變光,去到光位就超暗嘅問題出現,加上可選擇測光模式,亦可作手動對焦,昨晚我試過喺天橋用慢快門2秒+防震功能就影到車軌,真係非常好玩好用,影夜景用慢快門低iso亦會冇乜雜訊干淨好多靚好多!真係為越來越覺得呢部手機以三千元左右嘅價錢能夠有比美旗艦機嘅功能`質數`相機`係十分之抵玩超值,市場上真係冇乜其它選擇!如果用咁嘅價錢去買三叔就只可以買部電子垃圾返屋企喇!係咪?
7/有NFC可用八達通sim咭同電子支付
8/有立體聲雙喇叭,聲靚夠大唔拆
9/有6GB ram夠晒用,又可以插咭
10/訊號超強,通話功能又多