LG G7 ThinQ

評測報告

我不是G7用家,但諗起用V10的恐怖經歷我就怕怕,由其是LG維修部人員那張嘴臉,那種不負責任的態度, 想信有留意口碑的用家應該清楚什樣選擇.

影相靚,

但付加大量問題。
發熱嚴重, 好快無電, 仲要有重啟現像。
好多無用既App 無得Del.

去左維修部問, 話解決唔到。

外型靚仔,機身好薄但喇叭好大聲,大聲得黎唔會拆,有驚喜~美中不足就係一開價太高 (雖然最近平左)

朋友推薦話呢部聽歌好,一試音質果然係掂
同埋個人成日係戶外工作, 個Mon唔反光同埋好夠光,幾好

優點：
依家5000蚊以下可以入手。
2月28日前去大型連鎖店同埋電訊商買再上LG官網登記可以有多一年保養。
機身夠輕。
有 Hi Fi quad dac， 聽歌唔錯。
可更改螢幕解像度。

缺點：
影相垃圾
電量唔太夠， 但唔玩游戲足夠用一日，玩就唔太夠

如果你唔會影相and唔打機， 鍾意聽歌嘅，就買 G7。

如果重視影相同埋會打機， 就唔好買。

點解關打機事係因為打機用電會去得快，G7 只有3000電容量，唔太夠用。但LG進步真係唔少，上年 G6 3300電，今年 G7 3000電，但竟然今年 G7 用得耐過上年 G6。你想用得再耐啲可以調整手機螢幕解像度，調教到中或者低， 唔打機的話足夠用一日。

影相就唔洗講，年年垃圾，不過我唔會玩相機，唔影響。

有網民講嘅發熱問題，其實佢哋係咪唔知G7加咗條散熱管，熱力會快啲從機內散到機外，所以摸到出面熱，但其實入面唔係好熱，人哋 razer phone就真係好熱。

至於唔可以換電我覺得唔大問題， 最多用一年左右去官方畀錢換一次電就得。

自己本身用左g3同g6,原本g3消底版就開始驚， 不過見g6好似改善咗就用番lg， 直到g7出咗就立即買，所以都算Lg g系列忠粉
好:鏡頭影相方面俾g6有好大既進步，例如有新增既人像模式， 穩定性亦都好咗。亦都有用依家主流 既snapdragon 845， 唔似g6仲用緊當年嘅舊處理器， 所以成部機流暢度真係好咗好多。 今次採用咗劉海設計，亦都可以俾用家取消或者繼續用，好貼心。 比起g6亦都多咗唔少功能， 部機嘅重量亦都唔算話太重。
壞: 電池方面唔見得有幾大進步。 而且價錢問題亦都係lg一直以嚟嘅弊病。 後面粒制淨係變咗指紋解鎖有啲唔慣。
總括而言呢一部g7都好多驚喜， 除咗電量之外其他都有好大進步。