優點:
用開s10+,所以會同佢比較。本人唔打機,唔係影相拍片狂,唔煲劇,只係普通用家使用角度去評價。
1. 機身比同類機窄啲,裸機嚟講都幾好揸手。造工一貫Sony風格,畀到你premium嘅感覺。我部係紫色,好靚。
2. 21:9及4k(其實假假哋),顏色幾順眼,冇三星咁搶咁豔。不過本人都係中意三星啲發色多啲。21:9唔係我嘅重點,只係睇fb嘅時候多睇幾行,睇片我唔覺有優勢。
3. 平面mon,玻璃貼冇問題
4. 電需然得3300,但對我嚟講都係夠用1日多啲(開stamina mode),比到我驚喜,唔差過s10+好多。後來我發現xperia 1後台用ram少過s10+好多,可能亦都係慳電原因之一。
4. 唔挑剔影相都係旗艦級水準,我唔專業,不過都識分好壞。就咁普通用嚟講,我會覺得三星影相就手啲,顏色又討好啲。其它更高級嘅拍攝模式就冇試過了。
5. 雙喇叭都夠大聲。可惜又係輸s10+些小,bass唔多夠。
6. 仲有led提示燈,呢樣最讚。
缺點:
1. 可用靚機套極少!可以話冇。大牌子唔多support
2. 個實體快門鍵有啲多余,我左手揸機,影響手感
3. sim card槽個設計好似好化學,成日驚整壞。我就寧願用卡針好過。
軟件方面:
1. 入setting後成日彈多幾行提示,根本冇必要
2. recent app 唔可以一次過全部清除。又唔可以鎖定某個app唔kill
3. 內建功能唔夠豐富,stamina mode 冇得自訂開乜唔開乜
4. 換卡就一定要重啟,唔知點解淨係Sony機係要咁樣。
評價:
我係二手平價買翻嚟玩下。如過買新機,同樣價錢嘅我會揀三星,況且佢仲貴。冇話Sony唔好,但用起上嚟真係樣樣同三星差少少。作為二手機,我會推薦,但做主機嘅話要考慮清楚,除非你係索粉,又唔想同人撞機。希望Sony唔好咁硬頸,吸收下其他廠嘅長處。