Samsung Galaxy Fold

評測報告

實拍照片

可觀性強,聲畫超靓,功能算齊全.

內邊框易吸塵, 單咭槽, 冇防水,因太靚關係, 用時要極小心, 更何况要给人代影相時, 更不情不願.

很好及昂貴的體驗

如果你真係有用過(唔係摸過下)，你會覺得打開後大小剛剛好，一隻手拎到，對我嚟講真係好正，上網、睇文件同漫畫唔使成日上下左右轉動画面，睇片又夠大，我高用度成日上網電都夠一日用。

正因為要就住打開後嘅大小，摺埋後嘅屏幕就只可以咁大，當然可以長D，但係就唔啱比例，所以針冇兩頭利，我就用D主要睇資訊嘅app，都好好用。而且摺埋後單手拎住用手感都好舒服。

另外回望及話題率一流，成日俾人問，無論同朋友食飯、搭車、同小朋友去玩，D人見你用就會問... 不過最尷尬就係嗰次同老婆搭的士，個司機係咁問我幾錢，又話好貴喎...

以第一代嚟講，佢真係唔係完美，例如配件少而且貴(買個殼最小要四五百蚊)、重、厚、唔係所有app支援大小屏幕轉換、感覺好化學、唔防水、唔防塵、得單sim卡、影相冇華為靚(之前用過p20pro, mate20pro, p30pro)...

我成日都想買多個tablet，屏幕大D方便D，但係又唔想拎兩樣野出街，所以一直都冇買tablet，掙扎咗一個星期最終買咗冇後悔。

我相信將來嘅平板都會有摺機，摺埋之後拎上手會細部啲。

由note8轉用Fold硬體冇得輸，wifi下載快咗藍芽射程遠咗冇斷線冇幹擾，雙喇叭夠大聲，指紋解鎖好用又準，睇書煲劇一流4比3好正，相機鏡頭隨時轉換廣角遠焦，手機6鏡頭任你發揮技巧，MON面2K解像度超靚。

可惜不防水，防塵已改善，MON面較弱不能碰撞，不可以貼保護膜。

冇買錯機惟一係太貴，高檔貨手機三叔係成功，攞上手已經喜歡亦好吸睛。