優點:
畫面真係好靚,第一次喺衛訊用佢睇youtube片簡直係覺得驚艷
用其他播放器睇片都覺得好靚,畫面好順,compare s20u都係呢部oppo機嘅畫面優勝,個O1畫質引擎同10億屏幕顏色唔係得個噱頭,真係掂
影相冇samsumg s20u 咁光速到對焦,
不過都好快,而且畫面有samsung咁好,特別係夜景水準都係頂尖水準,個人覺得雜訊控制稍優於s20u
相機有內置時間水印、快門靜音、屏幕錄影淨係錄系統聲,非常方便
電量冇想像中咁難堪,中度使用者可以一日一充
自動光暗感應係我用咁多部手機之中最滿意,之前其他手機喺呢方面特別係華為都好廢,所以一直冇用自動光暗感應,而家係長開
缺點:
音量鍵電源鍵比較置中位置,佢設計原意係方便我哋撳掣,但係呢個設計邏輯唔好,因為呢啲掣點會成日撳呢?我成日誤觸到
屏下指紋冇s20u超音波指紋咁快咁順
佢個曲mon係幾曲吓,曲mon嘅缺點不詳述了
部機有啲重(黑色陶瓷版)
color os冇一啲網上評論講咁樣咁好用,有幾樣細節位冇三星one ui咁好:
1)oppo冇剪貼簿,想搵前幾段複製嗰啲文字都唔得
2)相簿冇得揀點排序,啲相機相由早期至遠期咁排,唯有轉用我唔鍾意嘅google相簿
3)冇雙按電源費啟動程式,之前samsung機撳兩次電掣即刻打開相機,非常方便
4)黑屏手勢可以快速打開相機,不過喺屏幕畫圖唔係成日感應到,都係用返解鎖再拉相機圖案快速啟動相機
5)檔案管理冇得將資料夾捷徑放喺主頁面
6)遊戲管理冇得可以好似samsung咁淨係mute遊戲聲音等我可以聽住歌打機
評價:
一直用開samsung S、note系列機,本身又有s20 ultra,亦用過華為,而家轉用呢部一個禮拜,大致上冇乜問題,旗艦機要做到基本嘅快順影相靚打機正佢已經交足功課有餘,睇片畫質質素冇對手(個人意見),如果你唔係著重螢幕質素,呢個價位我建議你買samsung s20u,始終個os設計各方面嘅細節位都優勝過oppo呢部,如果你好著重畫面質素,呢部買得過