黑鯊 3 Pro

- 有實體按鍵：打射擊類遊戲真心正（尤其食雞兩指玩家）
- 7寸大mon
- 差電極速快（由63%到100%只要刷個牙既時間）
- 我個人覺得有翻啲重量既機先有型
- 成部電競機咁，有呼吸燈可以玩漸變燈效
- 出街唔會同人撞機
- 國際版暫時未有廣告困擾
- 打機既時候可以自動拒絕來電同埋所有通知（仲有好多對玩家友好既遊戲專屬設置）

- 需配合配件使用：遊戲時無風扇的話會發熱同埋影響偵數，豐澤送果個原廠磁吸充電器加埋同一時間充先可以達到超級快充（雖然原本type-c已經超級快，沒有最快只有更快你懂的）
- 國際版既pro無銀色揀係一大遺憾
- 個介面五係好正 （同samsung/lg比真係無咁friendly，又預載左好多手機遊戲好礙眼，雖然有得delete）
- 唔係好敢當佢係主機咁用：皆因太多人反饋話手機bug多多
- 實體按鍵真係特別驚跌落地會好容易壞
- 售後好似麻麻地 （去有信譽既舖頭買好啲）
- 價錢貴，大多數人都會寧願揀差唔多價位既ROG PHONE III，始終感覺上ROG=ASUS～做開電競電腦既知名牌子，而黑鯊=小米～平價手機行先，其他牌子例如nubia同埋lenovo都有出遊戲手機，但係國際市場佔比不大

整體上性價比低，但唔後悔買左佢。

比起2代，3代呢部暫時相機呀都算可以接受，應該唔會再被貼上除左打機乜都唔掂既遊戲機🎮

我個人就好欣賞呢次黑鯊既外型設計 （不過有人話機背好似兩條底褲咁😅 ）

網上既評論就好極端，有啲就話黑鯊好好用，有啲就話軟件bug多多，又話天線接收有問題，但呢個我唔敢評論，因為我靜係裝左一個食雞打機app

以我所知市面上暫時靜係得黑鯊有實體升降按鍵，我個人試完真係覺得好好用，好似真係有拎住遊戲手掣玩既感覺。

介面同埋系統上仲有好多改善空間，呢個黑鯊可以跟samsung/lg學下野