Google Pixel 4a 5G

1, 影相靚，快，影小朋友冇難度，終於有y鏡
2, 6.2寸芒
3, 指紋超快，位置相當就手
4,765g內核行得好順
5,有3.5耳機孔

1, 冇無線充
2, 冇防水
3, mon顏色稍遜於過往XL旗艦機
4, mon玻璃只用gorilla grass 3,硬度比pixel 5 grass 6有進步空間
5, 5g機係hk用唔到5g
6, hk買既係日本機完整解鎖版，因為日本機來貨關係，影相拍片強制有聲要注意❨唔想有聲既可另安裝其他影相app解決，但始終冇自家相機咁靚❩
7, 只有水貨，其實過往維修試過換mon換制都唔難，係mon貼，套唔係到到有
8, 只得128gb, 仲要冇擴充卡槽

之前用pixel2 XL,因鏡頭問題換機，相比2XL旗艦機，mon顏色睇落較多味精，粉色偏重❨個人覺得❩，睇落似中價機既mon, 雖然mon尺寸比較大，但可能長度較多關係觀感唔覺大左，指紋係我揀呢部機其中主要原因❨始終好多網上交易支援指紋，面容解鎖冇乜用❩，本人同時用緊samsung A71❨之前s8❩, 比較用mon解鎖會隱定同快一點，始終屏幕解鎖有時會從口袋拿手機既手勢而誤觸解鎖

重點係影相，比較ip12,p40pro, 同一張相其實各有千秋，pixel係細節位置如髮絲或紅色花瓣紋理會顯得突出一點，應該係軟件對暗位既處理較優，但影膚色有時偏黃，主要係室內光，雖然本人喜好偏向冇味精，而且有得後期調校，但第一眼睇落有部份相片係冇其他兩部機咁鮮豔❨另外兩部機其實偏藍偏紅，所以睇個人喜好❩，如只論細節pixel其實稍勝❨相片❩,而拍片都係顏色問題，pixel有軟件隱定手震問題，但出黎效果會令條片冇咁y, 有著有唔著

另外始終係google親生仔，軟實力無容置疑，除完整支援所有google 服務外(雲端相簿無限大但有限期), 相比另一大廠samsung, piexl既手機有多不勝數既細節支援，如會跟據你鬧鐘時間而選擇充電時間保護電池壽命❨鬧鐘前一刻才充滿電❩，如出國旅行亦會跟據你之前購買機票記錄提前提示你閘口號碼時間資料等於屏幕上，而且係即時資訊❨試過checkin前已有閘口no, 入閘後屏幕會提示改左閘口，訊息比現場更新更快，但幫人買既機票佢又好醒唔會提你❩, 而samsung 機可設定既自由度及靈活性其實更多，不過pixel會令你感受佢智能化既優點，走既方向唔同

雖然了出黎缺點比優點多，但可能用開pixel旗艦機，對4a 5g始終有點期望，雖然以$3300既價錢買入一部影相咁高質素既手機其實已值回票價，但同價位亦可買到8+258gb既內存手機❨pixel相簿無限大可全部upload到雲端，只要用返google相簿一樣同你即時load得返，所以佢又扣唔曬分❩,所以睇你要乜野，不過google既手機係玩軟件，純睇spec未見真章，相比其他牌子用同樣spec係有些分別，而相比pixel 5其實係用料方面❨如glass 6, 90hz mon❩已反映價錢身上，所以未係滿分之作，如果主攻影相拍片有相當質數，想方便，影相又一擊即中，旅行又唔帶相機而又唔想投資太多，呢部機會合你要求