iPhone 14

評測報告

實拍照片

*價錢相對平（然而與ip13相比完全不值）
*相對較輕
*電量夠同襟（比絕大多數同級android 機好）
*6.1吋Mon size啱啱好，單手操作好方便，但用慣大機嘅人來講就會覺得略為細啲
*打機丶睇片丶上網都算順（同S22不分上下）
*靚聲（對比Samsung s22)
*Mon 色水自然，呢樣已經係約定俗成嘅優勢，始終Apple用IPS而Samsung用Amoled，色水比較自然同埋冇味精。不過今次個mon都未係2k
*ios系統相對安全穩定（但當然限制亦都比Android機多）
*內置有好多Apps都可以方便上班族用嚟做嘢，而Android機一般都冇

*機身輕微發熱（但已比其競爭對手Samsung控制得好）
*相機一般，比起同期入門旗艦S22差，對焦唔到近物
*粒U冇更新，同舊年13 一樣，其他規格同設計更近乎零分別。（唔係for 12/13用家換）
*有時太多背景apps都有少少卡嘅情況
*咁上面都講過，iOS 限制係比Android多，但過去10年都已經開放咗好多，唔使好似以前咁專登越獄，市面上絕大多數嘅遊戲同Apps都可以玩到同用到。
*對用慣Android嘅人來講下下要用iTunes抄歌有啲唔方便
*機身厚，尤其對比S22
* face ID好垃圾，尤其戴咗口罩成日解唔到鎖我寧願Apple好似ip8或者SE咁加返指紋解鎖，可以學Samsung 咁加落mon中央，如果用慣Android機就知有幾唔方便。

我並唔係咩果粉，我係由S21+入手，因為上部機耗電太嚴重同埋發熱所以先轉，加上已經接近十年冇玩過iOS，過去10年都係Android 機，有7年都係玩Samsung旗艦（note同s系列，其餘LG、小米、HTC、Sony都試過。），今次貪新鮮膽粗粗試下，咁今次升級整體都可以接受，電量同過熱問題解決左，比過去Samsung 機好好多（雖然都易輕微發熱，聽閒係粒A15 U問題，Pro max冇呢個問題），而且我S21+ trade番出去仲有2500，所以4000左右就入到手，算非常之抵。當然都有唔少失望地方，尤其流𣈱度講真同我部前機S21+分別唔大（只係順啲啲咁多），mon同影相甚至稍為遜色，唔怪之得大部分評論都唔贊成iphone13嘅用家入手，因為個spec根本仲停留係2021年。本來想平啲入手13pro，但已經停產，局你買14 ，早知加多幾百買大機 。
總結嚟講，對Android 用家講：如果你係用中階機或入門旗艦，以呢個價錢嚟講都可以入手試下，但如果你係用緊高階旗艦（e.g. Note 20 U,S21U,S22U,同，Z fold系列），假如部機冇大問題，真心唔建議換。
對Apple用家講：咁用開iPhone嘅，你都心裡有數，如果你係用緊12、13系列嘅用家都轉呢部，咁就真係搵笨柒，用緊11或之前嘅用家就話值啫。
同埋，如果家長係買比小朋友嘅話，建議家長都係買返Android機 ，平平哋已經可以打到機，iPhone好多功能都係for工作用途同安全性居多，淨係買俾小朋友嚟打機係唔化算。另外，小朋友／青少年用家亦都唔好跟風去買，諗清楚係咪真係適合自己同埋值得，如果你單純淨係想打機睇片玩下社交apps，其實二、三千蚊Android 中階機都已經夠用（e.g. Samsung A系列）。