搭車去旅行－柬浦寨及越南篇
(Day 16) 寮國Luang Prabang —> 柬浦寨暹粒
今個旅程原意係由屋企搭車去旅行，搭到落柬浦寨，不幸係炒車令到不能完成⋯ 休養期間上網book左程機票，由Luang Prabang這裡直飛尾站，柬浦寨既暹粒。
2小時機程到達柬浦寨暹粒，出機場坐$5-USD 篤篤，去司機推介既Guesthouse $25-USD一晚，並聽取司機建議即刻去吳哥窟，佢話可買定聽日票，而持聽日票就可以係今日1600後免費進場架! 去到剛開始日落，黃昏既吳哥很美呀！ 獨自遊覽時有警察主動話收$5-USD就可上塔頂，其實都幾有興趣架！不過我唔鼓勵呢D行為所以無理佢，而另一個女仔有興趣噃，但因壓價唔成最後都無上去。
晚上酒店停電，話正在搶修，仲拿拿臨收左我錢！ 沖涼時電話既閃光燈同拍拍燈發揮作用。外出晚餐後行返住宿，感到暹粒這城市好討厭，係街上行過，基本上每架搵食車既司機都會叫你，"篤篤"、" Motorbike "，好多甚至係對面街已大聲嗌過黎！ 但我當時正常慢步，好明顯唔係要車！ 總之係暹粒，你係街上行就似食物一樣被千萬蒼蠅侵擾，如果唔係有吳哥窟我一定即走架！寮國山區的日子真令人懷念⋯
返到酒店仍無電，發現並不是只係酒店停電，而這裡幾條街都停呀！ 沖完個凍水涼瞓覺，瞓左一陣熱到成頭濕晒，窗又開唔到，又焗又熱，根本瞓唔到，係門口坐左陣又比蚊咬… 諗諗吓橫掂都諗住聽日入住上海女仔所講既hostel， 不如就依家去啦！
@0001
(Day 17) 暹粒
今日唔識死再去租電單車，不過係環保電單車~ $10-USD per day。 環保電單車全靠一舊充電池來行駛，亦有腳踏可以當單車來踩，不過好難踩! 充滿電池可行駛約50多公里；老闆係法國人，佢話為保護篤篤車，所以市內無任何租車公司，不過環保車唔同電單車，就可以經營，仲話剛經營左幾個月咋! GreenBike咁環保，真讚呀!
先去食飽飯先，然後即時去吳哥窟，駕駛Greenbike時發現極速只係30+，無污染又寧靜，如果推介都多D地方都有得租Greenbike，你話有幾好呢~
@1430
黃昏時專程登上巴肯山(Phnom Bakheng), 諗住可以用吳哥窟做背景來欣賞日落，點知上到去吳哥窟建築群係老遠，差不多完全見唔到，都莫講話既拍照! 跟我原先既諗法唔同，所以只係普通既日落。 另外山頂上1730唔比人再上觀景台，被免行冤枉路就要計啱時間喇!
回程天已黑齊蕩失路，兜左幾轉，發現已行了40幾公里，有點驚電源耗盡，好在最後都平安到埗晚上差電，舊電真係好鬼重，同職員講聲就可以係大堂差電，太好了唔使攞上房~
(Day 18) 柬浦寨暹粒—>越南胡志明市
最後一朝，諗住去睇日出，天都未光已出發去買吳哥窟入場票，售票處迫爆人呀! 佢地每人既目的都係去吳哥窟睇日出，我就最憎同人迫，於是繞過吳哥窟後，路上已見不到任何遊客了，去到一個湖邊正直晨晞，很美! 日落就睇得多，特登起身睇日出都係第一次咋! 不過眾人皆醉我獨醒，睇完晨晞即時離去，不刻意追求個鹹蛋黃，想係晨晞時有種仙境既感覺參觀一個景點，於是係第一個遊客到達布隆寺(Ta parlu )
去到後雖然太陽已升起，驅散了清晨既霧氣，天氣不似預期，但我係第一個進入，成個遺址都係我架! Yeah~ 達布隆寺原來係盜墓者羅拉既取景場地，極有廢墟既感覺，近期香港好興廢墟攝影，相信達布隆寺就最一流勒! 而晨咁早得我一個人係廢墟內，都有少少驚架!
回程時路經景他既建築群，有大量四面佛而宏偉既巴戎寺亦有留步參觀； 其實今日架Greenbike都行左好多路，其間真係好擔心唔夠電，好在最後都玩畢全程~
(Day 18) 柬浦寨暹粒—>越南胡志明市
用盡整個上午時間去遊覽，返Hostel沖涼check out，食完午餐坐篤篤車去機場； Check in 時竟然話下一程，即由胡志明市回港既無位，但我張e ticket 明明話confirm喎！ 好明顯overbook啦！下一程係坐CX，實嘈佢同叫佢比番晚酒店我住架！ 好在我仲有多一日假期啫...
本程吳哥航空，全班機得8名乘客，真係蝕大本囉!
到達胡志明市，地勤職員講原來係flight cannel，仲話已用Email通知晒乘客喎! 我無收過囉! 原先這個行程都諗住路經越南，所以一早已辦好Visa，但由於排華所以取消越南行程，殊不知忽然停越南，Visa都派上用場。
CX free 左晚酒店比我連晚、早餐，明日有三班機我揀，選擇了1125。雖然係航空公司問題，其實我都想爭取多D，因為我都係機場工作過一段長時間，絕對明白航空公司既運作，但我真係做唔出為抓多點賠償而大吵大鬧... 不過可能因為我仲有多一日假唔心急掛!
晚飯後乘20分鐘的士去地勤推介既夜市$97000($33-HKD)，但去完回程竟要$140000差不多多了一半! 肯定兜路! 但我最後因為無錢，比晒$114000佢，司機仲笑笑口講無所謂，仲唔係偷雞唔到蝕榨米!
(Day 19)越南胡志明市—>香港
酒店早餐唔錯，係越中mix，唔錯! 食完有專車車我到機場check in，又係尋日個地勤小姐，話會當我貴賓看待喎! 行李貼上bussises Label，但就比個經濟位我⋯ 算吧，反正都係經濟位最前排。
坐車去旅行，浪遊東南亞之旅完!
