台灣Cx3 "Colour Camp Carnival 2015" 玩樂後記 - Part 1

小弟自己其實只係個超級入門的露營初哥
做咗卅幾年人, 上年才第一次share朋友的營在大東山半通頂拍星拍草拍日出(因為環境太靚,拍到相機無電才發現已半夜2am, 無得影相才去睡)

之後見同行朋友喺佢哋玩開的Fb group "camperism友營人俱樂部" 入面share了不少露營的靚相, 我就自己加入group了, 之後慢慢參加多D谷主搞的活動就熟咗班搞手, 但仍然係未買自己的營, 因為佢哋在粉嶺租咗估小農場, 一秋涼就搞party, 露營活動, 我次次都係玩到7,8pm就走人, 唔會過夜(雖然有涼沖, 但唔好意思再share別人的營, 而且交通好方便, 要回家, 第二日再去玩都唔難)。

但今次就好唔同喇，受到谷主的邀請和幫忙book機票, 第一晚酒店和接駁車，差不多唔駛自己搞，所以無私伙營具的我，終於的起心機，又淘寶又行街買咗8,9成露營的必需品後, 就在10月中跟咗友營人的谷主和不少在group內認識的愛露營朋友去咗台灣台中附近的苗栗，參加台灣露營界中十分盛大的2.5日2夜的 Cx3 :Colour Camp Carnival 2015。得到咗個十分十分特別0既露營體驗， 亦多謝同行0既營友照顧同一齊遊樂大吃大喝。

在香港出發，坐在飛機等起飛果陣，我真係覺得好神奇：點解我會去到台灣露營0架?
明明我係個露營初哥，今次係我0既第二次露營。大部份器具都係出發前半個月先買到，有D應該係必需品0既直頭到達台灣後才買，所以能夠出國參與cx3咁大型0既露營活動，簡直係神奇到極！ 
神奇在我0既越級挑戰!
神奇在出發前原本被李氐力場90度彈開咗唔吹香港，變成直吹台灣0既颱風巨爵，雲帶邊皮掂到台北台中少少， 個風眼仲在海中心行緊去台灣時，自己成個散開晒，無令營地下雨或天陰，我哋成個露營活動都在藍天白雪大好天之下進行，好玩得多！ 而且夜晚仲可以拍到星星（因為活動舉行日子係農曆初十幾，月光都好光， 所以星星不是很多，但都容易見到， 拍到， 外國0既天空就是晴！
所有所有都係完全意料之外， 神奇！

出發前如何準備就不講喇，對我來講樣樣都新奇，但對大家來講就沉悶，但我真係好想分享下 
我見，我試，我感：在香港露營和去台灣露營好唔同0既地方和感覺。

我Total去咗4日3日, 第一日去到我哋先去台中住一晚酒店, 因為谷主和其他專業露營朋友想參觀和血併當地的露營專門店。去到見到真係大到呢，有四五間永成咁大，幾層咁分門別類。Total我哋睇咗兩間，都好大，各有各的特價商品，睇少一間都有損失。（抱歉我真的不太露營，所以無刻意記住店的名，只見同行營友買到大蘿細蘿，最後因為忍唔到手買咗幾張木框加布的露營椅, 要集運一齊寄速遞返香港）。

第二日，中午食埋當地好出名0既超好味富鼎旺豬腳後，就坐預先book定的兩架7人VAN出發去 Cx3 0既場地：苗栗0既老官道農場。落機的第一日黃昏已出現好靚的晚霞，唔係烏天黑地，第二在車上面駛去營地更出現好靚好藍的大晴天，見到人人都已經好興奮！

約兩個鐘0既車程就到咗營地，一落車你已想大嗌好靚! 
因為你會見到幾個足球場加埋一齊咁大0既草地，在d草靚過香港大球場十萬八千里遠0既農場斜坡上，高少少0既小山丘上種咗棵好靚0既大樹，見到真係想周圍奔走同碌草地，我可能第一次在無牛羊無屎屎0既農場走，真係興奮得很！

然後你會發現營地中間有條乾乾地0既小河，可能夏天會多返d水似返條河，但最重要係唔臭， 唔係香港果d兩邊住宅中間一條0既大坑渠。 
而且你見到圍住農場0既樹陣0既遠遠後面有座好似富士山但感覺矮dd，但同樣有層雲海圍住中間0既大山，一切一切都會令人興奮同放鬆（或者放肆 XP）

我哋一行人係在兩日一夜正式活動前早一日到達， 參加到前夜祭0既BBQ盛會。 
等到第二日活動正式開始，愈來愈多台灣朋友到達扎營，就會見到原先0既大草地慢慢排好咗一行行0既營帳。

原先只有藍天綠草0既風景，在第二日(即我的行程0既第三日) 就多咗好多不同顏色0既營幕、尖頂、小屋，亦都體現咗活動名Cx3中0既第一個c : colour！

 

 

------ 未完, 待續--------