【轉載】香港周末親子好去處 2017
香港學業競爭激烈，令小朋友同家長備受壓力。其實想幫助小朋友學習，唔使下下靠做練習溫書嘅，得閒多帶小朋友接觸下大自然或者不同嘅新事物，不但可保持身心健康，仲可以提升小朋友各方面嘅智能，有利全面發展。就等HelloToby為大家推介幾個啱晒一家大細嘅周末 親子好去處 啦！
1）荃灣愉景新城D·Park
位於荃灣市中心嘅愉景新城D·Park設有全港首個多元智能學習樂園，提供親子遙控車旅程、邏輯駕駛旅程、玩轉STEM旅程同親子平衡車教室等多款多元智能學習課程，俾小朋友透過玩電動車、遊戲等提升不同方面嘅智能發展，收費為$30 – $70不等。而由丹麥團隊設計嘅鯨魚花園，可以俾小朋友自由攀爬玩樂，而且喺指定時間內拎入場券就可以免費入場！
想知更多詳情，可瀏覽D·Park愉景新城網站。
2）IngDan硬蛋香港體驗廳
硬蛋係內地嘅智能硬件創新創業平台，上年3月喺數碼港開設咗體驗廳，免費俾大眾親身體驗最新嘅智能硬件產品，例如機械人、智能汽車、VR虛擬體驗眼罩同3D 打印等高科技產品。
想知更多詳情，可瀏覽IngDan硬蛋香港體驗廳Facebook專頁。
3）坪石遊樂場
坪石遊樂場又有「恐龍公園」之稱，係唔少家長同小朋友心目中最好玩嘅公園之一，因為呢度係香港小數以遠古恐龍時代為主題嘅公園。園內設有不同嘅恐龍模型、仿古化石同圖騰裝飾，好似置身於電影中嘅恐龍世界咁。
溫馨提示：一家大細出外玩咁開心，不如搵個戶外攝影師幫你哋影番輯家庭寫真，留下美好回憶？
4）康文署兒童遊戲室
講到平靚正，一定唔少得康文署設立嘅兒童遊戲室。呢類兒童遊戲室以馬戲班、海洋、森林等為主題，設有各種適合4至9歲小朋友玩嘅康樂設施。全港各區超過33間嘅體育館都有兒童遊戲室，而且最重要嘅係免費入場。
按此了解各區體育館兒童遊戲室位置。
想知道更多適合一家大細去嘅地方?立即上HelloToby閱讀全文
