1.連拍速度快，未裝grip已經有6張每秒,裝咗就有7張
2.照片鋭利，雖然得1200萬像素，但仍然有後期裁切空間
3.對焦快，D3同款對焦系統,AF-S模式下即對即有，AF-C模式下也能捕捉住飛鳥
4.SD+CF雙卡槽，對比D300有所升級的地方

1.高感差,一到天黑、阴天就可以返歸，iso 開到1000勉強可以用，開到1600有明顯噪點，再往上拉后期都拉唔返
2.實時取景難用，對焦仲慢過手動對焦
3.視頻，支持720p24幀但要用三腳架先有自動對焦

想打鳥但預算十分有限的情況下值得購買

專業操控，形，二手平機好抵玩

缺點低光拍攝真係和現今相機相差太遠，用閃燈可稍為解決但唔方便及冇咁靚，另一就係個芒D300時睇冇問題，但咁多年見慣靚芒就覺得d300s 芒唔靓，LV 拍片就算了吧，重量亦相對比現今機重,51點對焦係對最前個位，影人如前面有花就會對焦花，所以都係用中間點穩陣

剛買了部4千幾快門九成以上新既 D300S， 09年 APSC旗艦到，專業操控，對焦快而準，而新款機則爽超爽及精細，51點對焦已涵括一般拍攝用途，外形討好，快門聲正，手感一流，唔裁唔放大，千二萬像素其實好好，當時D人一樣影到相都好靓，科技野都係想賺你$，當然新梗係正好多，睇下你需要乜，我就冇乜時間影相，但又想玩返下D大機，見一千元就入返部，加五百連龍仔 B005 送埋D50 靚袋cpl, 當買玩具，多年前我曾有D300 有良好印象，再次擁有更新款的d300s一如以往感覺非常好，相片質素絕對唔差，當然不能同依家D機比但靚過遲佢幾年出我用緊既M43, 買返來滿足到玩相機既感覺，平平地入得過，貴就有更多選擇，d7000 d700 呢D都係1500-2500，d90二手都過千，我少用就買平盡佢，如再舊款就唔好買, 送既D50真係屬古董級，拿上手確幾好，但一操控已唔想影了

功能其實與近幾年產品差別不大，快門速度、連拍速度，ISO 3200仍可以接受，用騰龍 A005 對比 CANON 70D+A005 拍照，影像更利，顏色則各有千秋，用原廠大致上解像度是比 CANON 相機系列稍高。

CANON 70D, 600D 比 D300S 差別最大是連拍，C 記可以像機槍一樣，可是 N 記的 D300S, D3200 等連拍六、七張就無以為計，打蝶/雀想捕捉最佳時刻相當困難，其它拍攝就極為方便

今時今日評一部超過十年的相機，本人認為只有從使用方便及畫質可說，單鏡相機發展到今天已走到未期，性能近幾年能改的除了對焦、連拍及高 iso 外，其實已沒多少空間，除此之外，就是為減重而轉向無反而已。
無反及單反本人都有，基本操作視乎個人喜好，但以眼平觀景則以單反優勝得多，D300S 對焦快及 APS-C 1.6X 優點對不要求高像素而言，打雀打蝶影花均極為方便，影像銳利及名彩鮮明，極具 NIKON 本色，二手價極之抵玩，不過買者要放下高像素高 ISO 要求才好買啊！

今時今日、九年前機、仍有優點、
乃自欺欺人。

像素不高、ISO 不高、只有100-6400、二手價、叫價仍貴。

同樣泰國做、我用過D7100 、及D7000 、這部機在這兩者之間、但D7100 、一定好過佢好多、高像素、高ISO 50-25600、3.2吋Mon 、有1.3X 增距、機齡較新等等！

DX機皇之名當之無愧, 朋友用D700, 相比過機身設計、機能99.99%相同(規格上300S好似仲高級過700...), 人性化介面一手操控, 51點自動追焦更加係係神器級, 影人影動物實無走焦!!

自動白平衡的確係差左少少, 始終4年前既產品...

由D90反向行到D3100, 到用盡左部D3100之後(全時手動, 連白平衡, 色温都全時手動), 無內置摩打既機身的確會成日出現走焦情況, 於10張得6張中, 功能上亦滿足唔到小弟既情況下定決升級, 於D700 及D300S之間考慮良久後, 於影人為主既大前提, 以及D700既二手SC數大部份都好驚人(下下都過50K....), 最終決定入手D300S.

一拎上手...全鎂合金機身、專業級既機身按鈕設定, 俾你一手撐控既感覺!! 任目標點走, 白平衡、ISO都可以用左手一手操控, 再加上51點自動追焦...

即使場景、背景燈光突變, 內置記憶模式可以俾你記得不同燈光下既設定, 即時改變感光設定...

簡單D講, 只要你識影相, D300S一定影到你想要既野

1) 機身外型: 線條非常硬朗, 俾到我可靠同穩固既感覺
2) 機物按鈕: 其實唔覺有咩特別, 但係刻意去諗有咩唔好又諗唔到, 咁應該係代表...完美
3) 操作介面: 雖然唔似依家D 新機又有扭MON 又TOUCH SCREEN, 但我好有信心我用前後轉輪黎入MENU SET 野一定快過你用TOUCH SCREEN。 加上可以自己CUSTOMIZE 一個自己個人化既選單頁, 將自己常用既SETTING ITEM 放入去,呢樣真係非常好用!!!
4) 機身手工: 同外型一樣, 非常硬淨可靠。 自問用得都幾粗, 但一D損傷都無, 只係個mon cover 有d 花, 仲有試過幾次落住雨黎影, 雖然雨唔大, 但真係完全無問題
5) 其他: sd+cf 卡slot 真係好方便同專業; 100% vf 好重要 ; quiet mode 好有用(影bb)

至於畫質, 以今日既標準當然已經係兩碼子既事, 不過對焦既速度同準確度, 係今日睇番都依然係top class, 唯一真係能撤低打敗既, 我覺得就只有70d 既dual pixel live view 對焦

1) 自動白平衡真係一般, 有時好好太陽既時候, AWB 影出黎會偏黃
2) 影較SHARP 色既物件時(例如係紅色既花), 好易變左一PAT野, 有時亦硬係影唔到現場既氣氛顏色
3) 拍片真係.....
4) 唔用ISO noise cancelling 的話, 其實d noise 都好勁下~

當初係7D 同D300S 之間選擇, 最後揀左D300S。 點解我會話係身在福中不知福呢, 因為近排見愈黎愈多人用FF 機, 心裡真係有D 不是味兒, 亦開始對自己部機(D300S) 有D 厭, 好想升級上FF。 但係黎呢度睇番好多用家講出佢地對D300S 既欣賞之處同感覺, 突然勾起番好多當初岩岩買到佢既時候既一d 興奮, 好似51點既對焦系統咁, 當你係個vf 度睇住d 格仔會自動追住個目標咁走, 果種pro 既感覺真係好難忘。 仲有就係一秒7張既連怕, 真係好熱血(記得影果陣唔好諗住番到屋企要揀相同del 相既痛苦)

其實果陣d300s 同7d之間真係好難選擇, 取長補短之後, 我覺得兩部機係打和.. 所以最後我係用左非常主觀同直覺既因素黎做決定, 就係手感同快門聲。 在我而言, d300s 既快門聲係我聽過最好聽最爽既一部相機。

我會繼續珍惜呢部APS-C 既機皇

很多，不多寫，請看用後感

CMOS不及新機及FF機

本人有D300s及D700兩台機
100%view founder加上51點3D追踪覆蓋對焦範圍之廣，使此機對焦快而準户外拍摄(動態拍摄)一流。但是此终不是FF機，细致度會给FF機比下去。
微光的環境唔開附助燈對焦也超準。
快門的聲响，正！有實在的感觉(比D7100,D600)
在室内好像很多Ching所說白平衡有問题，如果用回原廠N記鏡會好些，用閃燈就很正常。
可以用機身控制外閃，加上機頂閃燈可以做到很多校果。
機身設計一流，和D700一様(D700是Nikon第一部平價FF機，所以在推出前做過很多测试)

1.對焦快而準,最欣賞佢lee樣野
2.51點對焦，好方便，成個畫面都覆蓋到
3.機身全金屬造，非常可靠
4.操作方便，全面，佢既操作係用D700下放落去的，而家既7100同600都無佢既操作咁方便！
5.個芒夠靚同色都準，唔會呃人..
6.內置摩打，可用Af鏡
7.連打一秒七張，夠晒用
8.連Ais舊鏡都可以用到！！
9.電非常耐用

1.iso係而家黎講已經比下去了，此終係4年前既機種..
2.白平衡又係比而家的差，室內白平衡最差...
3像數其實都夠用，只係而家既機太利害啦，最少都2000幾萬像
4.重(但我鍾意) hehe......
5.陽光機，姐係光線唔足同係室內人造光既環境，佢既白平衡同iso就唔多掂……

當年D90轉上D300s，比到我一種係兩個層面既事，非常專業，無論機體設計，操作都係落足料去造，就算同而家既D7100比，輸就輸在畫質，高iso同個白平衡，但操作，對焦既反應同準成都可以講比D7100好，如果你係300s既用家，7100都未係你升級既對象，因為D300s仲可以講係nikon APSC機中專業果一部，仲有一樣係而家既機比唔到你既就係故障率，D600又話入塵，D800又話會走焦，連D4都有問題，(我個朋友用D4，用用下個對焦屏左面一大達油漬，cs話係塵.......無言)，但對上一代既nikon機邊有話既多問題，總結就係d300s係nikon最成功既APSC機.....小弟覺得.....你見D二手去貨速度幾快就知佢仲好吸引！

-51點快速對焦
-15個十字形對焦同級數一數二
-7fps連環拍令你置身專業拍攝
-CF & SD雙咭設計
-專業級全鎂合機身全天候拍攝
-Tiff制版CMYK可用格式
-機身多鍵式操控可快速轉換
-機身摩打仿如光速可俾SWM

-ISO去到1600其後影像開始差異
-APS-C 片幅不是全片幅

DX "Flag ship" 旗艦單反此機2009年至今還没有後繼，
但其强勁功能已成功轉移到D7100身上…可説是功成身退！
用了此機多久還没有想轉換，因機身操控可説是太完美，
連拍速度和像數可以攞到平衡，可見工程師的細心。
如要換機真係要有同等平衡度既full frame機先嗱…
D600/D800都有其缺點，食之無味之感！
開心用盡手上器材拍攝出完美影像才能得到最大滿足感…

1 全鎂合金機身，防水防塵，可以係遠旅行嘅時候唔使擔心刮到機身，而且機身相當有份量，好有手感。
2 51點對焦好好用，好隼，呢樣C仔真係差些少，不過各有各好姐
3 一秒七張好好用啊，尋日去打雀加支長炮影出嚟D相大約有九成都中，當然要睇你點樣影啦。
4 內設虛擬水平儀，呢個都好好使！如果影日落呢D景，可以避免傾斜。
5 有雙插卡槽，CF+SD。自己就較鍾意用CF card，幾貼心。

1 拍片D時間太短，不過我唔會用相機去拍片。
2 加直倒都幾重，對我呢D身型較細粒嘅女仔嚟講都係一個幾好嘅鍛鍊，哈哈⋯
3 個IS0按鍵唔係好就手，搞到我有時㩒錯。
4 泰國制造真係讓我無言，點都係DX機皇好心就日本制啦，不過可能大陸人比較鐘意啦。
5 像素可以多DD就好啦，but都幾夠用。

之前一直用C仔，想換下陣營，就過咗嚟老尼。本身想入部全篇幅機，但之前都未玩過DX嘅機，加埋老豆有又幾支DX鏡頭咁就買咗呢部機啦。本身考慮入D7000，但係去到某大相機店一試就發現D7000唔係自己杯茶，真係唔明老尼可以改D咁多就話係新機,價錢亦都唔合理！仲要係半鎂合金機身，同埋點解要用S0NY嘅CMOS？！老尼技術咁好需要用其他對手嘅嘢咩？之後我再試咗D300s之後，就即刻俾錢入手！
雖然話呢部機出咗有一段時間，但係居然佢嘅性能到依家都一D唔見得差過新機，可能更比某D新機要好添！

首先操控性一流！佢嘅常用設定掣全部都係機身度，好方便。小女子本身係一個攝影師，經常要影人物照，呢部機唔駛我成日較設，好方便！加埋一秒七張連拍好正，對焦又快，D雀實影到！

ISO方面雖然去得高可能見粒，不過影相係吃腦嘅藝術，可以用其他方法平衡返，好小事姐。

見好師兄話佢重，自己係女仔覺得幾好喔，如果唔夠重嘅話我反而揸得唔夠定！用料又足，同專業機都幾接近。鏡頭新老DXFX全部都用到，仲想點？

又果你手上有一兩支鏡皇嘅話，呢部機真係可以變得好勁！D相影出嚟色彩濃厚，但不失自然，唔會似同牌子嘅D800影出嚟D相嘅假，一部出左咁耐嘅機，個價跌得咁少，就知道佢一D唔簡單！老尼DX機皇嘅稱號當之無愧^_^