優點:
1. 外表有型, 造工良好, 雙轉輪, 用熟左好爽!!
2. 握手位好好, 重量適中 (對男仔黍講)
3. 光圈範圍: F1.8 - 2.4 去到70mm 仲有2.4 重點係佢有24mm!!
4. mon 靓, 反mon (同級中只有佢同Canon G系有)
5. 白平衡準 (試過同場一齊影, Canon G12 & Sony A55 都吾夠佢好)
6. 有臉部潤飾 (美肌) 可影完先用相機後製, 有人話好假, 但您只要用第一級就會自然好多!!
7. 相機仲有其他後加濾鏡同相片風格, 一樣可用相機後製!!
8. 部機影出黎色水艷麗, 無需軟件後製!! 所以我只影Jpeg!!
9. 機身防震出色, 1/10秒依然好sharp!!
缺點:
1. ISO 400前一流, 800用於好黑既環境好多noise, 如用於光d既環境ok, 但放大睇有黃斑...
但對於一年前出既產品黎講, 已經吾算失禮...
2. 操作上仲有好多改善空間. 例如:
a) set 左影像調整(即係自訂左對比度,清晰度.....)就吾可以用濾鏡影相, 只可後製.
b) 對焦80cm內影先選左花花mode先影得清; 相反80mm後要選normal mode...
c) 其實仲有其他, 不過當你用熟左問題又吾算太大
3. 人臉對焦成日都搵吾到人臉, 但我用單區對焦所以冇乜影響
4. 鏡頭蓋最令人討厭; 但當我換左副廠三葉鏡頭蓋之後問題完全解決!!
評價:
曾用Canon G9, G10, G11
如同G11比 我一定選EX1!! 點解?? 優點已經寫左...如同G12比 我仍然都會選EX1!!
雖然我未曾擁有過G12 但曾借用朋友機試過 雖然G12 ISO 1600 可用 而且可以影得遠d 但24mm對我黎講真係有用好多!!
如果您當佢係傻瓜機, 只會用smart mode影既話 我勸您吾好買, 因為您浪費左部機同埋個smart mode吾會影得好...如果您喜愛用m mode 或 光圈或快門先決既話 呢部機真係無得頂 但您一定要有耐性同呢部機磨合......以而家呢個價錢絕對超值!!
最後, 我成日聽人話Samsung吾識造相機或韓國野吾得...吾該您真係有認真試用過先講啦, 因為當我認真試用過呢部機, 我覺得相機無論係邊個牌子 / 邊個國籍一d都吾重要, 重點係呢部係咪一部好相機 同埋係咪一部口岩您用既相機!!