優點:
25-300mm 焦距 , 由出外旅行至日常生活抓拍都夠晒用.
外型討好, 簡約 ! 輕便 ! 隨時袋落褲袋就行得.
成像顏色好靚, 飽和度好好 ! 拍攝完輸入電腦基本上唔駛點再執色經已見得人, 依樣真係抵讚 !
缺點:
以傻瓜機黎講真係無乜野好彈, 唯一就係佢個價錢相等於 2 部其他一般傻瓜機的價錢, 不過話分二頭 : 其他傻瓜機未必畀到依樣質數你 (不過佢個同母異父兄弟機 Panasonic ZS-7 可唔可以畀到同一相片質數就真係唔比過唔敢 Sure).
評價:
本身我用開 Canon 5D Mark II 加紅圈鏡, 成像質數有返咁上下, 不過嫌佢平時帶出街重所以想搵部隨身機仔. 原本買機當日見到 Sony 部 NEX-5 都有貨, 大家價錢差不多; 初時都有心思思想轉呔, 不過諗深一層自己的最終要求係搵多一部隨身輕巧方便為原則的相機, 所以都係最終維持原判揀佢; 以個人而言, 如果買多部又要換鏡頭同儲鏡頭的相機; 咁不如買多部 Canon 7D 好過, 起碼唔駛再額外去買新鏡頭 ............ (以上純屬乎合本人個人需求的意見, 並無貶低其他牌子型號的意思; 希望唔好誤會)