評價:
我一心想買部拍Full HD 1080既DC , 原因係想放棄以前又大又重既DV,
揾左好耐原來係香港唔多普遍 , 結果得以下幾個選擇 :
Panasonic DSC-FX700
Sony HX5V
原本唔考慮Sony , 因為以前覺得Sony 影想唔掂 , 佢紿終係DV出身.但以Sony 咁有計,
咁不自覺諗起HX5V , 但係網度d人彈到佢九彩 , d相完全唔掂.但我買佢主要用途係屋企同小朋友拍下Video , 影相就用其他DC (Pan記 舊款DC) .
係來Pan記出左部新機(果時) FX700 , 好啦諗住呢部網上話佢拍片超正,加上我用過Pan記7百萬型號都收貨,咁呢次可以一機兩用啦.點知去到試機, 嘩 ! D相雜訊多到暈.又touch screen 勁難用. 咁唯有放棄..
講番HX5V,試完FX700就決心去買HX5V , $2500 無送多舊電 , 咁就死啦 , 我過兩日要去廸士尼同細路玩 , 一粒肯定唔夠 . (後來問舊電間間都無貨) . 當時夜晚九點幾,聽日再買怕唔識用/唔熟/壞機等等...
係進退兩難下, 個 Sales哥哥問我想部DC又乜要求 , 我就話要拍Full HD Video , 佢即時一指 ---->WX5 , 咁救星出現啦 , 主角出現啦~
我想要3個要求 , Full HD Video , 大光圈 , 超廣角
佢完全比到我 , 仲有 5X Zoom , 當然10倍仲好 , 但發覺用既機會係好少, 因為 5X打後會手震.
大光圈唔駛講有幾好 , 個個追求F2.0 , 2.2 , 2.4
24mm 廣角 , 咁細部機有咁Wide , 我以前真係諗都無諗到 . 我用開Canon 30D + Simga 15-30 先做到 24mm Wide , 而家係褲袋就咁攞出都影到 , 你話係咪贏幾條街呢 ?
Full HD 1080i 真係好靚 , 頭髮 , 衣服都好真 , 無須買高清攝錄機咁大部 ,慳番幾千.
夜拍我都好滿意 , 無閃燈影相成功率好高 ,
仲有好多功能都無一一玩晒 , 例如全景 , 3D 相片 , 10fps , HDR ....等等
不過講左咁多好話 , 係時候講番d人話
拍片超超超食電 , 我得兩舊電 , 一早入廸士尼影video , 就住就住中午就用左一舊電 ,
下午直頭唔敢影 , 真係要影先影 , 最多係影相 . 仲要係帶左部义機係canteen
偷偷咁充電 , 買2個餐百幾蚊. 結果捱到夜晚想影煙花都無晒電.
除左d電大食之外 , 我真係無乜投訴 (結果我係大陸買左3粒電做後備) , 不過諗起仲有樣野諗爆頭都諗唔明 , 點解無 " 3:2 相片比例 " 呀 !? Sony 大哥
我對Sony 真係另眼相看 .其他牌子真係要急起直追 !!