Canon EOS 60D

評測報告

實拍照片

1.重量大小適中
2.反應快
3.mon好靚(我所指係色水唔係講可轉mon)

1.外形唔夠50D型
2.太暗或反光度高的目標有機會失焦
3.反mon似玩具機

我係用開450D的，起初升級都無諗過佢，點知試完幾種不同型號級不同廠款機之後，竟然發現60D最啱我，無論機身大小重量、功能質素我都好滿意；而我建意每位想買機的朋友，入手前不要盡信人言或網上打手們的吹噓......聽唔緊要，最緊要認真試下部機先，係味真係適合自己先，60D的負面我聽好多，到我拎上手靚自試用時，佢不但比到驚喜我，而且亦無傳言傳得咁可怕於是我就選擇佢！(我覺得買機貴一貴勁一勁有鬼用咩！買左番去一係嫌佢重一係嫌佢難操作困難，擺屋企多過去影....淨係D親戚朋友黎時，就攞出黎 '現野 ' 咁就失左攝影的意義了！講到離哂題添！）

１：手感好，相當結實，但並不重。
２：操作有專業機感覺，但保持相當的簡易。
３：功能齊全，專業機要的都有。
４：電子水平儀，無線閃光燈等功能。
５：扭mon。
６：轉盤鎖，以前老是不小心轉了不同模式，現在沒有這個問題。
７：場景模式，創意瀘鏡，影像風格，方便新手又或者懶人。
８：5.3fps 的連拍和最高快門達8000
９：自動白平衡一流
１０：最高ISO 12800
１１：電力夠長

１：不全面防水防塵
２：只有九點對焦
３：Live View自動對焦很慢。

話說友人一聽到我買了60D之後就大彈60D之不上不下，還猛讚7D的對焦和測光快夾準，基本上和網上猛罵60D的說法差不多。
但我沒有後悔。

我本身是個兼職記者，每年總有幾天要拿著相機滿場跑，鎂合金機真的的強，但多145克一兩小時不是問題，但帶著好幾天就是活受罪，再加上鏡頭也不輕，所以能輕一點就輕一點，反正唯一不防水的地方正好被手按著，問題並不大，而機身也做得夠結實，拿起來有安全感，手感又佳，這已經很夠了。
至於19點對焦的確很吸引，但我一般都是中央九點，十九點是很方便但對我來說不是必要。
至於快拍其實現在的速度也很夠，又不是拍足球賽或者賽車。
也就是說，7D最大的三個優點我不大需要，那為何要多付三千元？

反過來，扭mon雖然看來好像多餘，但在採訪時常要將相機高舉過頭，有扭mon就可以知道自己在拍什麼，對焦雖慢但總好過亂拍一氣。這是一個沒有的你不會留意，但有了卻十分實用的功能。
其他7D有的功能這裡一件不少，即使我很少用那堆什麼創意瀘鏡但也相當實用。
最重要是配合高ISO控制，拍演唱會容易多了，再加上雜訊控制連12800都能用。

如果你是550D當然不會那麼呆去升這個級，甚至連升到7D也不值得吧！但如果是450D又或者500D想升級到中階機，但又覺得7D太貴，那60D絕對是一個CP值超高的選擇，與其花多三千買合金機身，十九點對焦和高速快拍，還不如省下來買支好鏡。

不要相信那些7D派的說法，去花錢買其實你並不大需要的功能，更別聽人說550D和60D一樣所以買550D算了的說法，中階機和入門機差很遠很遠，單是快門聲就完全不同，手感操作都是兩個世界。
記著，60D的高不成低不就，換一個角度來看就是高手和入門都可以享受的萬能相機，不要被網上的人影響自己的決定，這是一部超值的相機。

1. 十字型自動對焦系統, 真的輕快準確
2. 1800萬像的畫質
3. 白平衡控制 (iFCL 63 區雙層測光感應器)
4. 較輕身的中階機身
其他的如:-
可翻轉的液晶螢幕、較大的光學觀景窗、
俾500D好聽的快門聲、支援兩組無線離閃、電子水平儀、
RAW 檔編修功能、創意濾鏡、
容易上手的操作介面(八向鈕加速控轉環)、SD card 儲存方式...等等

1. 自動對焦點數量仍然9點, 9"舊"左D
(我多用中閒點, 都接受到)
2. Live View 對焦速度真係慢又會錄到摩打聲, 所以9成手動對焦為妙
3. 無左自動對焦微調功能
(其實用性, 看你支鏡頭走唔走焦囉, 無就無用, 但有依個function總比較好)
4. 不是鋁合金, 但叫做有防滴防塵能力
(輕+基本保護 vs 重+完整保護, 因人而言, 我接受到ok啦)

由500D轉60D感覺完全不同, 有明顯的差別, 用左它幾日影左百張相左右,
感覺中階機,真的是中階...
最明顯的是:-
1. 它的十字型自動對焦系統 , 真的輕快準確 (準確度比同500D高好多)
2. 它的畫質比500D的清晰紮實, 看得出表現不同 1800萬像 vs 1500萬像,
3. 它的白平衡控制比500D的, 好好多 (我最欣賞的依方面)
用500D在室內或在黃光燈泡下, 次次都要選擇適合的AWB,
但60D, 完全可以用Auto 都可以好準確認到適合的白平衡,
依點對新手或初中階者來講極之重要, 它做得很好。
大概是其iFCL 63 區雙層測光感應器與35 區測光的分別 (我估依點勝於50D&500D)
4. 它較輕身的中階機身 (雖然是膠, 但手感好紮實)
我覺得ok, 加支5xx~8xx g 的鏡, 取得良好平衡 (絕對可長時間手持)
(我試個7D+24-70支鏡, 都幾重, 我覺得平日同BB出街, 有D唔方便)
5. 其他的請看優點及缺點

由於$7xxx便買到, 所以整體來講各方面非常滿意, 完全俾到中楷機的感受及功能給我。
如果用正價買, 真係貴左D (性價比 vs 50D or 550D)
但講真, 有人叫你買50D好個的, 要接受到兩年前貨仔的功能。還是加兩千買多個新功能, 我就一定買新60D囉, 淨係個iFCL 63 區雙層測光、1800萬像的畫質(畫質一定有保証)、支援兩組無線離閃, 都值啦。Body 一定買新好過舊, 放二手都放高D啦!!!

用500D或之前型號的朋友仔, 絕對入得過...
用50D或之前型號的朋友仔但無物錢, 想玩新功能, 可考慮550D(對焦點會差D慢D, 無左tune白平衡), 如60D(加D錢, 有D新功能, e.g. 更準的測光、1800萬像、無線離閃、錄movie...)

買7D的ching, 根本就唔會考慮 (完全明白) or xxxD的朋友仔有$5千玩, 咪考慮上7D or 60D+支$3千左右買鏡 (我覺得, 唔係要影打雀賽車, 畫質計數,60D好ok了, 不要同FF比)

60D同7D的客路、功能不同, 對一般家庭影BB的朋友而不想用入門機, 想要更準確的對焦系統, 又不想花太多金錢在body身上而可不買多支鏡的人來講, 60D一定可以考慮...

(絕不是綱上評論的差, 反觀它卻是功能最全面的一部,如果買到一個好價)

1. 「平」：60D的性價比十分高，同級的無論是N記（D7000）、O記（E-5）或P記（K-5），部部都過萬，畫質亦與7D媲美，難分高下。結果我就把省下來的錢添了一支Sigma 20mm 1.8/f。

2.「靚」：
a. 相片畫質有保證：1800萬素+63區雙層測光+高光色調優先+自動亮度優化+周邊亮度較正+電子水平儀+ live view對焦（精確對焦時用）+後製RAW影像處理+良好的高ISO表現（連同最高ISO設定及消除雜訊功能）及自動白平衡表現
b. 激發攝影創意：不同相片長寬比+四款濾鏡+無線飛燈+扭mon+正負5級曝光補償+相片風格+創意區域（根據氣氛效果來拍攝）+5.3張連拍
c.上述性能，其他相機或多或少都有，但能全部集於一身者，在Canon相機系列中，唯60D而己！
d.實際上，60D的畫質很討人歡喜，這是本人衷心讚賞的。

3. 「正」：
a.機身輕！重量剛剛好，很舒適，亦可單手操作。本人很在意這一點，因為以前用過菲林機Eos 3連直倒，不用一天己手軟！可謂好看不好用，所以對60D的輕盈機身，卻又不失手感，實在喜出望外！
b.扭mon靚。它比7D的好看，亦比家中的電腦mon好看。
c.操作容易上手。每一夥按紐只對應一個項目，曾覺得有點可惜，但當配合簡化了的顯示屏的時侯，操作時極感清晣，很快就體會到簡單便捷的好處，用過後就改觀了。
d.敏捷及準確的對焦系統。除了9點十字型對焦外，還有能對應2.8大光圈的中央雙十字對焦及沿自7D的AI SERVO II自動對焦演算法，所以雖然對焦點沒有有在數量上「進步」，但敏捷程度及準確性應只遜於7D而略優於50D。
e.高清拍片的畫質及收音都很好，令人滿意！（無論太太、朋友及同事都話靚）
f.最後就是「後製RAW影像處理」。因工作上己經常對着電腦，所以我不太想用電腦執相，這功能方便我在旅途回程時執幾張相玩玩，確實省時、簡單，也更添60D的趣味。
g.電池續航力真的強勁，傳聞非虛！

簡化按紐雖有好處，但亦令60D的操控性打折扣，不够直接，尤其是拍短片，扭來扭去。惟有善用、盡用及牢記相機的個人設定：
C：設定影快相
set：「相片風格」
Info：「電子水平儀」
Q：停留在「自動亮度優化」的位置上
Menu中「我的選單設定」設定為首頁：選擇常用功能順序為「高光色調優先」、「白平衡」、「長寬比」、「曝光補償/AEB」、「ISO自動」、「畫質」

1.10多年前，曾玩過菲林機，但後來工作不穩定，於是就沒有鑽研了，近年只用DC仔影一些家庭照自娛。今年工作終於穩定下來，不用做合約工，所以決定買部單反來獎勵自己。除了60D外，其實我最喜歡7D，不但儲了錢，還「刨」了四本講7D的專書（因想一步到位，以後不用多想），哪知在尖沙咀的showroom，用了個多小時試機後，最終改變初衷！（當時仿如儍仔般在60D及7D兩張枱來回奔走多次，幸好是閒日二時左右，很少人）我發覺我更喜歡60D的手感-----輕身、易用、高質、有趣！加上自覺主要影的是家庭、風景及小品照等，對打雀、賽車、跑馬、微距的花花及蟲蟲均無興趣，忽然明白買7D不過想滿足自己的虛榮心而己！當想到買相機所為何事的時侯，就毅然放棄7D了！

個人認為今天香港己不如過往般好景，掙的都是辛苦錢，所以應做一個理智的消費者，無論50D、60D抑或7D，其實都是好機，適合不同追求的人，各取所需。是次經驗令我明白買機前除了參考網上輿論外，最要緊的是弄清楚自己的拍攝需要並一定要到showroom走一趟，詳細測試，真實的手感及操作體驗絕對有助大家作明智的選擇！

2. 有人用「怪胎」來形容60D，作為用家，我也認同60D的光芒遠遠不及7D的，但平心而論，60D可說是目前繼承了最多7D功能的一部相機（而其中部份性能或許比7D還優秀，如AWB及高ISO表現），而且亦加了一些新功能（如「濾鏡」和扭mon，若能善用而非濫用，的確有助發揮創意！），所欠缺者惟機身不夠中階或「pro」而己（因扭mon、膠機身等）。所以，若講求相機性能（如連拍、追焦、100%觀影器、調焦功能等）或更專業要求的話60D才不能滿足要求，但若覺得專業機身不是首選需要，反而求講求畫質與便捷的操控性的話，作為「民用機」，60D其實是相當稱職的！如果有影友是入門用家的話，用60D更加不會後悔！
（正因為受網上批評的聲音所影響，我還以為60D會很易買，那知我在6月中買機，才發覺60D買斷市！很多鋪頭都說7月初才有貨，而7D及600D就不缺，幸好最後都買到，不過己是該鋪頭的最後一部了）

3. 最後我會用「實而不華」4字來形容60D。純論畫質，它真的不會比市面上任何一部中階機甚至高階機差！而且整部機各方面的表現都十分平均、可靠。值得推薦！

1. 測光比500D準很多
2. ISO有1/3級調
3. 機頂按鈕 與 機頂螢幕顯示 是對位的，這個我覺得很體貼
4. 電量真的很勁，影—千張真的沒有問題
5. 電量顯示有 % 睇，非常準確
6. 有內置飛燈，唔駛一定要買580EXII
7. 濾鏡模式好正，尤其模型效果
8. 對焦感覺快了 (但只是感覺)
9. RAW 有 3 級選擇
10. 扭Mon，有好過無，出街唔用時可蓋上作保護
11. 快門聲 當然比500D好很多，感覺有彈簧feel
12. 防水防塵，有好過無
13. 水平儀，又係有好過無
其它有待再發挖

1. 白平衡 在室內仍然不太準，我家用慳電膽，不同角度影相同位置，效果都不一樣！
2. 機身好似相對 50D矮了，手大握起來，尾指可能不夠位放
3. 拍片要在轉盤上轉到最後一格 (但拍片不常用)
4. 仍然無輔助對焦燈 (Canon設計)
5. 連拍較50D慢少少 (但夠用)
6. 相對50D，無咗joystick (但不大影響)
其它有待再發挖

先前手持500D，一直都想找機會升上中階機，但眼見50D已出了一段時間，故一直靜心等待60D的推出，雖然60D初出時劣評如潮，但環顧這個價錢，真的沒有第二個選擇，亦因頗滿意手頭上之鏡頭群組 (尤其入手不足3個月的10-22mm & 60mm Marco)，故不打算轉會，最終只是略為做了少少research後，見其它師兄提及的問題對我影響不大下，就膽粗粗買了！

不知是否真的與機子有關，以前用500D時，拍下的照片，當中只有約10% 的照片是會令我感動的，但買入60D後，第一天試拍，大部份照片都令我很感動，連我自己也不信，試試給我老婆大人評語 (她當初不知我是換了機)，連她也說這張OK喎、這張都OK、呢張都幾好……結果她在不知不覺的情況下，都挑了過半數的照片出來！後來我分析估計是：
- 觀景窗大了，令我更有心機地去慢慢構圖
- 60D的測光，真的比500D準很多
- 機頂按鈕的方便，令我可在短時間內就作出調整 及 各種嘗試

最後，我對60D完全沒有投訴！
當然，比它好的機子有很多，但你又要相對付出更多的金錢去換取！
現在我很滿足，60D夠我用了！

1. 1,800萬像畫質, 正.
2. 9個十字型自動對焦, 快+準.
3. 白平衡, 準.
4. 機身比其他中階機較輕, 但感覺紮實.
5. Q制, 滑輪Control Dial & LCD Panel, 方便+實用.
6. 快門聲, 好爽.
7. Art filter is a special feature, quite interesting.
8. 電量, 耐用.
9. 可拍HD video 1,920 x 1,080.
10.快拍每秒 5.3 張, good enough for me.
11. ISO 去到3,200 都可接受
12.扭Mon最吸引,especially when taking video (can be at almost any angles).
13-20......有持大家繼續發掘.

1. Live View 拍照對焦速度慢, 所以很少會用. 但用得DSLR都唔應該常用LV. 要用就最多轉手動對焦.
2. 拍 video 用自動對焦都係慢,又會錄到摩打聲.(但用手動對焦,問題就能解決).
3. 其他缺點就無特別去挑, 當言如果同7D, 5D等等去比較就……no comments!

自己用開普通DC已多年. Casio, Panasonic, Sony, Canon 都用過, 覺得各有所長. 但最終都係鍾意Canon啲Color感覺最自然, control functions又user friendly. 最重要係幾滿意佢啲售後服務. 之前用緊部IXUS860 攞去TST Center維修, 好快就有Tech Staff call back我告之問題所在, 一星期內就已經攪掂攞得, 佢哋重比你揀可以delivery送埋比你. 所以今天到’升呢’轉用DSLR, 第一部一定都係揀佢.
其實之前一路都留意緊部550D, 己經好想出佢, 見表弟用咗幾個月, 影啲相好靚, 覺得相質同DC比, 真係another level. 但見到60D出現之後, 重要有埋扭Mon (my favor) 所以再花咗啲時間去review all related details & comments, 又去showroom勁試. 了解咗佢啲優点, 重要加上老婆都接受倒佢個重量, 最後就決定出佢. 用咗近兩個月, 主要影我哋個５歲囡囡, 啲相質好滿意, 連老婆都好鍾意, 重成日爭住揸機, 感覺非常好. 自己第一部嘅DSLR揀咗60D, 絕對冇後悔, 令我對攝影有更大嘅興趣和追求. 相質好有保証. 特別再提個扭Mon, 冇嘅時候就唔覺有用, 有嘅時候就都幾好用.
Strongly recommend this DSLR.