Canon EOS 60D

評測報告

實拍照片

1,有轉mon.取景win哂.反轉個mon影唔怕面油整落個mon又得.平時唔用反轉佢亦得.當係保護咁用.
2,1800萬像.雖然唔係成日要大相,但有好過無.
3.話係膠身.一d都唔覺,手感好又不太重.
4,機頂上4個健對位.梯形機頂mon(型)
5,按鍵多而不繁,轉盤內仲有十字鍵,好用!
6,電力強勁,玩好耐都唔駛換電,讚!

1,Lv對焦慢.
2,觀景器己入塵(算數,因為部部機人人用都話有)

我係新手,剛玩單反,買之前在550d和60d之間徘徊.朋友用550d,比我玩過,覺得很好,我都話正!但好像覺得輕輕地無咩手感,因本人比較高大.想買d大小小,又有手感既,就開始留意60d,去相機店,試試,唔唔,幾好幾好,又有機頂mon,好似專業d咁(扮野心作動x3)於是過幾日便買左lu.買了回來,拆開袋,拿了出來,未開箱,對望了一分鐘,呆了一呆,心想,喂,中楷機喎,自己應付得來嗎?唔理了,都買左,話知佢.照用.用了一個月,ok喎,所謂中楷機,對於我新手來講,好易操控呀,連開頭唔知係咩既機頂mon我而家都成日用.por!(扮野心又來x6)個轉mon真係好好用呀,因為出去用腳架影,向上影時唔駛窿底個身,一拉出來就咁取景,我見朋友影完睇反d相要跪係度鱷高頭睇,辛苦!而我影完睇相我仲企係度睇,舒適~!拍片好清(比個mon呃左?)唔係..,原核係電腦睇都好好,正! 收音好敏銳,有d人好細聲講話都錄到.唯一遺憾就係觀景器入左2粒塵,吹極都唔走,比人睇,人地話塵己走進夌鏡內,不會出來了,要拆開先得,我心想:新買咁快要拆,唔掣啦!立即拿回
家(由於完美主義心驅使下不開心了幾日)之後問朋友問網友點好,知道好多人都會咁既情況.最終有個網友告知我反正而家你9點對焦,而家比多2點你,11點對焦,又唔影響出來既效果,你理得佢ja,聽到佢咁講恍然大悟,次次見到個2粒塵即刻想起佢咁講,而家影得都唔知幾開心.
不過講真呢部機對新手又又想問c記既用家來講我強力推薦,因為此機帶比我真係很多驚喜.

科技先進配合，容易上手。

暫時未有。

我覺得好靚，啲相影得好有層次感，用後不想放低手。

1.ISO 3200 仍然可用
2.對焦準確和速度都幾好
3.手感好並且不會太重
4.其他師兄都講過

1.連拍一秒得5張
2.沒有焦距微調

本人之前用了半年550D，因想升級部手感好些的中階機，考慮了7D和60D，7D比較重和本人不需要對焦快，最後都抱着冒險的心態買了60D。因很怕影出來的東西和550D一樣，另外網上亦對60D的評價都很負面。出去試影後回家和之前550D所影的相作比較，給我的感覺是60D的相有層次感些（講錯勿見怪）。另外有無線閃燈。測光準確些，內置filter都幾有趣，樣樣都好似比550D好少少，觀境器比550D大些，容易取境。以它的價錢都已交足功課，只是出得比較遲，如是第一部單反是一個不錯的選擇。p.s. 我的感想是想分享我由550D升級上60D的感覺，並不是想用它和550D作比較，希望用550D的Ching不要見怪，因我想會有些Ching會和我一樣心裏想好不好升級到60D!

-良好的ISO表現
-比入門機更好的手感/重量 更爽快的快門聲
-扭MON方便特殊角度取景
-價位唔錯
-有FULL HD拍片
-VF夠大,睇得更清楚

-無左對焦微調
-創意濾鏡等功能對一部中階機黎講好多餘
-連拍得5張
-拍片對焦慢

小第係由450D升上黎 換機既原因係因為450D既高ISO實在接受唔到 同埋手感唔太好 太輕太細部(已經加左直倒)本來比較想換50D 但始終係上一代產物加上新機難求 又怕自已會心思思拍下片 又見60D有個扭MON玩下 淨機價錢又非常的合理!所以就入左 用過之後真係無咩投訴 手感非常之好 話就話係膠身 但拎上手真係唔覺 外殼個層磨沙質地做得唔錯 重量岩岩好!ISO好過450D好多 ISO3200 1:1都接受到 扭MON其實自已用既機會唔多 但有時都會特登玩下 幾得意~但係個D創意濾鏡真係廢廢地,用得中階機既人都會係電腦度汁!控制方面要特別講下個"SET"制,如果將選擇對焦點改成按鍵組合"1"既話,個SET制快捷鍵會完全廢左,但偏偏組合"1"轉對焦點就手好多,自已覺得咁樣整有小小晒左個快捷鍵,另外拍片擺係轉盤最尾真係好麻煩,想拍片就要由頭轉到落尾咁濟,拍完又要轉番上去!仲要扲埋個個鎖制黎轉....超煩 總結如果大家用緊上幾代入門機想升級係唔錯既選擇 雖然唔係話好好 但絕對無網上面D人講得咁差!而且我自已覺得個價錢真係好抵!以經算交足貨

1. 對焦快了，因為看了與550D兩部機的測試結果，確實對焦是比550D準了。尤其在晚間，會更感到對焦的快。
2. 手感好了，拿上手感覺有質感和穩定。本人是由450D升上來，所以確實大部了，支撐鏡頭的平衡力強了。
3. 機頂的四粒掣很好用，尤其ISO那粒，相對以往450D要慢慢調較，快很多了。亦與機頂的轉盤合起來，剛好調較ISO和光圈，十分方便。
4. ISO高仍可用，這是60D與450D的一大差距，60D使用3200ISO仍是很漂亮。深夜調高ISO拍相都得。
5. 八千多元價格算是很合理，賣了450D補五千蚊左右就有一部，感覺不是很肉赤，相反7D差三千，要付八千蚊就感到相差很遠。
6. 從沒用過中階機，發現原來個叉電器都有不同，會根據叉了多少而閃多少次燈。450D時沒有這東西，感覺專業多了。
7. 快門聲音響亮了，當我第一次試機時，聽到塔塔塔塔的聲音，確是與450D的得.....得....聲音差很遠。
8. 有人說拍片不如買部數碼攝錄機，我極不同意，因為我一向用G9係拍片兼影相，450D沒有用來拍片，突然有部能拍片的DSLR，當然會使用它，最有趣是可以用不同的鏡頭使拍片有不同的感覺，很難想像用一枝遠鏡去拍片與近鏡有什麼分別。

1. 甚少使用扭MON。扭MON不是不好，但除了拍片使用外，其餘都不會使用。但扭了後又怕不是水平拍片，很煩惱。
2. 濾鏡玩一會兒就感到無聊了，我較想DDP可以改相做濾鏡多於在相機改，時常上載了入電腦但又想加濾鏡，可惜在機內的相已洗了。
3. 自動對焦拍片仍很慢，很難用手動對焦對到最清效果，皆因在瑩幕很難分辨是否最清畫像。有時候再調教時會濛了一會兒。
4. 沒有了對焦微調系統，雖然未用過，但總是有好過取消了吧。

60D未推出前，我是從沒想過要換機，一直使用450D，換550D完全不考慮，因為對焦一樣沒分別，但自己就抱著對焦有少少改變，ISO又高很多的原因就出了60D，皆因眼見價錢尚可接受，因為聽到7D要一萬以上，就卻步了，相反，不用一萬元可升級至所謂中階機，無疑是十分吸引的。
事實上很多人會把它與50D的速度相比，講真差一秒差一張差不了幾多，但我想甚少人會用50D升級到60D，這部機明顯對象不是50D的人，而是400D, 450D, 500D的機主。因為就算一秒五張，已比之前這些款式有明顯進步了。
很多人都認為60D膠身不好，我想大部分由XXXD系列升上來的都不會介意，因為一向都是用膠身機，反而要增加大量重量去用金屬機身，感覺很不值得。過重的感覺不好受啊，始終一向拿慣450D，只要平衡到枝鏡已足夠了。
雖然有那麼多優點和好處，心中仍是心思思7D的味道，對焦點增加的感覺是如何的呢?買了一又會想二，但人總是如此，不買一又怎會去二，所以升了上來，又想試試FF的感覺。這正是CANON的策略吧，希望升了一級再升一級。那它就賺更多的錢了。也許是對焦和影像質素提高不太值五千元，所以才會去想其他機種. 但總括而言，個人認為人總要有一步，所以若你喜歡輕便的機，又不介意只是有少許的進步，就由1000D, 450D等機升上來吧。但若不怕重的話，升上7D是較為合理的，若不介意又重又貴，升上5D2吧。

唯一比50D真正進步既, 係佢個鎖定模式掣
ISO好左少少, 但差唔遠
真係諗唔到

缺點...多到數唔哂
以咁既價錢買咁既質素... 唉
膠到爆既機身
對焦唔準
擰mon拍dv... 唔似專業相機
550D-7D既中間... 高不成低不就, 不過550D都嫌佢貴,新手入500D算啦, 唔係差好多野平多1千幾百

定位差, Canon 中階機中既垃圾... 應該轉為低階機好了
機身好膠, 快門唔夠爽, 可能出左7D, 60D向下走, 連Nikon 2,3年前既D90都不如
如果話佢可以拍片, 你去買部DV拍片吧, 畫質? 真係比50D好?
擰Mon, 唔洗講啦, 易壞到爆, 都唔明中階機點解會出擰mon, 人地nikon 入門機先出擰mon
講明先, 我並非nikon fans, 但睇呢部機唔過眼, 都唔明點解D人會買呢部...
買呢部不如上7D啦, 雖則7D又未必比D7000及D300S(同價錢黎講) 特別影生態野
結論: 產品定位差, 入門又貴, 追求質素既又比唔到