Olympus E-PL2

評測報告

實拍照片

Save 相其實係唔慢，但default係preview 幾秒，入幾層menu，set 做0就可以

ISO 設定級數多

用Kodak 12-45 kit lens 竟然比用於e-pl5時對焦更快😅

電池多代共用，作後備很方便，作粗用不心痛

ISO 500以上 微粒較大

Menu太多層，要時間熟習，無touch screen

如有電池共用的機種，可以買部作後備
日光下毫不失禮

去完旅行賣返又得

- 相片品質繼續超越2017年既中高階DC
- 一繼E-PL1既優點，性價比高有景深，人像出色
- 雙Kit識用唔垃圾，刀仔都可鋸大樹

- 誠意欠奉，性能功能與E-PL1 無異
- 與其話E-PL2係E-PL1既後繼型號，不如話係換左殼，化左妝既E-PL1更貼切
- 低光迷焦，AF慢繼續是缺點，用MF有助適應。
- 佛光問題出現於夜攝大光圈時，尤其用17mm F2.8等鏡。

想要影靚相，又無錢，點算？
如果幾百蚊就有得入場，相信好多人都會考慮。

大約2個月前，小弟向旋轉運輸帶好奇入手一部E-PL2。向買入呢部相機時，本人其實已有一部E-PL1。本來都唔想換的，但見價錢咁底，自覺唔買可惜，so還是購入小試，了解下呢兩有咩唔同。

開箱一刻，第一眼較impress的是其460,000點3吋 LCD Mon，這比起我部舊機230,000點既視野更闊及更易check相既detail位。相機亦使用了較modern既button layout、比上代更簡潔既design及流線型既線條，睇落非常舒服亦文雅。

E-PL2相機既Kit鏡則是新款F3.5-5.6 IIR。比較我支舊Kit，呢支鏡輕身許多，變焦環轉動也更順滑，且可做到10cm微距 (vs 舊14-42mm 既 ~20cm)，甚為方便。相比於舊Kit鏡既體積係明顯的骰，唯光學品質略為輸蝕無咁sharp，景深亦無上代咁淺，詳情可睇小弟另一心得。所以大家若以品質先決可考慮配以舊Kit，若以功能先決則新Kit大勝。

17mm F2.8係一支好tricky既定焦鏡。雖然唔sharp僅有Kit鏡既品質，但其可攜性與大光圈，使之低光同景深都有決定性既優勢。

講番Camera Body，E-PL2令我率較失望的是其功能與上代雷同。把玩一番後，覺得部機對焦能力並無顯注提升，相片品質亦無更多細節。

E-PL2並非讓人失望，只不過係E-PL2把玩完後並無上代那種「發現新大陸」的震撼。當然我亦無後悔，幾百蚊就有超過其他入門無反與中高階 Prosumer DC既品質，何要吹毛求疵？

相反地，假如E-PL2係讀者既第一部無反機，又或者你地之前係玩開Sony Nex3系, Samsung NXmini, Pentax Q10等入門機後轉會玩E-PL2，小弟覺得這類新用家依然會為呢部機既相片品質及色調所震撼。

正如所有既Olympus Pen系機，如果你愛影人像及街拍，比其他機明顯既淺景深亦係E-PL2既一大賣點。相信多數入門用家用過Kit Lens影人像都會流晒口水。只因sensor細細既機都一樣有好淺既景深。

E-PL2既缺點係眾周知既佛光問題，這在對住強光拍攝既時候尤見困擾。唯有校細光圈，或減少直接拍攝強光源，這問題則較少出現。與上代一樣，E-Pl1在低光環境對焦不算非常可靠，偶爾會有失焦迷焦。

綜觀以上，本人覺個E-PL2與E-PL1沒有甚麼本質上的分別。在功能上，相片品質上，兩部機表現如出一轍。僅有既改善係方向制變左做轉盤方便左一些用開A, S 及 M mode既用戶與其相對更簡潔文雅既外觀。

我不建議EP-1, EP-2, E-PL1既用家轉用E-PL2。但未用過Olympus 無反機既用家，E-PL2卻是值得探索既「新大陸」。

1)有轉盤, 操控也算便利
2)有手柄, 容易拿又不容易滑走
3)有機身防震
4)機身設定可調整的地方很多
5)沒反光鏡, 不用怕用久了會走焦

1)E-PL2佛光問題
2)右邊穿頸帶的金屬扣有時會阻礙右手按快門
3)iso由200起跳
4)快門時滯長
5)陰天、光線不足時的白平衝會不準, 容易偏紅

本身是單反+小DC的用家, 買E-PL2是因為有時候單反機動性不足, 有些場合帶去也
太誇張, 而小DC就畫質太差(本身已經是高階DC), 所以用E-PL2作為作為後備機或
是隨身機。

第一次用OLYMPUS的機, 第一個感覺是附送軟件真不是一般的慢, 幸好更強大的
OLYMPUS VIEWER在網上下載不用收費, 雖說處理速度還不是很滿意, 例如在RAW轉JPG時, 比用N或C時慢一截。

用了一段時間, 先從機身說起, 感覺機身比想像中大, 加上KIT鏡後也不是想像中
那麼好收藏, 也沒小DC輕巧, 但是比起單反, 重量就不再是負擔。

在畫質方面, 日間真的很好! 只是略輸入門單反, 而且邊角更比單反(非神鏡)更好
, 由中央到邊緣都是銳利的, 拍風景想全畫面清晰時非常方便。想要深景深時,
F/5.6就已經和APS-C的F/8, FF的F/11差不多。因為不追求淺景深, 所以這也變成
是好處。

至於夜攝能力, 真的很平庸, 光線不足時色彩一般, 而ISO去到800對我已經是極限
, 就算同級ISO, 也沒單反順滑, 不過一般用來拍「到此一遊」就足夠了, 而且「到
此一遊」多發生在日間, 哈哈。所以趁大家都去買新推出的OMD, 我就趁機去買因
為佛光問題被嫌棄的E-PL2, 當它是高級DC用。這樣就用比較合理的價錢買到一台
很實用的小相機了!

機器不用追新, 明白相機的優劣, 再去拍自己想要的照片, 也是相當有趣的。

優點:
1) 外型討好, 就像掛上了一架”菲林”相機.
2) 有內閃,可打bounce. 要另帶閃就唔方便, 用得evil機就係想輕便.
3) 操控同大機差唔多, 又有轉盤, 好快就適應.
4) Art Filter 得意, 拍片都用得. 影RAW的話可以在電腦內揀選不同Art Filter. 個美肌function都ok, 可重複apply多次, 不過我覺最多兩次好了.
5) 對焦都算快但暗位對得唔好,有d 似tamron支a09呢…
6) 有內置防震,效果都可以.
7) 加mount後可用大量舊銘鏡 (可惜我半支都冇)…

缺點:
1) 粒電快用完. 我用埋art filter大約120-150張上下.
2) Iso 由200起步. Set左auto iso的話最好set埋上限. 我set800, 800打後noise比較明顯. (個人不喜紅色點點noise >,<)
3) 用art filter時個mon會 lag. 睇慣左就冇事…XD
4) 鏡價錢不便宜…但點都好,一定要買番支餅鏡玩!!
5) save相速度慢, 用了art filter的話要等2-3秒.

其實不用同其他相機比較太多. 不同系統有不同賣點.
Dslr=畫質, dc仔=輕便, evil就兩樣都有d. 睇自己要求吧.
14-42支kit鏡質素ok啦,比dc仔好好多了…
加左支餅鏡後效果能貼近些dslr. 當然iso同散景表現還差一皮.

銀色機身好靚，輕便，多野玩，機身防震幾好

要買evf,仲要好貴，iso好差，舊電唔耐用

唔錯，好玩，不過一定要買個evf,而且panasonic鏡頭各方面都比om好。

輕, 增加使用率
細佬係用"外型先決", 正
做龍友時可以有效減低宅力指數
用開Nikon, 啲制向算順手
IS~~~~ 好開心, 全開

貴, 周邊及境頭
比想像中大部(因為同部 GX 比)
沒有(更)快速的設定方法了 (又係同 GX 比)

好多師兄話SAVE 相慢, 可能我好耐冇入貨, 乜啲快MODLE SAVE 得好快架? 定係你地張張都簡 L, 仲要係RAW呀, 我愛數位攝影, 愛FB 分享, 用JPEG, M 己經好夠了, ISO 1600 可用嗎....??? UM................. 加左 NIKON 接環, 上返支愛境, 加IS 有單返質素