1600萬像素(其實已經好夠用,如果你唔係話要成日crop相)
慳電(一粒電玩到>1星期,假設你每日20張到)
平
色水好,根本個picture control較鮮艷(跟原裝setting)已經好夠用
機身把手設計就手(好過之後既5300多多聲,果啲你長時間用真係會痛,呢部唔會)
粒子唔算太粗

用AF-C對焦好易甩焦
收音咪唔多掂
連拍唔夠(宣傳話係4fps,但睇翻說明書就話實際係得3.Xfps,不過算啦呢部都唔係高階機,唔好咁高要求啦)
個mon啲光度唔準(日頭睇啲相會比原相光咗,夜晚睇會比原相暗咗)

呢部係我第一部單反
買果時其實D5200都出咗好耐(甚至我買完幾個月之後出埋D5300)
當初決定買單反果時budget都係around四千到
咁果時呢個價位得Nikon D5100+Canon EOS 600D(Sony a37就算把啦,因為我對Sony冇咩興趣)
後尾因為我比較多fd玩Nikon同600D得水貨先做到四千樓下(D5100同樣價位有行貨)
所以最尾買咗D5100
玩咗2年到,咩都會影
但作為巴士迷一個,主要影巴士居多,有時仲會係夜晚影,所以ISO好多時都要推到4000來影
但啲粒子都仲係可接受水平
(例: http://www.buscess.com/files/cache/resize/2893bbfa0c699.jpg ,張相我銳化過少少)
如果以新手來講
就算去到而家2015年
我都覺得D5100仍然買得過
啲表現係完全交到功課
新手想感受單反既質素啱哂

1. 性價比無敵（2013年中以約$3500購入淨機身）
2. 畫質優異，媲美貴一倍的D7000（我以前常借用親友的D90單反，也覺得D5100有顯著進步，如果你從DC升級上來簡直覺得飛天）
3. 功能齊全（Menu內有很多進階自定選項，接近D7xxx，而D3xxx系列是沒有這些選項的）
4. 反Mon方便（買之前不覺得自己會用反Mon，買了後才發覺十分好用，除了方便取景外，平時亦可將屏幕轉向機身以避免刮花）
5. 可插外置microphone

1. 相比Canon同級產品，D5100機身非常細小，男士會覺得手感不佳
2. 對焦速度較慢（雖然已用中央十字對焦點作單點對焦）
3. Live view及攝錄影片時無法進行手動曝光（有解決方法，請見下面用後感部分）
4. 無機身摩打（無法像Canon用家那樣享受廉價50mm f/1.8鏡頭）
5. 觀景窗細小（雖然用慣後沒甚麼問題，只是有一點不爽）
6. 沒有提供垂直手把接口（以致副廠直度一定要用外置快門線來達成快門功能）

雖然有上述缺點，但有如此優秀的性價比，實在不能挑剔太多。D5100實在非常適合作為新手的第一部相機，既不貴又有不少進階功能。（不過不適合高速動態攝影如飛鳥、體育賽事）
-------------------------------------------------
上面提到在Live view及拍片時無法手動曝光的問題：
已有外國網友研發出解除此項限制的firmware，使用該custom firmware後可在Live view及拍片時手動更改快門速度及ISO，屏幕亦會顯示相應的曝光量，但受硬件限制仍未能更改光圈數值。詳情請Google "Nikon hacker"。使用非原廠firmware有風險，亦可能令保養失效，請自行承擔風險。

其他ching都講過晒，不重覆。
唯一一提是性價比超高。
三千幾嘅價錢，咁嘅性能，就算舊一個型號，都絕對好過任何一部無反機。

與同級比，只係差機身摩打。
但是咁嘅價錢，無都好正常。

第一次買單反，但係比想像中容易上手。而且部機嘅function好夠，可以俾到唔少創作空間。

1. 機身細及輕便. 帶出街長時間都不會太累。
2. 配 18-55 mm Kit 鏡對焦都好快. 11點對焦及有對焦輔助燈. 好少失手失焦。
3. 快門反應快. 跟機送 Class 10 16G 咭. Save 相好快. 連拍速度高。
4. 可反可轉 180度 3吋 92萬像素靚 Mon. 自拍或高拍低拍都方便無比。
5. 特別場景效果設定多. 有趣好玩。
6. 價錢便宜. 2012年尾 D5200 推出時. 有信用咭優惠只售 $3680.
7. 可以拍高清短片. 仲可以自動對焦。
8. 用 D7000 的 CMOS 及 EXPEED 2 影像處理器. 但價錢平一半有多。
9. 電池很耐用. 每日影 200 張相再睇番. 都可以用2日. 唔使買備用電。

1. 冇機身摩打. 因是入門機. 買機前預咗。
2. 要配番 AF-S 鏡頭. 價錢貴夾選擇少。
3. LV 對焦慢. 但我唔會開。

D5100 在 2011年推出時已經被它的功能及可反 Mon 優點吸引. 但那時賣 $6280。 我又不是龍友. 祇是想買部機影旅行相生活照而已. 所以忍手唔買住。 後來減到 $5280 都忍住. 用部 2仟銀儍瓜機頂住先。
其實在菲林機時代 (1979年) 我都用開單反機. 由 FM, FE 到 F801. 覺得 Nikon 機真是可靠耐用。 我行馬路邊時, 部 FE 的轉盤在澳門給的士的門邊鏡撞凹入了機身內. 都仲可以用好耐。 其後 Sony 出了 Video Cam 我就轉玩 video 了. 因覺得 video 比相片記錄生活有趣得多。 但每次去旅行要帶 video 機 (當時 Video Cam 大過部單反機) 及單反機、鏡頭. 影得 video 嚟影唔切相。 所以後來兩機三鏡全賣了. 只買回定焦菲林儍瓜機用. 輕便得多。
現在 D5100 平到咁點可以唔買. 應該是歴史新低. 加埋 Kit 鏡都唔使4仟仲係行貨有保。 比一般 M4/3 還要平. 但反應及相片質素高幾班. 現在當高級儍瓜機粗用最啱. 花咗都唔會肉痛。 那種單反快門聲癮、過片癮又被它勾回來了。 為了用盡它的價值. 平機平用. 現在經常帶著它跟身出街. 像儍佬一樣長掛頸上. 又相又 video. 影到不亦樂乎。 D7000 雖好但重. 不利隨身. 我只會入多一枝廣角定焦及一枝遠攝 Zoom 已夠用. 所費不多. 全套八仟樓下。 他日 Nikon 有新機出而價又啱的話就換機. 三鏡可留。
D5100 真是平靚正， 影相快靚正！ 值得推薦呢！

機身細、輕，手感極好，因為我手細
千六萬像數，我用唔盡
用上D7000同一塊感光片和同一樣的影像處理器，畫質一流
11點自動對焦，還可以3D動態追焦，對焦快而準
每秒4張連拍，已很好用
3吋92萬像數顯示屏，好清好靚，重係兩軸180度翻Mon，高舉低抄都好方便
1080p 30FPS 拍片，重有變焦和自動對焦，好用
Live View 有人臉辨識，用來自拍好方便
ISO 達 25600，ISO1600 還是可用
內置閃燈夠強力，外出遠距離補光都可用
跟機電夠耐用
最緊要是價錢到現在非常合理

沒有機身摩打和避震，其實只係見人人咁寫我就照寫，對我來說無所謂！

自1996年開始接觸數碼相機，就明白數碼相機跟電腦的發展一樣同步神速向前，我的菲林機攝影經驗就漸漸讓數碼機接軌。六年前開始由DC轉用高一級的Prosumer機，一共用了兩部，直到去年聖誕才決定轉向單反，所以我好清楚自己是要些什麼東西，亦好明白科技發展神速，不應該花錢買一些自己未用到的東西。兩年前換另一部Prosumer機時就考慮過部D5000，它的向上反Mon吸引到我，到去年尾打算換機時又給600D吸引住我，但當我跟D5100比較，加上它當時的價錢(淨機行貨$3450)，就知道這是我的 Mr. Right，無論輕重、手感、畫質、速度、功能都符合我的拍攝要求。

由於我清楚知道自己的需要，習慣了高倍數鏡的靈活性，跟機的兩款Kit鏡都不是我杯茶，就只買淨機配了一支龍仔的 18-270mm 天涯鏡，現在這一機一鏡就經常陪伴住我到處隨拍。

我想說的是，相機其實是一件好個人化的工具，每個付錢買機的人都會有自己好特殊的要求，從這"用家心得"裡發現很多人對這部機評價捧到上天的同時，也有一些人將其踩到貼地，無他，要用它來跟那些針對不同用家的機器來比是不合理，與更高檔次的機器來比就更加不公平，最可笑的是，就連"不是 Full frame"、"沒有機身摩打"、"只得1620萬像數"等等都可以說是成是這部機器的缺點，試問那些沒有這些"缺點"的機器能賣這個價錢嗎？如果對這機器有更高要求的，就不如加大一點預算去買更高檔次的機種。

數碼機身是主要是電子產品成份居多，而鏡頭就是造工技術居多，電子科技發展速度相對於造工技術是快速得多，所以機身價格的跌幅亦快得多，所以在選購機身時，宜想清楚自己的真實需要，眼前的和在可見的將來都會用到的，事前多了解何款機種能設合自己的需要，別只道聽途說某些人說的那一款機很好，你多花了的金錢去買一些用不到的東西，這多餘的功能就會在產品的推陳出新過程中白白的被貶值所吞侵。只買夠用的機身，然後將多出來的預算投放在鏡頭上，是一個不錯的決定，因為一支合用的鏡頭可以用很多年，一部機身就未必忍得住用上很多年而不換！

-1620萬像素
-手感不錯
-3mon質素好,睇相靚,放電腦都唔會走樣
-對焦快
-輕巧,細部
-價錢合理
-11點對焦

-無機身摩打,買鏡麻煩D
-LV對焦慢,(不過無所謂,用單反冇人會開)
-尾指冇位擺(本人問題)機身太細,手大之人要留意
-連拍得4fps嫌唔夠
-膠造機身
-拍片時間只有20分鐘,不過無所謂,冇人用單反來拍片,因為會傷機縮短快門壽命

由DC轉到DSLR,在相機店裏試Canon 600D,又試Nikon D5100,我覺得D5100比較好,價錢又平,最終決定購入此機,雖然我是初學者,但是我已經識用,玩熟了此機後,可以考慮轉用中階機,包括Nikon D90或D7000,如果是DC用家或入門用家話,轉玩D5100也是必然之選。

如果想買D5100的用家,這部機已經是物超所值。
如果已經擁有這部機的朋友,我建議你買你枝靚鏡好過換機。

1. 非Full Frame機中的首選, 平價, 抵玩, 中檔入門機, 使用簡易, 色彩一流
2. 機身輕巧, 設計有美感, 手感不錯

1. 跟機Kit 鏡的光圈不夠大
2. 對焦速度不夠快
3. 電池快用完, 去旅行就麻煩

暫時還在學習使用, 感覺尚好, 算中了單鏡機的毒, 雖然以前曾經有玩Canon EOS 50, 但是沒有用心學習, 也不明白攝影原理, 因為現在上網太多東西可以參考及搜尋, 發現原來玩攝影是一門很有趣的藝術, 現用了數碼單眼機更為明顯, 越來越有feel了...有人用汽車來比喻為他的第二位老婆(太太), 我現在可以用玩相機來比喻了

-用上左d7000嘅感光元件 1600幾萬像素夠用.
-ISO可以boost到25600 暗黑環境想保持高速快門適用.
-機身細+輕 (用kit鏡的話) 出街/旅行啱用 方便攜帶.
-高質素LCD mon+有得扭 Live view下可方便取景 又可以自拍.
-Effect Mode多野玩 保留特定色彩模型效果 油畫..
-D-movie 1080p@30fps 仲可以自動對焦.

-ISO noise控制略嫌不足 6400以上雜訊明顯.
-尾指冇位擺(本人問題)機身太細 手大之人要留意.
-連拍得4fps 嫌唔夠.
-Live view下有時迷焦 (黑暗環境下) 但用觀景器就ok了.

我嘅第一部單反 連kit鏡6280買入 初頭諗住買600D 去到間店度就同600D價位相近嘅D5100比較 結果比d5100嘅 '比600D多2點對焦點' 'Movie有得AF' 就買左5100了.部機比我嘅感覺當然係輕+細+強大(入門機來說)但有d後悔連kit鏡買入 因為用下用下發覺55mm唔夠用 zoom得唔夠遠.諗左好耐決定買一枝天涯鏡 就係Tamron 18-270 PZD. 另外買左nikon嘅 50mm Marco F1.8 影近野.
D5100雖然係入門機 但從規格方面個人認為係中階機. 想學影相但唔想花咁多錢嘅人
可以考慮下D3100 連kit鏡5k有找 規格亦唔錯.
我推薦D5100 佢係D3100升級版嘅中階機

顏色好
對蕉準
個mon好用和清左（比d5000）
Nikon作風
ISo比上代好

無副廠電
無原廠直倒
連拍

小弟用過的機有o記e520,d3000,d5000，d90，三星n10 n100，Sony a35，a55、d3100(太太現用）
還是覺得nikon好！
本人用後是比d5000好，但用d3100比就實在差不多，如不要翻mon，多少少像素和多d細節控制的話買d3100會好d!!!留翻千多元買支好少少的鏡好過！
本來我想買d7000，但我鐘意翻mon,，我好難地找到d5100 body，因本人玩過d5000，買鏡在我眼中不成問題，因算多副廠鏡買，大多數新鏡都有摩打,但會貴少少啦，(新手都係買新鏡會好d)，我覺得有好多師兄話無摩打，無金屬身，防麈防水，頂mon等，比多3000元買d7000咪得囉，一分錢一分貸，但我用個三千蚊買鏡
我今次買翻nikon，不會再買其他牌子

機身細小,輕身,按鍵整齊
有反mon,LV
對焦好快,
快門聲好feel
價錢便,
個人認為相比C記600D,實用好多,
唔會花太多資源正靚個MON,只要出來的相效果好便是了！

無機身摩打
鏡頭貴,初哥最好買番N記的AF-S鏡頭,但真的很貴...
AF-S鏡頭的選擇都係徧少,期望日後會生產更多優質的AF-S

用咗都有3個月,終於忍唔住要响度講講感受,我由一個只愛玩DC、拍吓片、影下BB仔相,到後來在朋友那處購入二手C記400D,到而家轉投N記D5100,前後用咗10多20部相機,家中現存約有17-8部(全部都係傻仔DC).

個人認為呢部機無買錯,好啱dslr入門初哥如我,雖然之前用過400D,好似D掣比N記USER FRIENDLY少少,但始終都出咗一段時間,成像同質素不及新款入門機,如各位新手筆直有限,建議買呢款機,玩住一排,當再儲夠彈葯再買其他鏡頭,我估計個body玩多一年賣番出去都重有3-4K.到時upgrade其他進階機都未遲.

一句講晒,抵玩..