Panasonic Lumix DMC-G3

麻雀雖小五臟俱全,有內置高解EVF的細機中, 性價比勝。
影像預設不加任何個性。

反Mon的堅固度比其他G系機低, 我部[二手]已經鬆了少少.
按鍵設計:
Fn1個制凹陷的設計有點多餘;
playback 制放個位如果跟video rec對換就完美。
外型減分是因EVF向後凸出太多[比起SONY NEX/ Fuji X].

只要影Raw,成像跟新型機(P或O)不分高下.
追焦是上一代技術,比新一代是有分別, 追小狗或小孩有點吃力的。
話雖如此,其實係有貨交的.
P記的iA智能的確強, 可以"亂影"。
如果機頂的EVF,hotshoe,內閃,mic一起向前動0.6cm便好了, 裝閃燈時重心平衡會好點。

1. 有EVF, 質素OK, Size亦夠大
2. 有反Mon, Touch Sreen, 功能算好齊備
3. 不錯的 16MP sensor, ISO 1600可用, 以M4/3來講算係咁
4. 成像清晰度/細節表現能力較同級OM 12MP機種好
5. 機身算是小巧扎實 (鋁質機身)

1. 無EVF / MON感應器
2. 雖然有Touch Screen, 但實體鍵都係偏少
3. 無機身IS, 另外只有两個自定義鍵 (OM機大多數鍵都可以自定義)
4. 電量弱, 一粒電大約只能影不足300張, 如果去旅行估計最少要有3粒電
5. JPG直出效果不及OM

用開OM既EP2, EPL3, 但某些場合需要EVF和外閃同時使用, 所以一直都想有部Bulid-in EVF的機身, M4/3幾部有EVF既機裡面, EM5太貴, GH3未出兼係主打拍片, G5試過但一來感覺大舊左D, 二來新出都係唔太抵買, 無意中發現水貨G3已落到2.6K, 我覺得以一部出左只有1年多少少, Size算細, 有EVF, 反Mon, Touch Screen, ISO1600可用既無反機來講, 性價比極高, 即刻科水帶走

成像方面, 我用同樣是M4/3, 同一時間推出的EPL3來比較的話, 我會覺得在清晰度/細節方面, G3會比EPL3好少少, 對焦速度, 機身反應就相差不大, 但G3對焦準確度較EPL3佳, 可用ISO比EPL3高一級, 直出JPG的發色方面EPL3較Warm且濃厚艷麗, G3就較為清新一點, 但無前代(GH1 / GH2) 咁冷調, 比較中性, 其實都幾討好, 不過個人覺得OM式的"味精" 係有佢獨到之處, 現在用G3影完既相都硬係要推返接近OM既Style至順眼....

第一次用M4/3相機，用了1個月，感覺非常好。
1. 外形極度吸引我(我揀了紅色，夠特別)，把DSLR縮小到我需要的尺碼，接觸過G5，嫌G5太大，G5膠感非常重。G3就剛剛好，用料好，可以好輕鬆帶着它週圍去。玩這類機無非都是貪佢輕便，吾想做咕喱。
2. 由於出G5，現在買G3超值。一机兩鏡夠晒玩。
3. Kit Set兩支鏡一支大陸做一支日本做均交出水準，算合格。
4. 最重要有EVF，啱晒我用慣DSLR的人，好過GX1要另買，GX1裝得外置EVF又裝吾到閃光燈。不過好多機都係要另買EVF來搶錢!
5. 個Mon可以扭動
6. 對焦速度合格(有23點)，亦可Mon對焦影相，非常方便。
7. PSAM, iA 及場景應該有的都比齊你，專業與儍瓜並駕。
8. 相質雖然比不上大機，但都很清色，顏色準，可以收貨。
9. Olympus 及Leica舊鏡都可以玩，有錢時可以買支Leica鏡滿足吓，M9 Body都慳番。

1. 由LCD轉去EVF要制，不能自動感應，最失敗。
2. 內置閃燈射程弱
3. 我常用的AE Lock Set了在Disp/Fn1個制度，不是問題，但會少了一粒制用，要在LCD Touch Screen Disp，設計師要驗腦。
4. ISO 1600 以上不能接受。
5. HD我感覺不到有高清Feel。不過我甚少用它來拍Video，相機應做番本份…. 影相!

總結: 這是一部集齊入門DSLR功能的迷理機，功能齊備，畫質好，我用得好開心

$5XXX買到雙KIT套裝,有齊我想要既野,M4/3 同級機首選
由普通DC仔升上換鏡DC,從未玩過換鏡機,睇左好耐,價錢算合理,對焦速度很快
夠輕便,有觀景器, 內閃(大過Olympus同級機),反芒,touch screen(以上當然未算最高級,高級功能高價錢,我就好足夠了)

差就唔覺話好差,同級差過佢大有機在,真係好睇買家咩心態(假如它係一個人,給我既感覺是中產人士),如果價錢唔係你買機首要條件的話,大可以入手貴族SONY'5D
本身影開家庭相,現時冇咩係功能唔夠強而影唔到的地方,
但外觀就麻麻地,為求輕便,攪到單反唔似單反,上一代外觀好D~

最樣衰係握把位,不過個人覺得係Panasonic故意咁做留有一手,例子就好似GF3
GF3本身都好靚,但新一代GF5加左94萬像素芒同皮握把,外觀立即變得更加有型, 機頂前方再加點斜角做出硬朗感就變得更貴氣又加一分~
如果冇估錯G3下一代會跟隨GF系列進化:upgrade個芒,觀景器,皮的握把位(再加厚小小),每樣升小小,又可以叫出一個高價~

很少會被提及的優點：
1) 輕巧，但有接近入門單反的手持感覺。把它放在桌面上看會覺得它很小，拿它在手上則會覺得它很大台。
2) 機身後方轉盤設計十分好用，尤其使用手動鏡時。當機身插上手動鏡，按下轉盤即進入放大對焦模式，旋轉轉盤則可改變畫面放大倍數，十分好用。
3) 有熱靴，與Olympus 共用熱靴設計，尺吋與N/C牌一樣，可單點觸發支援N或C牌的閃光燈。

很少會被提及的缺點：
1) 快門鈕觸感不及Olympus 無反相機產品，與S牌及N牌無反相機差不多，半按與全按之間輕重分別較模糊 ── 最好自己親手試用比較。
2) 向後凸出的EVF 令許多相機保護袋/套都不合身。
3) 在「一點」及「定位焦點」模式中沒有一鍵將對焦點「歸零」(重設在畫面正中央)的功能。
4) Kit 鏡頭質素與規格都不吸引。把Panasonic 14-42 kit 售出然後購入二手Olympus 14-42mm IIR 是我的做法。(我覺得是值得犧牲Mega O.I.S.去換更佳的光學設計。)
5) 感覺機身不夠堅固扎實，尤其對比Olympus PEN 系列。

簡單來說，我是因為想購入Panasonic GX1 才認識Panasonic G3，同時我也有考慮Sony NEX 5N、Olympus E-P3、Nikon V1 (近期減價使變得吸引)，經大量實玩實試及資料蒐集之後最終購入了G3。
G3 是所有以上候選機款之中，在價格、畫質、操作與擴充能力之間取得最佳平衡的機型 ── NEX 5N的片幅尺吋與軟體功能對手動鏡頭(老鏡頭)愛好者最具吸引力，E-P3 有最好的機身造工，V1 有最亮麗的屏幕與EVF。而GX1 似乎在操作及外型上小勝G3，但因為欠了EVF 與可旋轉屏幕，差價也不過數百元，所以最後並未被我選擇。
G3 給我的感覺就是快而準，操作上像入門單反般簡單直接，機身輕巧，但有時會覺得它不夠好看。
如果閣下是因為看到G3 (類似單反相機) 的外型而放棄考慮這台性價比超高的相機，我會建議您問影音店店員要一台白色的G3 試試玩玩看。白色的G3 被拿在手上/掛在胸前時其實不怎麼像單反。

1. Touch Screen對焦快而準, 全屏任何位置都可對焦, 暗位對焦都無問題
2. 機身輕細, 白色機身好靓, 質感比G1, G2好好多, 用餅鏡重量同Canon G12差吾多
3. 有EVF, 不用另購
4. iA+ 好好用, 方便比老婆用
5. Jpeg 直出ISO 1600 可用, 如用lightroom 減noise ISO 3200都可用
6. 色水同以前所有Panasonic既機有好大分別, 以前比較清淡(我個人比較重口味)…而家要鮮艷有鮮艷, 要清淡有清淡 重點係部機D色水可以較到岩我口味
7. 反mon 方便不同角度拍攝同埋自拍, 呢點對我黎講好重要, 方便我同BB合照
8. 拍片簡單易用, 拍攝途中仲可以影相, 吾會錯失任何影相既時機

1. 屏幕仲得果46萬點, 一D都吾似電子大廠既出品
2. 跟人地既filter模式, 得好少選擇, 又無得較光圈,快門
3. 握手位應該可以再造好D
4. 電量少得可憐, 呢一點吾該Panasonic要重視吓, 電量衰過傻瓜機, 咁既電量仲要賣HK$440蚊一粒( 對吾住, 係呢一點我真係想講句: 不知所謂!! ), 如果去旅行我懷疑一日三粒都吾夠><
5. 除左touch screen 對焦方式外, 其他都應該仲有改善既空間…
6. 冇離機閃燈功能
7. 自動白平衡吾準, 幸好可以自己Set K 數, 但我通常用自訂"影白紙"

曾用GH2, 但真係接受吾到佢d色水(果時未開始用lightroom) 電量亦都係一個重要因素, 果時去旅行, 影左半日就無電, 仲要果時原廠同副廠都冇得賣, 真係想死, 其實仲有好多慘痛既經歷, 但都無謂再提…(對吾住, 我又想加多幾句: GH2原廠粒電賣HK$550 咁既電量配咁既價錢!!簡直係離譜得過份!!!!)

但點解仲夠膽買G3?
因我只當佢係副機用, 只想帶BB出街時輕便D, 同埋想同BB多D合照 (有反mon), 仲有拍片, 上網睇過話d色水同之前有吾同, 心唸就算吾得最多學下用lightroom後製…

買完試過之後, 吾得了, 色水好好(其實呢一樣野係好睇個人口味), 但起碼有得選擇, 以前用GH2都有色水模式比你選, 但好似每一項都差吾多, 仲有ISO, G3直出jpeg都好過GH2, 以前用GH2 高ISO 有好多黃班, G3改善左好多(曾攞返之前GH2影過既Jpeg同Raw比較過)
仲有就係G3仲可以全屏對焦, 真係好爽 !! (不過, 除左呢幾點其他都係GH2好過G3)

總括黍講, G3係一個吾錯既選擇, 價錢算合理, 質素OK!! 而且個人覺得係現有既無反市場, m4/3 係一個最佳既系統, 機輕鏡細 有質素 只欠大光圈變焦鏡…應該吾駛等幾耐就有…:)

用過G3後, 對Panasonic既高階機充滿期待……不過, 吾該攪攪以上既問題先:)