對焦速度改善，有內閃，新皮套，touch screen（但對我幫助不大）

白平衡：用 E-p1 時習慣用kevin，可統一一輯相嘅色温；但E-p3除Awb外，其他全部唔準不能用。
Noise control：唔明點解效果仲差過 E-p1，好難捉摸嘅一部機。

實際用落，E-p1 仲好用D

- 外型吸引(黑色迷人,白色純樸,,銀色優雅)
- 絕對係全球自動對焦最快可換鏡頭相機
- 可換手柄及鏡頭蓋,雲石色勁靚
- 35區高速自動對焦,對焦範位廣而準
- 擁有雙核心影像處理器,影像處理極化高速,流暢,連拍不是問題
- 3吋TOUCH OLED屏幕,可觸控屏幕對焦拍攝,非常新潮,獨特
- 全金屬機身,所以有少少份量
- 多種ART FILTERS,製造不同獨特效果,帶出不一樣的驚喜,尤其是風景模式,影山水風景一流
- Olympus一向影得色彩鮮艷帶光澤,比其他單鏡反光的顏色更鮮明
- FULL HD VIDEO,收音良好
- 可以直接在相機中用JEPG執番D色彩,紅眼,SIZE,白平衡等效果
- 雙轉盤,容易操控,上手
- 電池耐用,影左成日都仲有大把電剩
- 腳架輕且實用

- 價錢比較貴
- 有F1.8光圈更好

一向喜歡Olympus相機外型設計的我,之前已經買了XZ-1,不錯的專業級DC。而家依然支持Olympus,一出E-P 3就已經被它的外型吸引著,最後它落入我手上。同時擁有XZ-1(黑色)加E-P 3(白色)感到很大滿足感!2部機加埋都仲輕過一部單鏡反光,外出拍攝我都會帶哂2部機,簡直天作之合!
買Olympus的主要原因是它的外型,其次是好好用的3吋TOUCH MON,可以自己觸控對焦,好得意;而且它擁有雙核處理器,對焦又快,所以決定買了。
Olympus的相機很快上手,又有多種ART FILTERS供人選擇,所以好適合比我呢種拍攝唔算叻,但又熱愛拍攝和創新的用家!
最後,我希望呢部E-P3同XZ-1唔好厭棄我,幫我拍下每個精彩時刻,成為我的好知己!!

外型

畫質ok

偏貴

*(中国製)

影過動小孩吃力

比較黑時對焦較慢,雜訊多

用開canon 7D影囝囝 跑跑跳跳 ，但第2個bb快要出生，心想仲帶單反出街真係件苦差，就用呢點說服老婆，買了ep3，原因，外形，質感，選了銀色，配了原廠底套，自我感覺良好，至於影像質素，反正我影小孩，生活照為主，畫質屬可以接受，但kit鏡夜影雜訊多，影高清video方便，又可以加特效，之前有想過ep3完全代替7d，但用2次就放棄這想法，始終單反好太多，以後小孩生日會，運動會重都帶單反。

外型典雅 仲有雙轉輪+touch mon 操作得心應手
輕巧而不失手感 色濃而不失自然
對焦快而且可以用touch mon選擇焦點 比起用十字制同轉盤好用得多
全高清拍片仲可以自動追焦 配合msc鏡頭對焦靜到無聲 全時對焦實用
Art Filter 好玩 仲可以幾種效果一齊用
加埋支9-18&14-150 就可以輕鬆去旅行, 行山, 遠足

大光圈鏡頭太少 而且仲好貴
希望有多D副敷同佢出
連拍得1秒3張
追焦+連拍反應同單反差好遠
noise 控制比單反差D

以前用Canon 單反 影風景都要執下D顏色 因為太淡 用左 epl1 之後已經鍾意左Olympus 的顏色 到而家用EP3 各方面都提升左好多
所以而家去旅行我只帶一部EP3
Art Filter可以話係我的最愛
濃色效果 影Magic hour
針孔效果 影懷舊野
透視效果 從高處向下影建築物, 車輛
戲劇性效果 真係可以化腐朽為神奇
負片效果 影王家衛feel
柔焦效果 影GF

對焦快, 唔太重, 平時去街好方便, AVCHD 1080p拍片正!!

Kit Lens 光圈唔夠大，只得f/3.5，所以較暗的環境下有好多Noise。
人人都話EP3 focus唔單只快，仲係快過好多專業單反。但係本人只覺得係夠光的情況下對焦快，但係好似Canon L Lens 連較暗的環境下都Focus得幾快。所以連Olympus自己都只係話係全球最快的PEN，而唔係全球最快的相機。

本人用開Canon 7D，覺得太大同大重所以就入咗部M43來玩下。雖然唔可能同單反比，因為始終大家個Sensor都好唔同，大機始終靚好多。但係平時用好夠。同埋加上我成日都會用到相機拍片，所以比較喜歡今次 EP3 加入 1080p 拍攝及可以外加 專業 Mic 錄音。(需另買SEMA-1先可以加Mic), 但係其餘 NEX C3 同 GF3 都冇得外加Mic...因為原裝Mic真係好垃圾。同埋 NEX C3仲只得 720p。所以我最後就買咗 EP3....


正體影相,影片都幾正...

全球 AF最快; 35區自動對焦準; ISO 高咗重有救命閃燈預防不時之需; Mon 又有touch screen 對焦, 玩開 PEN 嘅朋友絕對會認同 EP-3 嘅爽快感

太貴了; 機能全 upgrade 為獨唔改像數, 可能想留定位置比下一代更新; 求像數嘅朋友就會有點失望; mon 色準會跟背景出現有時偏黃/有時偏綠嘅現像

外形古典高雅靚過哂其他mirrorless 機; Art filters 又好玩. 雖然我係 PEN 粉絲, 不過七千幾咪又係買番 PEN 一部, 感覺似部 upgrade 機多啲, 不過EP-3 改善咗嘅機能又真係改得好好; 跟機嘅 14-42mm 以經影得好靚, 鏡頭同部機全部加埋運作得好爽, 重量平衡得幾好. 要嫌就係個mon, 雖然色彩多咗, 但點調較都好似唔多色準, 影完人像即時返睇都唔知信唔信隻色好, 有靚 models 就最好用raw影先返屋企用電腦慢慢執. 唔好盲追銀色,其實黑色睇落好pro feel.

Mon靚、型仔、對焦快。

用AWB、CWB及烏絲燈WB，影出相片有點偏黃。期待 Firmware Update。

7月13日首賣第一天便購入，使用了一星期，配上新Kit 鏡頭及12F2.0，感覺對焦快了很多，Save相片也快了。我買了銀色，外型配上12F2.0好殺食。先前用 EPL2，現在影相爽了好多、Mon比以前靚左好多。

1) 樣靚(特別是white colour),classic feel,有得換手柄
2) 不太重,平時去街可方便d
3) 有外閃,EP2冇
4) Kit len Focus 超快
5)have Touch Mon Focus
6)have 10 filter (不用photoshop已有很多不同效果)

expect expensive, 冇乜, $7390 可以買好多入門DLSR,but M4/3機 until now, Olympus EP3 is No.1

我之前用開GF2, 礙於對焦頗慢,玩左一陣就放左, try過EP3 is better, 所以轉會,想入門M4/3機fans,此機是不二之選,早買早享受,遲買平幾舊

樣靚,有得換手柄,都算軽,有10個ART FILTER ,35奌對焦,比我用開的GF1 AND CANON 60D放便,如果平時去街可方便多,机頂閃燈比GF1光/色準

貴,要用KIT LEN才快,用萏LENS 因為是外對焦所以慢,不及CANON机快,閃燈比CANON 60D暗,ISO 800以上NOISE , CUT相後不及CANON 60D靚.

比 EP1 , EP2 ,EPL2 快,有10個ART FILTER ,35奌對焦

1.機身接近PEN系前身菲林機外型，復古味濃，型仔。

2.Art Filters玩味十足，唔使後製都可以令一啲平凡嘅相變得不平凡，而且處理速度係PEN系現時最快，好流暢，不過濾鏡嘅相片質素始終比直出嘅相差啲。

3.按鈕自由度高，操控介面同個仿單反介面操作一流，啱哂我呢啲影張相要Set呢樣Set嗰樣嘅人。觸碰對焦方法正過GF-2系，有得選擇掂一掂就幫你自動對焦仲影埋相，又或者幫你對焦，你自己按快門，啱埋嗰啲話影相只係識得按一個掣嘅人，睇相好似IPhone咁掃掃吓就得，觸碰好靈敏，超抵讚。

4.個True Image VI 處理器行Dual Channel，整體運算速度明快過EPL-2好多，對焦嗰陣同Save相時唔再有Delay嘅情況出現。

5.最緊要一點就係之前EPL-2有嘅佛光問題已經徹底解決咗，對住太陽影，啲相唔使再見到神蹟咁嘅效果，影逆光相都唔驚。

6.PEN機嘅色系靚過GF機，影人有立體感啲，之前擔心佢影人啲皮膚色會深過GF，依家發覺微調之後，總算可以接近GF嘅白白滑滑,而且人面對焦同眼部對焦比GF-1準確。

1.如果冇咗支Kit，對焦根本冇佢講到全球最快，尤其光線不足同冇開補助燈情況之下，好大機會迷焦，甚至對唔到焦，佢自己支Kit鏡都係咁情況。GF-1日頭對焦同夜晚對焦絕對唔輸蝕得過佢好多。

2.高ISO網上大部份人啲人話接受到1600，但我要求唔高都只係接受到ISO800，ISO1000打後暗位開始唔掂，但細節保留仲算OK，ISO1600 打後偏色問題開始唔輕，除咗黑色。好彩配合14mm F2.5大光圈同機身防震，夜晚ISO800都勉強叫達到安全快門，冇咁易手震，算係比GF-1優勝。其實M4/3塊感光原件Size就係咁，同單反塊感光始終有一定距離，相信以依家嘅技術，任何廠牌都好難突破到高ISO會有幾掂，況且相機鬥高ISO冇乜意思，啲相唔會靚得去邊！

3.白平衡比網上啲人嚇一嚇，講到唔準得好嚴重，初時試咗都覺得連AWB同所有白平衡都冇個準，吓吓要自訂。後來試真啲先知原來係個Mon搞鬼，Set咗之後再微調，雖然冇單反咁準，但已經可以接受，因為GF-1都唔係準。

4.除咗手動鏡，M4/3鏡頭組選擇少得來，質素唔係支支好得來，價錢仲要唔平，性價比同質素冇單反鏡頭咁高。EP-3比GF-1優勝就只係用手動鏡時有機身防震。

始終EP-3算係一部高階嘅M4/3機，係一定要有返咁上下水準，但真係冇佢宣傳講得咁勁，我諗P記G-3嘅性能應該同佢有得鬥，暗位對焦表現應該仲好啲。不過，M4/3機畫質始終係取代唔到單反，尤其係高ISO堪用值。 但作為一部輕便嘅隨身機，EP-3已經足夠有餘。如果第時GF系傳聞嘅高階後繼機真係出現，又有齊操控，濾鏡，性能，近似GF-1嘅型仔機身(呢個機會都幾微)，我先會考慮換機，如果是但一樣冇的話，我諗部EP-3會好似部GF-1咁一直用落去。