1）畫質（僅限raw + iso 100-200，400以上轉黑白），用mon睇都嫌浪費，建議一定要試下印出來。
2）便攜，非常輕便！如果冬天的話多數男士衣袋都塞得落。
3）非伸縮鏡頭，減少入塵機會；雖然對焦時鏡桶會稍微移動，但已經比之前伸縮鏡頭要好。
4）配件便宜，49mm filter選擇多（建議nd濾鏡點都要）
5）操作不算複雜，應該有嘅功能多數都有。以行山/旅行影相而言係絕對足夠。
6）對焦準確，而可以設定af-l同時連動ae-l，並可以用半按快門形式lock住，呢個功能非常好用。

1）save相慢，8秒起跳，快卡冇幫助；有七張buffer可以稍微緩解呢個問題。
2）電量一粒50-70張raw，但係唔影raw又等於自廢武功。
3）最快快門=1/2000，特定情況下唔夠快。
4）手動對焦摩打手感奇怪，雖然比x100系列較為線性，但係同純手動鏡頭差好遠。
5）續上，冇峰值對焦，需要放大來睇。大太陽不太方便。
6）再續上，夜晚可以放棄自動對焦。
6.5）高iso基本上係殘廢，夜晚影相請自備腳架，或者訓練一下就地取材手工搭相機架嘅功力。夜晚唔係影唔到相，而係比較麻煩。
7）如果用慣大機的朋友可能需要一段時間熟悉操作，畢竟得一個轉盤同埋一堆後置按鈕。最基本pasm轉盤雖然欠奉，但出奇地有三個custom setting可以save。
8）鏡頭CA比較嚴重，spp可以做的補救非常有限。

部相機已經出咗十年有餘，二手價錢都企得非常硬（近年仲有回升趨勢）
係2025年嘅今日要搵一部畫質超過佢嘅全幅機（甚或中幅機），最少投資多七八倍銀兩落去，以性價比角度而言此機係超群。一個系列三部機，純論畫質dp2m係最高，但28mm較符合我使用習慣。一機行天下而言此機尺寸同埋焦距比較合理。

對焦速度並非慢，而是非常飄忽，此時敬請多多使用選擇對焦點的功能。只要對得中焦，準繩度都還是OK的。當然，嘗試用佢來追焦就係強人所難了。夜晚對焦同理，可以影相前事先襟定manual focus以增快速度，同時減少自己的煩躁程度。

當然有得必有失，相信時至今日仲會諗呢部機嘅人都清楚知道。電量倒水，一粒電約等於兩卷菲林，save相最少八秒（用現代sdxc高速卡是沒有改善的），操作方不方便就見仁見智；但地球上冇一部相機可以俾曬所有嘢你，如果今時今日我清楚了解到我只係需要一部可以周圍帶、求其擺落小型斜孭袋而唔心痛、同時又對畫質有較高要求嘅相機，應該無第二部機可供選擇了。

總而言之，佢嘅缺點注定令呢部機係二手機海入邊都係小眾選擇；但如果清楚知道自己的使用場景符合佢設計，就好難搵到一部比佢更好嘅機。

題外話，供理光gr3用的配件多數都啱裝的，gw-4 wide converter非常好用。至於gt-2 tele converter就會有暗角，但crop 1:1依然不錯。

1) 機仔細細功能够用.
2) 按键位置就手, 手感好和反應够爽又快.
3) 自動對焦够快. 19mm 好好用
4) 相片質素超班, 吾可以用文字表達, 要自己睇相睇佢的X3 SENSOR 威力.
5) 連高質素定焦鏡都咁平.

1) 電量吾够, 但對我吾成問題, 自己改電後一次可影过千張.
2) save相慢, jpeg 8秒, raw+jpeg 12秒, 冇得搞唯有等.
Sigma 個SSP又係慢, 其實吾用RAW, 直出JPEG都好得.
3) ISO 400只可用.

初用吾惯用到悯想扱左佢, 点知摸熟左佢的俾氣, 相片質素原來咁勁, 用电脑放大100%, 200% 睇, 哇哇声, detail 多到呢,,,,, 似放大鏡多過似相機, 睇相的立體感, 现场感, 顏色等, 仲靓過當時的现埸, 尤其是大廈的线條骨位好實好直,,,, 當然用 RAW轉JPEG 更正. 现在手恃影夜景都正.

我每天帶它出街SNAP SHOT. 樂在其中.

外觀夠Cool，型

操作有得同LEICA M8 比--用過M8知我講乜!

一部偏門唔顯眼缺點多多令人卻步嘅機，但又成個十三點美少女一樣。
一粒電用raw影到40張當贏，低門檻都只能接受到ISO 250(真係頂盡)。正牌日光機，影室內外景正，影室內+人好難影得OK，或者係我唔得，但解像能接近到D800E，層次感或好過D4。
係光圈2.8時對焦好慢，對稍細物件尤其微微擺動嘅樹葉，唔好話對準，對到都難。
&又係光圈2.8時散景有舊鏡feel。色主觀有DD似leica&亦有菲林味，以前用過同級機有Fuji X100S，LEICA X2，操作方面最好係X100S，跟住係X2，DP1。ISO&AWB方面係X100S，X2，DP1M。
以上感受可以話無理由留DP1M，但佢畫質&層次感突出到 “ 獨孤求敗 ” 咁嘅款，就算事前知道正到真正用raw睇真係有震撼！(影黑白最好依然係Leica X2)。
但DP1M缺點真係唔係人人接受到㗎!
總括ISO係100~200內係無敵，足夠抵消返晒D缺點。
E舖真係食得咸魚抵得渴，要慢活細味DP1M

以現時的價位 (4000有找，二手3000多D)，畫質去到咁既層次，真係 蔗渣既價錢，燒鵝既味道！

操作性能差… (下刪一佰字)

買得sigma機用，要好明白自己既攝影態度及模式。喜歡畫質的 及 不喜歡9按快門的朋友，這是一個明智的選擇！

1.Sharp
2.Very excellent PQ
3.The handle feel not bad
4.MIJ
5.Potable

1.Battery eater
2.No Viewfinder
3.No Peaking focus mode
4.Saving speed were very very low
5.Bad WB

This camera can handle Still life very well.
Recommend DP1M for advance user.

畫質靚到冇朋友

操控性好, 唔睇使用者手冊, 玩2小時已經用到好熟手

10年前機身科技
1. 對焦慢, 低光環境唔好對佢有期望
2. 影完等save, 再返睇拍攝效果要等大約10秒
3. 無防震
4. 冇變焦
5. 超食電, 影到第50張仲有電係好彩
6. jpeg 9流焗影raw
7. 冇b快門又冇快快門
8. iso200以上有等於冇(黑白相不在此限)
9. 用來影女人大頭照會絕交的

對於拍攝運動 / 快速移動主體 (例如1歲以上小朋友及較活躍寵物)為主題o既用家來講係垃圾機, 請勿資源錯配, 唔好以現代影友有殺錯冇放過心態去瘋狂掃射, 除左會冇電之外, 返到屋企會有選擇困難症, 50MB raw開到死都未開晒。當佢24格菲林相機用個人會開心好多, 影完返去先慢慢開raw調節, 會感到係一種享受, 唔知我係唔係開始有被虐狂....

3款功能一樣只係唔同焦距, 買1架機就當買支手動定焦鏡, 真係又愛又恨, 我係行山友, 買19mm版本比較合用。

除左大家都話既影像質數極佳之外
-功能少 冇多餘既制 操作起上來算快
-QS 基本上要SET既野都入得晒入去 有轉盤 方便
-好欣賞有極限對焦MODE 唔係影近野 選呢個MODE 會對得快好多 1米之外
-HOT SHOE可以裝引閃器飛燈, F5.6 快門可以高達1/2000 做閃燈同步
-色彩表現真實 還原度極高

-對焦有機會入塵 所以一定迫你買貴FILTER
-對焦慢
-對焦嘈 好似有沙粒卡住既摩擦聲
-手動對焦都會陏到摩打 又係發出沙沙聲
-LOAD相慢 想即時睇返 中焦情況都要等好耐
-唔知點解轉唔到畫面出Histogram 太光猛難分析光暗(我係1.04版)
-無防震 ISO已經唔高得 變左安全快門都要高 除非超手定 不然真係要1/30先穩陣
-SENSOR無敵 但LEN的COATING唔係太得
-SENSOR 的 DYNAMIC RANGE唔高
-電量......算啦唔提
-光學觀景器設計得太蠢...又貴 裝左你點選對焦位呢? (所以冇買到)
-後期處理煩 唔方便
-冇快門線 冇B快門
-快門得1/2000太少

用得呢部機 某程度係會局限你既攝影模式
用得呢部機 就會想低ISO拍攝去慢慢聞下佢既威力
正正呢個原因 基本上環境一暗 就可以收工 室內光源都係太暗 對佢來說
我買呢部機 係貪佢日光日白 勁抽過D4,1DX
28MM 用來影風景 又輕便 其實真係唔錯
不過唔好搞錯 勁過FULL FRAME係指影像既銳利度 細節位 立體感 解像力
高ISO唔提啦....但係DYNAMIC RANGE係非常普通! 高光差 唔得掂
呢部機 真係要當菲林機咁慢慢去影 要影RAW檔
用得好 佢可以令你享受非常正斗的視覺享受(前提要配合攝影技術 例如構圖,採光)
用得唔好 佢可以係一部垃圾 最常見就係光源問題
真係要慢慢影 唔好亂影 唔係電量問題 係RAW轉J太煩 又耐
當你唔介意轉得耐 而又多時間 而又大把電
都唔建議不停地狂影 因為如果只針對畫質正 去影來聞相
你會死得好快 會中毒 會破壞你腦部 會令你攝影創意停濟 什至減弱
所以真係好矛盾 用得佢 意志要夠堅定
慢慢用心去捕捉 嗰種驚喜感 會更加強烈
小小心得 我將佢改左另一個名 叫女性殺手
用佢來影女 被攝者會唔中意你 什至會反感 大家有經驗既 心照 醒定D =)
返去執都執死你 同埋 未必執得返嗰種真實既質感出來
真係一部唔適合新手用既相機
老老實實 玩下就算 唔好太認真

1）畫質先決
2）立體感好特別，D90 及fujifilmX100 都不能帶給我這種視覺享受
3）色階十分分明（raw 轉jpeg）

1）save 相激慢（最長試過差不多半分鐘）
2） 可用iso100-400，Iso 800 已經沒有sigma 機的畫質優勢（晚景帶腳架吧）
3）耗電量恐怖，約80-90張就要換電（一日用量帶四粒電就最保險）
4）機身較易熱

初時我對於Sigma 機沒有興趣，例如不能用高iso，對焦較慢 ，耗電勁，又不易穩定地手持。自從我開始接觸它的相片後就...中毒！是一種劇毒！畫質靚得不能再同中階DSLR 比較（在日光下）

在某情況下，其實「慢」是好過「快」

大家都講左

電量................ -_-

從來無諗過會買Sigma 相機 ,一來價錢貴 , 二來機械性差. 一直只用Canon,sony,Panasonic. 幾年前入手sony Nex 5 到現在Nex 6 , 都欣賞sony 的機械和電子性能 ,但sony的顏色控制和色階,始終遜色Canon 40D (Both RAW). 為求方便外去,Sony的確出街率極高. 上月無意中在台灣Mobile01 看到Dp1m 詳細報告, 看到相片的辨識度、寬容度、色階.... 都是自己多年想要的, 所以襯sigma 回贈購得此機.

Dp1m : 跟nex 6 和 40D , 她的確慢, 但相片質數無械可擊( 100-400 iso). 相同拍攝條件下，簡直令人目呆.

記僅一點: DP1M 雖然是FIXED LENS, 但鏡筒在對焦時會輕微前後轉動,因而有機會令塵埃由前鏡周邊入進. 有見及此,應該第一時間買UV,將前鏡部份封閉, uv lens 一定要貴,咁先唔會降低鏡頭辨識度.

摄影初衷
缺点太多（太多优点就变得主流）

缺点就是优点

由apsc機升上ff感受到画质既魅力可惜体积之庞大而长放防潮箱，小弟热爱以照片记录生活上的一切所以机不离身，起初为x100着迷很多地方都比sigma优胜，后来反问自己这些优胜地地方真既影响甘大？一次偶然既机会下接触到sigma既dp机影左一批相曬佐4r……美得好紧要立体感出晒黎眼见既色彩完全在照片上表露无遗，因为佢出名既慢，iso另到吴少买家却步，接纳她的缺点随心按下快门拍下一张心头照成为了小众用家的浪漫