份量好

太容易發

就手爽快

性價比高
Grip好好揸
電夠用
雙卡
Body有focus motor
好多功能鍵同兩個dial, 轉設定好方便
有weather seal 落雨冇有怕 （當然你支鏡都要有weather seal至得）

連拍buffer細，影十張到就好慢
ISO範圍比起宜家新出嘅低 6400起開始好麻麻
螢光幕冇得轉
冇wifi

比起我之前部D5200更user friendly
雖然畫質差唔多但係用落方便自己好多
可能我鍾意影動物 所以轉野要一步到位 搞幾搞隻野都走左啦！
因此要機動性強嘅DX用家 本人十分推薦用二手家入哩部！

全新貨尾四千九蚊，唔要求連拍多張o既話就抵。
對焦、快門爽
手感佳，所有按/扭 鬆緊度都剛剛好。

OVF 放大率非 1x。同 Canon 7D 比感覺又高唔上....
更多缺點，睇意見。

OVF：
下面字大隻左光左易睇左，
但 AF 點 照明紅光好暗及照明時間大短，AF 點室內好難睇。

指定按鍵 (Fn / AE-L / 景深預覽) 係多，但 可選功能未夠全面。
(其實大多數應有功能都可選，但如果可控掣 AF 輔勵燈開/關、機背mon 顯示水平線，甚至可快門釋放 就更好)

配 DX 12-24 鏡，感覺機身乃偏輕。(時下要輕要 VR，冇計... )

拍片：
對於用 G 鏡o既新手來講就功能太弱 (光圈動彈不得，AF差)，Nikon 呢方面輸蝕了！
用於有經驗o既用家，要配 D 鏡或 AI 鏡就會好好玩，M mode 下，快門、ISO、光圈 完全任你控制。

1.）AWB好準，可以以圖像自訂香平衡。
2.）51 或39個對焦點
3.）1.3x Crop時，中央有F.8
4.）機動性強，可以Snap得好輕鬆。
5.）原裝電池可以用成日
6.）不設光學低通濾鏡，影像更細緻。
7.）連拍速度快

1.）DX機關係，始終唔夠FF比，但用來打雀等遠攝就無得輸啦。
2.）Buffer唔夠，連拍7張就⋯

我買入時$15xxx（連16-85mm），而家跌晒價。
但無後悔，因為我知我想要影咩題材，呢部D7100合我心意！

算幾輕巧
FX機既的普及, 令入手價錢更加親民
只需入門FX機的一半價, 便可享受專業級的操控。
大部分優點, 其它師兄都講哂。

Buffer............唔掂! 連拍7張後跪低, 有冇搞錯!
現今在全幅機的普及和不繼吹捧下, DX format既單反已開始漸漸式微。
因感光元件比全幅機細的關係, 相同焦距及光圈所表現出來散景沒有全幅機那麼淺。(大概是因為大家的目標對焦距離不同)
抗跌能力弱, 一年前的新機價, 是現在的八拆或更低

使用Nikon D7100已有一年了, 我帶着它遊歷不同地方, 去旅行, 行山, 去室內冰雕展等地, 都從來未擺過工及帶它見Nikon CS一面, 是一部可靠的機器。
旁人不斷吹捧全片幅的好處, 什麼高ISO, 立體感, 空間感, 散景好易造...............
但係, 有好機係手, 真係會拍出好照片?
經過一年使用它來拍照經驗來說, 悟出一幅好作品最重要係構圖, 意境及作者能表達出照片背後意思。
我覺得好器材只是為其作品錦上添花而已。

入手第一部數碼單反, 從未有過拍攝的爽快感覺, 對焦超快且準, 連拍功能在拍攝動態時容易掌握...

爽...快...輕...靜

對焦點夠多(51點,但平時只會用中間果點)
ISO 100-12800 嘅質素OK,冇咩NOISE(個人認為)
1.3X裁剪後連拍速度提升,足夠小弟打雀時連拍
追焦OK,十張中八張以上
耗電器低(影左700張相都係用左43%電)

暗位對焦速度麻麻
BUFFER唔係幾夠

其實呢部機機動性好高,基本上影咩都得

1．專業型單反，具備大部份高階功能，包括重曝、包圍曝光，與入門單反、無反等操作性優勝很多；
2．AWB 討好，色彩很自然；
3．配合200g到800g 鏡頭都可保持平衡，手感好，長時間手持也不會很累；
4．電量足，續航力持久，電池充電時間短；
5．連拍感覺非常好，無反的電子快門雖然每秒可連拍更多，但個人覺得沒有必要；
6．51點對焦，轉換對焦點方便快捷，可以瞬間構圖對焦，此外，追焦的成功率也很高；
7．雙咭插糟；
8．nikon自家有不少素質良好的DX鏡，加上此機內置對焦系統，又可用D鏡，鏡頭選擇很多。

1．連拍有時會卡著，可能是同時讀入雙咭，而其中一張又是便宜SD咭的關係；
2．LV對焦很慢，按+ 放大後還要按多次- 才能變回原來大小，其本上不會用LV來拍攝，而放大後的影像也不清晰，手動對焦還是要靠肉眼或合焦提示；
3．機身應可再輕一點，因現時FF的重量也在急劇下降中。

用過sony 5n、nikon d3200，終於到這部專業級半幅機了，不用FF的最大原因，當然是金錢考量，另外就是鏡頭重量。nikon DX的好處，就是有不少便宜又好用的DX鏡，相對覺得c家就缺乏對半幅玩家的照顧。要知道我們玩業餘攝影的，只能閒時動用數千元來滿足對器材的欲望，全幅鏡一般徧貴，CP值低，而各家副廠對半幅玩家都很照顧，包括sigma 30 1.4 art 及 tokina 107 fisheye，價格合理素質也不錯，是小弟常用的鏡頭組合，所以對於小弟來說，d7100 已是非常到位的選擇。

1. 輕便，感覺比D7000更輕便
2. 3.2吋顯示屏，而且畫質更為細膩
3. 拍攝模式轉盤新增了解鎖按鈕，有人覺得是缺點，但我之前用的D7000沒有這個按鈕，導致常常誤觸
4. 多了「i 鍵」快速設定鍵，更改設定甚為方便
5. 不設光學低通濾鏡
6. 100% VF
7. 立體聲收音及優化的拍片功能
8. 51個自動對焦點，覆蓋範圍廣，而且中央一點還支援F8光圈自動對焦
9. 1.3X Crop，雖然影響像素，但可節省後製時間；另外在1.3X模式下可達至7FPS

1. 顯示屏不再支援以往D7000的透明保護膠
2. 從D7000升級不能沿用MB-D11直倒手柄
3. 不設內置GPS及WIFI
4. Nikon太自豪於它們於2007年首創的自動對焦系統，但多年來這個對焦系統都沒有大突破。對手70D的19個對焦點全都是十字對焦點；PENTAX的產品甚至有雙十字對焦點
5. 顏色不夠鮮艷，即使拍攝模式設定為鮮艷模式，並把飽和度提高，也比不上相同設定下的D7000及D600
6. 電不太耐用
7. 使用副廠飛燈器時不支援「後簾快門同步」

從小弟第一部D90開始，一直到今日的D7100，Nikon的中階DX系列我都有使用過，見證著這個生產線的每一代產品的進步，都是大刀闊斧的。作為Nikon暢銷的一員，除了要面對競爭對手的同級產品(C家的70D及S家的a77 II)，準用家更要在自家的D5300及FX的D610之間作出取捨。可是憑著D7100強大的性能、出色的造工及龐大的鏡群支援(D5300不支援AF-D鏡自動對焦及AI-S的測光)，令D7100仍然能夠緊守崗位，在FX市佔率不斷擴張的今天依然受用戶歡迎。

小弟曾/現時擁有過的DSLR，分別有D90、D7000、D3100、D600(將要更換為D610)及現在的D7100，說來慚愧，D7100是小弟首部擁有51個自動對焦點的DSLR，在這個系統面世足足7年後的今天，是否有點遲了？話說回來，D7XXX系列及其前身D70-D90系列，每一代都有很大的進步，大家在手執D7100的同時，能否想像他的下一代會有甚麼大幅度的優化？

1. 手感好, 之前都係nikon用家, 可能都有先入為主既感覺
2. 影像質素好高, 高像素, 無低通, 畫質利, 夠detail
3. 功能齊備,
4. 51點對焦
5. 快門每秒6-7 frame, 對我黎講好夠用
6. 價錢唔算貴, 連kit鏡都係八K幾, 遠遠低過full frame機
7. 開高iso 1600, 甚至3200既 nr 非常之接受, 但呢個iso 留下其實己經一般暗光, 室內都己經好足夠用, 同埋衣家D 鏡既vr 又鬼咁先進, 有好大既幫助, 令到iso 其實都唔一定下下都好高先清悉, 如果暗到要開6400以上iso先清既, 咁FF先有較大明顯優勢, 但暗成咁既情況對一般人又有幾可遇到
8. 唔算重, 如果用天涯鏡, 如18-200, 去邊都唔會太大負荷

1. ISO和相片質素相信不及full frame機, 不過都係果句, 又有幾可真係需要到高iso去應負日常所需
2. 無buildin wifi算唔算, 不過我又唔太需, 影好後都係經電腦及一及至share網, 或直接收藏
3. 係DX 呢兩隻英文字lor, 感覺FX先係至完美既終極目標, 咁呢樣係心理關口
其實DX quality己經好靚

之前用d80, 隔左好多年至upgrade, 哇, 一轉左後, detail, 畫質真係差得大
原本其中都有諗FF機, 但計一計條數, body+大三元, 條數都幾襟計, 唔用鏡皇, 又盞感覺用唔盡FF機, 到時真係UN住UN住, 或者一濶三大
另外FF機加FX鏡皇又太重, 變左又唔方便下下拎出街 (剩係想話踩單車, 行山咩住一機幾鏡周圍去真係唔得掂.. ), 呢點令我簡返DX既其中一個主要原因
當然, 其實三樣野考慮既, 價錢, 重量, 用唔用得盡部機
因為我只係一個入門初哥, 有D 人話一步到位啦.., 但綜合以上三點, 加上小弟財力.. ae..., 其實DX機一樣可以學習攝影, 得黎呢部睇好多本地, 外地... 既評語基本上都一致向好果方面, 性價比又高, 因此選擇了這部