優點:
1. 有1.3x 剪裁,而相片質素不會改變,帶來很大的方便!雖然像素會下降,但都大約有 ~1500 萬像素,對比以前D90 D300s得1290萬,咁樣睇都唔係太差!
2. 不設低通光學濾鏡,影像係會更細緻,物件的花紋更容易睇到!
3. 顯示器個LCD 3.2 吋,較之前D7100大左;以前日光日白睇相係好辛苦,玻璃面版一體化,反光的確少左!(注意!市面上係冇3.2吋的 mon 貼賣,除非你技術好,唔係就唔好自己剪mon貼,原廠mon貼連機頂mon係值得買!)
4. 51點對焦點,對焦性能提升,不用多講
5. Live view 快左少少啦!唔多講!
6. Iso 控制又好左少少啦!(個人認為iso 5000 可用)
缺點:
1. 部機有拍片mode 同影相mode,但拍片mode live view 係冇得改光圈值,一係就出返去唔係live view,一係去返影相mode ,太煩啦!上一代機都存在e個問題,點解仲未有改善到?!
2. 冇內置wifi , ok…我買你wifi 舊野wu1Aa,點知斷線的機會高達五成 ! ! 大佬,我部電話放係部相機附近都斷線,我完全接受唔到!
3. 立體收音驚喜唔大,都知道唔用收音咪收入d聲好極有限,有少少雜聲我可以接受,但收人聲的時候,人聲真係會變得太響,聽起上黎唔舒服!
4. 我覺得白平衡偏藍,我要自己較去暖色少少
D600都有的問題:
5. 拍攝模式轉盤的鎖定按鈕感覺多餘,個鎖唔多有用,卻帶轉mode 時的麻煩,試想想,原來用兩隻手指就可完成的動作,宜家就要三隻手指協調先可以完成,作為用者的我不太喜歡!
6. 唔明白點解 加/減 按鈕倒轉放,我用左一個星期都未習慣!
評價:
總結黎講D7100係值得買,我覺得部機影相時真係冇乜大問題!個問題係Nikon 設計部相機時,唔夠體貼用家需要,宜家的相機,唔應該再只係focus係影張相靚唔靚,係可唔可以/容唔容易 分享到你的相片,我就覺得Nikon 忽略左e樣野,再有新機出的時候,應該要好似canon 包wifi,wifi傳輸要係更穩定!期待nikon會有更多有創意的功能放係未來新的相機!