Nikon D7100

數唔出咁滿意

唔多覺有,如果一定要有就佢唔係FF機,但FF機又唔會係咁架價錢

部機係一部好機,對焦同追焦都快,我用24-70 F2.8對焦快到對左我都唔知.自動白平衡準確,雜訊控制不錯,1.3X裁剪模式好用,影出來都仲有1500萬像, 而且畫質並不會下降.對焦51點(但對我無乜用,我手動對焦),I鍵好方便,手感絕佳拿住係手行三四個鐘都唔太覺攰,可雙咭岩晒我d大容量RAW+JEPG同時出.我覺得我無買錯,我比十個讚

-整體畫質不錯
-自動白平衡準確, 容易還原現場感, 所拍即所見
-對焦又快又準, 即使配上18-105mm這種對焦速度較慢的鏡頭並設為AF-A及全自動對焦依然有令人讚嘆的對焦速度, 如改為AF-S及單點對焦會更快
-有足夠光源環境下AF-C及3D追蹤速度不錯
-雜訊控制不錯, 尤其是以2400萬像的DX機來說真的不能挑剔什麼
-手感良好, 即使只用右手舉機也沒有滑手感覺, 按鍵位置鋪排很就手也合理
-1.3X裁剪模式, 切換至此模式下仍然有大多數人都夠用的1500萬像, 而且畫質並不會下降
-6 fps連拍
-3.2寸大mon, 畫面非常靚、清晰、顏色鮮艷
-觀景器夠大, 而且是100%視角, OLED資訊顯示為白色觀看更易更快
-1080P的影片畫面質素良好
-立體聲收音
-Function鍵、預覽鍵、AE-L/AF-L鍵均可獨立或搭配指令盤來自行設置不同快捷功能
-加入了以往只有低階機才有的「i」鍵, 令用家不用進入Menu即可快速設定如HDR、D-Lighting、Picture Control等功能
-加入在D5200也找到的色彩素描、微縮模型、保留特定色彩等等的創意拍攝模式, 令這部中階機對初學者更平易近人
-內置閃燈夠高, 配上18-200mm這類長鏡下在24mm(等效36mm)也不會出現黑影
-雙插卡
-有耳機監聽插孔

可圈可點: AF燈很光, 弱光環境下可輕易將遠處靜物對焦, 但拍人像會令被攝者感到刺眼

-預設設定下顏色比以往Nikon機偏淡
-在某些情況下使用6 fps連拍時會出現buffer不足導致連拍中途出現少量隔斷, 即使已用上SanDisk Extreme Pro 95MB/s 的SD卡, 幸好此種情況不太常見
-Menu設定有些微延遲, 縱使已將Frimware更新到1.01版
-由觀景器/Menu/相片播放切換至Live View的速度稍慢, 要大約半秒才出現畫面
-在弱光環境並關閉AF燈下(搭配18-200mm鏡頭)使用觀景器作全自動對焦或Live View對焦成功率都偏低, 但如使用觀景器並設為單點對焦成功率及速度都達到可接受水平
-在Live View的影片模式下不能手動更改光圈設定, 如要更改必須切換到非Live View模式下才可更改, 但卻可隨意更改快門及ISO值, 讓人無奈
-雖加入了立體聲收音, 但不要對音質有過高的期望, 容易收錄到其他雜音之餘最令人苦惱的是會明顯收錄到鏡頭自動對焦的聲音, 真不知要歸咎於鏡頭還是收音系統
-只能在1.3X裁剪模式下使用50/60fps拍片
-沒有內置Wifi, 另購也頗貴
-拍攝模式轉盤設有鎖鍵感覺有點多餘, 反而會令需要快速切換模式或一次過轉到較遠位置時增添麻煩
-快門釋放模式轉盤旁的鎖鍵太細小
-快門按鍵在半按至全按的手感不夠明顯
-搭配重鏡並長時間把持右手中指容易感到酸痛, 如再加上外閃情況更甚

小弟由D5000升級上來, 新機給我的感覺是快而準, 整部機的性能、功能、操控大致都令我很滿意。很多以往高階機才有的功能都下放到D7100上, 而且眾多場景模式及自動調節又不至於令普通用家無從入手, 既以下犯上, 又照顧到初級至進階用家。

2400萬像、沒有低通濾鏡雖然不至於達到令人咋舌的畫質(當然可能大家都被近年流行的FF機拉高了眼角), 但以DX機來說已經做得很好了, 只是很不習慣預設設定下顏色偏淡, 失去了以往Nikon常見的鮮艷感, 拍攝風景時一定要轉到風景模式才接受得到。

如要挑剔的話其實主要是影片拍攝部份, 雖然擁有1080P 30/50/60fps、立體聲收音等先天優勢, 但Live View對焦速度普通且會收錄到鏡頭對焦聲音, 確實令人失望, 如普通使用還可接受, 但如有意製作短片可能要考慮另買外置收音咪或改為手動對焦。

當然, 天下間沒有相機是完美的, 有優點必然附帶缺點, 最重要是用家怎樣取捨。其實以$8000多的價錢能有其他同級機如此令人仰慕的規格, 性價比極高之餘亦可見Nikon此作極具誠意!!

如果其他師兄是像小弟一樣由初階機過渡到中階機, 此機幾乎是現今首選。

1. 手感好好, 之前d60太細, 拎到耐會好累
2. 速度快左好多, 無論係load相定對焦
3. 多左好多function key
4. 像素高, even 用1.3 X 係返電腦睇都唔會差
5. iso control 好

都無咩缺點
係由ccd轉cmos啲色唔係好慣

由d60升級
試玩左一個禮拜
當然, 感覺係超爽囉~
快門聲
手感
速度
51點對焦 (之前得3點, 哈哈)

高質素影像

未適應操作

比我想象對焦快

1. 手感好, 之前都係nikon用家, 可能都有先入為主既感覺
2. 影像質素好高, 高像素, 無低通, 畫質利, 夠detail
3. 功能齊備,
4. 51點對焦
5. 快門每秒6-7 frame, 對我黎講好夠用
6. 價錢唔算貴, 連kit鏡都係八K幾, 遠遠低過full frame機
7. 開高iso 1600, 甚至3200既 nr 非常之接受, 但呢個iso 留下其實己經一般暗光, 室內都己經好足夠用, 同埋衣家D 鏡既vr 又鬼咁先進, 有好大既幫助, 令到iso 其實都唔一定下下都好高先清悉, 如果暗到要開6400以上iso先清既, 咁FF先有較大明顯優勢, 但暗成咁既情況對一般人又有幾可遇到
8. 唔算重, 如果用天涯鏡, 如18-200, 去邊都唔會太大負荷

1. ISO和相片質素相信不及full frame機, 不過都係果句, 又有幾可真係需要到高iso去應負日常所需
2. 無buildin wifi算唔算, 不過我又唔太需, 影好後都係經電腦及一及至share網, 或直接收藏
3. 係DX 呢兩隻英文字lor, 感覺FX先係至完美既終極目標, 咁呢樣係心理關口
其實DX quality己經好靚

之前用d80, 隔左好多年至upgrade, 哇, 一轉左後, detail, 畫質真係差得大
原本其中都有諗FF機, 但計一計條數, body+大三元, 條數都幾襟計, 唔用鏡皇, 又盞感覺用唔盡FF機, 到時真係UN住UN住, 或者一濶三大
另外FF機加FX鏡皇又太重, 變左又唔方便下下拎出街 (剩係想話踩單車, 行山咩住一機幾鏡周圍去真係唔得掂.. ), 呢點令我簡返DX既其中一個主要原因
當然, 其實三樣野考慮既, 價錢, 重量, 用唔用得盡部機
因為我只係一個入門初哥, 有D 人話一步到位啦.., 但綜合以上三點, 加上小弟財力.. ae..., 其實DX機一樣可以學習攝影, 得黎呢部睇好多本地, 外地... 既評語基本上都一致向好果方面, 性價比又高, 因此選擇了這部

全新貨尾四千九蚊，唔要求連拍多張o既話就抵。
對焦、快門爽
手感佳，所有按/扭 鬆緊度都剛剛好。

OVF 放大率非 1x。同 Canon 7D 比感覺又高唔上....
更多缺點，睇意見。

OVF：
下面字大隻左光左易睇左，
但 AF 點 照明紅光好暗及照明時間大短，AF 點室內好難睇。

指定按鍵 (Fn / AE-L / 景深預覽) 係多，但 可選功能未夠全面。
(其實大多數應有功能都可選，但如果可控掣 AF 輔勵燈開/關、機背mon 顯示水平線，甚至可快門釋放 就更好)

配 DX 12-24 鏡，感覺機身乃偏輕。(時下要輕要 VR，冇計... )

拍片：
對於用 G 鏡o既新手來講就功能太弱 (光圈動彈不得，AF差)，Nikon 呢方面輸蝕了！
用於有經驗o既用家，要配 D 鏡或 AI 鏡就會好好玩，M mode 下，快門、ISO、光圈 完全任你控制。