以上師兄所提及得很正面

以上師兄所提及得也很正面

說真,係比 C,N,S,F 廠超起碼2班
如果此乃係M機可換鏡,我諗重勁
真係有錢先好換/玩 Leica 品牌
好機,1600萬及出左7年都係好機

德國制
雖然係變焦鏡但各焦段都有滿意表現
清析度和typ113 差唔多。
夜晚都有唔錯表現
對焦唔會好似x1甘慢…。

缺點係重左d

之前用開x1，論畫質功能各方面都比X1優勝。物有所值

重量適中 （對比單反）
德國血統，鏡頭表現十分理想

配件好......貴
無

一直用開Canon 6D, 但係隨年紀漸長開始覺得一機三鏡嘅重量已經吾可以令我enjoy出外攝影，所以心儀一部能取代 24 - 70 mm 焦距嘅細機。於網上偶然見到Leica用家嘅評價，加上自己未接觸過呢個牌子嘅產品，所以開始對呢部機產生興趣.... 其實之前係睇中左X2，但試機之後發覺定焦吾係我杯茶，更加添我對 X Vario 嘅興趣。其實重有其他model可以選擇，不過德國血統嘅其實吾多。既然第一次接觸當然希望用 Made in German 嘅出品。

有幸從一位ching手上接過此機 (連EVF) 自始部6D就暫時打入冷宮^^. 使用約一個月後評價如下：

焦距 ：28mm - 70mm F3.5 - 6.0 iso 100 - 800
此鏡係成部機嘅靈魂所在。於焦距範圍內影像十分清晰通透。影像在電腦原大觀看可看出主題嘅detail. 雖然係a-psc機， 但影像質素有full flame嘅7﹣8成（我覺得）。景深就好似其他ching所講，感覺比起 C N 等嘅出品更加自然。（吾識講，但比較我用6D所影嘅相就會感受到）。唯此鏡嘅焦距亦有限制，最短對焦距離係30cm, 當焦距超過約100cm之後質素開始loss。用嚟影風景照時效果更為明顯。因先天所限，最大光圈 F3.5 只能在光線充足下發揮表現。70 mm 已降至 F6.4。個人認為iso800已是最大極限。所以此機不適合用於陰天或黃昏後。或可推高iso 至1600或更高影黑白照。所以入手前要清楚此機特性及個人最常用嘅焦距。

配件：
EVF ﹣ 個人認為係重要配件。比起望monitor，不但可調教角度更可以減少用電量。由其出街攝影時可減少眼神接觸。原廠價錢比較刺手，可用panasonic VF2 取代。

皮套或Hand trip - 個人認為兩取其一便可，有ching話此機欠手把下難以操控，因我入手時已有皮套，故不覺得操縱上的難題。當然亦可保護相機。
（二手及副廠手把比較難揾）

後備電：必須。一舊full charge嘅電大約用到400張相（網上資訊）

遮光及filter - 又係個人喜好，因為又係比較貴..... (同呢個牌子連得上嘅物件嘅通病....)

以上係我對此玩具優點與缺點嘅心得。謝。

1)一機旁身,世界通行
2)28,35,50,70mm每段均有出色表現
3)名師設計鏡頭,完美光學表現
4)3.5F散景冇問題！
5)優點太多……

1)雖說係輕便機,但都有一支豉油嘅重量
2)轉盤容易鬆,過一段日子就要扭返緊,本人用過兩部都一樣
3)慢,2016嚟講真係慢

以前擁有過一部X Vario,一年多前畀咗人,然後買入typ113；用咗113半年左右,好後悔,113真係差過X Vario,影唔出萊卡味道。

後來翻查資料,X Vario支鏡係名師設計,光學水準勁過113,X Vario開售定價亦係113嘅兩倍,好明顯leica認為X Vario比113有價值。

於是,五個月前八千蚊買返二手X Vario,然後帶咗三台相機出街試影,三台相機分別係MP240, X Vario, typ113。

以接近相同相機設定嚟測試：240加一支35mm當然強悍,但X Vario居然拍住mp達到八成水準,而113在有比較下真係慘不忍睹…現在已放售113了。

買返X Vario真係正確選擇,出門帶到咁多焦段而又有咁嘅成像,同階級相機之中真係稱冠！

各方便皆好，顏色濃郁。
28，35，50，70mm輕鬆自在慢慢拍攝，不用帶多支鏡頭換來換去!

電池的膠扣易斷！

7500元二手買入，得心應手!

鏡頭解像力非常高，日本鏡冇得比。

冇。

之前用X1 之後換呢陪 一試 對焦進步左好多 好滿意！

德國血統，根正苗紅。LeicaR鏡立體超晒班，雖然APSC ，但與友人的sonyA7R 用ziss24-70恒定4光圏全片幅比較，無論清晰，立體，面色，相差何止一班。
不要擔心光圈細，一定有散影，主體與背景一定會分離，28-70焦距，段段有貨交，任何光圈都有好表現，不似有的所謂名牌大光圏，要收一至兩級至有好表現。

鏡頭size較大，外置電子觀影器感覺一般，只是日本造，而且象素低，來回轉換令眼睛太累。

清晰度不比M機差，當然M9的CCD顏色一定勝一籌，只有用M鏡才有機會勝過此機，Xvario日常用可謂百發百中。未有M機的朋友，用此機可以作為入M門之踏腳石，已有M機的朋友可以作為便攝機，皆因M機並不多人會用，亦不放心交給別人代攝。
叧外，外置手抦是必要的。令握機更穩固，不會觸到控制鍵盤位。
有些朋友說有24mm更好，但要考慮的是： 給你24mm的後果是鏡頭更大更重，價錢更要貴得多，28mm不夠wide嗎？我經常都是m9加一支定焦28或35或50走天涯，現在一部vario已經等同有四支定焦R鏡走天涯了，更加有微距，拍得不理想，自己檢討一下技術吧。
一萬多的價位，超值之選，皆因一支最普通M鏡都等同此價值。

1) 色水實在太靚, 同肉眼所見的已有85-90%相似, 當朋友給我睇一D leica 影的相, 有種D色,好舒服既感覺, C N 係唔會畀到你既感覺 *(我以前一直都有用開D800E,D600, 5D3, 5D2, A7R, XE1, G1X, G1X2, 仲有其他的olympus, panasonic M3/4... ...但它們都有各自老問題例如nikon 偏青黃, canon 奇怪既灰, 明明好近距離影翠綠植物但都可以有層灰, 加上黑位唔夠黑要係電腦調, sony 都有輕微偏黃, fuji 是跟得leica 好似的唯一日系機)
2) 原汁原味的noise, 雖然iso 3200 已經難難地, 但仲保留好多細節, 完全唔會似日系機既人工化.
3) 機身,鏡頭都是made in Germany,
4) 好簡單介面, 好易上手
5) 支鏡好sharp, 銳利度很不錯
6) 我是買銀黑版, 外形很復古, 很靚
7) 支鏡外穀是全金屬制做, 比N記金圈扎實得多, N記成日話自己全鎂合金, 原來係膠, cheap 鬼
8) 日系機永遠畀唔到你既機身質感

1) 光圈細左少少, (只有28mm 是F3.5 轉少少我估未到30mm 已經係F4)
2) 遠攝 F6.4 係細左D
3) 快門按鈕好易花
4) 支鏡比機身重, 少少頭重尾輕既感覺
5) load 相速度按完鍵等兩秒, 呢D可能係leica慢生活
6) 有點遺憾係leica 自leica M 240, X2, X Vario 甚至最近的leica t 已轉向sony 購買Cmos, 有說法X2, X vario, T 都是用NEX 3N 同一片cmos, 雖然沒有自家的CCD, 但質數比對方好, 不過近年購買sony cmos都不單止是leica, nokia 及hasselblad 都已轉向購買sony cmos,

真正出自leica 的相機, 而且主流社會係唔會推薦你買但係一部好用,好靚既相機, 主流文化下大多數人選擇會是C,N,O. 但往往就遺忘左呢D好機, 如果不想花費十萬八萬去玩M 機, 其實呢部係最好既入門機選擇. 好多地方已下架, 如果想買就要快, 你試想想leica T 入場費近30000, 但呢部機水貨只要14000, 黑色版仲平幾百, 一半價錢感受相似的相機.

• 部機雖然吾夠M機靚，但都好靚仔
• 由X1，X2到X vario，制作水準愈來愈好，精品式傑作
• 有人話重，我反而覺得啱啱好，X1，X2太輕欠缺握持的重量感，容易輕微地手震
• 發色好靚，畫面乾淨，好有立體感...
• 高iso可用
• LCD mon 92萬，靚左好多
• 同X2比，吾駛加配件可以直接上filter，方便
• 同X2比，加左HD拍片
• 鏡頭變焦只係輕微伸出少少，讚！

• 配件貴，無計，預左
• AF速度吾算快，但感覺上快過X-E1
• 對焦環太濶，容易扭錯，好彩，離開AF位有明顯阻力易察覺
• 支鏡大左D，如果短DD就perfect
• 70mm光圈值細左D
• Delete相片吾方便，按都手軟
• Menu直線選項無分類，吾夠方便
• 後面圓盤易誤觸
• 冇光學防手震
• 冇景深尺
• 點解冇得淨係揀DNG拍照

• 入手之際啱啱公布左T系統，睇完覺得X vario真係好抵，德國制，spec其實相差吾算太多，鏡頭金屬制，相對於T果支變焦（外間有評論話支鏡好膠下），雖然長D光圈大D，但係日本制，仲要收你萬五蚊...萬五蚊己經夠買X vario水貨....
• X vario重量啱啱好，好多人話佢支鏡太慢，係嘅，遠端得f6.4真係幾吾夠，但...要做個大光圈俾你有幾難，鏡頭大支D，價錢又貴D...呢D吾係Leica想要，要做到最好的成象，要平衝市場嘅需求，我覺得呢支鏡算係咁，吾通學日本仔咁，明知吾靚都要出變焦餅鏡咩，如果咁都妥協嘅就吾係Leica啦...
• 由N記到適馬DP，玩埋富士X100，X-E1，最後...成象靚是我選擇Leica的原因，自用過X1，X2和M8後，好喜歡Leica給人的「真」，好清爽冇乜味精，立體感和背景虚化強得黎自然吾似日系果D剪貼效果，白位黑位有detail吾會死白死黑...眼睇到嘅野能夠真實呈現...黑白相我以前覺得DP都幾靚，用過Leica後要收返呢句說話，Leica影黑白呈現出黎嘅境界比DP強好多，吾駛執...
• 有人話X2好過X vario，呢個睇你點睇：如果話光圈呢個問題，X2有f2.8大光圈所以好D....咁其實，X vario扭去28mm有f3.5同X2嘅35mm f2.8，差少少啫，快門ISO組合吾會爭好遠，當然你室內影相扭至70mm就梗吾夠啦....不過如果你需要的是pocket size機仔，咁X vario不會是你的選擇....
• 高ISO幾靚幾乾淨
• LCD mon大大進步，有92萬象素，睇得清清楚楚...
• 拍片原本冇乜期待，但試過之後覺得都OK，錄影制有人話位置吾好易誤觸，我用落又覺得吾會喎，個制係平嘅，同shutter制吾同，我影左幾百張，未試過誤觸錄影制喎....
• 吾夠光嘅情況下，X vario快門通常設為1/焦距，我覺得最好係1/焦距x1.5或者x2會穩陣D，所以通常set先選快門...畢竟沒有防震....
• 支鏡長左少少，如果短一兩cm就fit哂。現在的尺寸同一般無反加Kit鏡差吾多...無反支Kit鏡都係f3.5-5.6啫，點解從來冇人話佢地慢嘅...
• 手動對焦幾方便，一扭對焦環就會放大中間俾你，設計幾好，不過最衰無峰值對焦，爭DD
• 有人話微距最夠近，呢個問題我又吾覺喎，可能多數用大機，冇諗過1cm近距離拍攝，所以我覺得30cm距離拍攝可以接受吖....
• 最失敗係機背個圓盤，位置常常誤觸...好困擾，吾知加皮套墊厚D會吾會好D...
• 總括黎講，部機真係幾好，可惜市場似乎吾係好接受，水機吾駛萬四蚊，相對新機T，其實真係好抵！變焦對變焦，X vario冇得輸！

後記：有日聚會，帶左X vario同M8 w 18mm，兩部機比較下，M8個色tone好靚好自然；相反X vario我set左DNG＋jpg（艷麗模式），DNG轉jpg d色同M8有d接近，而jpg（艷麗模式）出黎d顏色，色彩就好飽和，顏色好突出...果種色彩，同DNG轉出黎吾同，幾特別，兩種顏色各有各好...不過講到尾，我自己就喜歡M8 d色，覺得襟睇d。

兩機用途吾同：
M8始終可換鏡頭，有大光圈可用，控制嘅野多d
X vario有AF有高ISO，用落又幾方便...
最後：若論黑白相，還是M8贏...

後記2
啱啱公布嘅Leica X，配上Summilux 23mm f1.7 ASPH
相同嘅機身，僅不同的鏡頭...
X定價17XXX，XV定價26XXX（公布時定價）
定價相差接近9000蚊....咁睇XV支鏡真係落足料...
以現在水貨價13XXX黎睇，真係超值超值.....

影像紮實，色彩迷人，非常滿意
自動對焦快速，紅外線輔助對焦夜拍很準確，手動對焦有放大鏡方便對焦

最近30公分拍攝限制，自動測光有偏亮現象

用了約4個月，非常滿意成像的色彩與清晰。