Canon PowerShot G1 X Mark II

實拍照片

輕便 - 相比無反+鏡頭，此鏡更輕便，體積更細更方便。
大光圈 - 以1.5吋Sensor 24mm有F2.0，120mm都仲有F4，無一部無反可以做得到，如此規格放落APSC Sensor，唔計body淨支鏡都大大支。
全單手操控 - 唔使鏡頭蓋、唔使擰鏡頭zoom，全單手操控，DC玩法，大Sensor級數。
拍片質素高 - Canon機一向拍片質素都比較好，呢部亦唔例外。
功能齊備 - 諗唔到有咩DC功能佢係無。

高ISO磨皮去除noise都幾厲害 - 同APSC機比高ISO差左DD，但同4/3機或1吋機就好。
鏡頭質素未算頂級 - 特別全開光圈，若然要求極高者可能會有少少失望。
其他 - 已經諗唔到

好開心擁有呢部機，之前用過G1X，缺點唔少，但呢部機完全無晒D缺點，改善到已難以再批評。

手頭上現仍用緊細機有Olympus 4/3 無反、Sony RX100，大機有APSC 及 Full Frame配多支Canon L鏡頭。 講成像質素，G1XII明顯好過4/3及RX100，但當然差過大機跟靚鏡。 但G1X II帶比我前所未有之方便與質素之平衡，4/3 無反機唔算細部(加埋鏡頭)，仲要無可能平平地有支大光圈靚鏡頭，RX100夠細，質素差DD唔係問題，最衰係色調同白平衡無咁好，Canon JPEG直出暫時真係咁多牌子做得較好一個。

至於用開Canon既人黎講，可以係DPP處理RAW係好方便。 總之，真係好開心Canon出部咁方便既機。

至於有人若然以6千銀到要求大機聞相級數，要L鏡頭效果，而唔係要果個方便同質素平衡，咁真係個人取向。 我由一直L鏡+FF機影相已10年，即使要聞G1XII d相，都覺得好OK下。 如果真係要咁認真影D相用黎放大、做job、或要見到model毛毛，咁點解唔直接用大機影?

冇咩特別

1. 外型老土
2. 仲重過EVIL機
3. 狗頭一個，配幾大塊sensor都冇用

唔係貴定平既問題，5千幾蚊我點唔買M43或者APSC既EVIL?
支鏡好有問題，廣角端變型太嚴重，邊緣畫質散到不堪入目，中央又唔見得銳利，肉到叔叔都不行了。遠端好似蒙左層灰，典型果D千幾二千蚊級數既TELE鏡，完全中伏。唔信你自己100%聞下相。

唔好同我講你唔聞相。唔聞相你做咩花成6千蚊買部DC?唔聞相你用手機影完PO上FACEBOOK仲方便。退一萬步，你唔聞相求其買部3千多少少既，咩功能都齊，係塊SENSOR細，既然你唔聞相，要大SENSOR有咩用？我唔係針對CANON，唔聞相我寧願直接買G16。

花得起呢個錢就係要聞相。咁既質素同價錢太多比佢好既選擇。

由G1X 用左兩年﹐最近UP上 G1X MARK II﹐比較上一代其實無咩大驚喜﹐
但貴錢就貴到飛起。

明顯有改善的地方
- 24mm WIDE
- wifi 電話 remote control 同過相
- 光圈 2.0
- 移除左 無用的光學觀景器
- TOUCH SCREEN
-有影星mode

缺點又一大堆
- CMOS 完全無進步﹐ 影像質素竟然比上一代還要差 5%-10%﹐ 個光寬容度差易爆光。
- 個反mon 兒戲﹐由其是個支架脆弱﹐好似好易斷﹐而電線外露﹐見到都驚爛。
- 個閃燈同樣脆弱而電線外露。
- Resolution 比上代少 100萬像
- 機身重比上代更重﹐手感好差﹐唔知點解亞州版要用個甘差手柄﹐好難平衡。
- 電超快無。顯示到中間個格﹐影多30長左右﹐就去最尾個格﹐玩無耐超快話無電.
- 鏡頭光學質素普通﹐F2.0 光圈 macro 超唔 SHARP,矇到唔用得。遠端最大光圈f 3.9 一樣矇﹐全部要收細光圈。
- remote wifi 功能廢﹐無得用電話 set 光圈﹐快門﹐無得對焦。
- 機身不再是上代一樣金屬機身﹐改晒膠﹐膠機一部。
- 拍video 無任何改善﹐一樣光圈﹐FPS﹐ MANUAL FOCUS 唔SET得。無SLOW MOTION。

唔係講笑﹐真係幾失望﹐價錢甘貴﹐雖然改善了上一代的缺點﹐但同時又一大堆新缺點。考慮過 SONY RX100II , 其實在功能上比 G1X MARK II 好好多﹐無耐24MM 是我最常用焦段。遲D會考慮 SONY RX 100 MARK III。總之呢部野呢個價.....唔值。

功能強勁•新增5 張隨機加上濾鏡效果相片；相片質數比SONY RX10(剛放了)更清晰，味精無咁重。
電力長壽，有1910襟用。
內置 Wi-Fi 及 NFC
•DIGIC 6 影像處理器
•感光度推展至 ISO 12800
•14-bit RAW
.

重左D，不大又不太細，要小巧又不足，加番上果代個視窗、相信會更好賣，寧願佢大部少少喇。
配件貴EVF-DC1電子觀景器 建議零售價 港幣 $2,330

機身十分硬淨，24mm才有2光圈，下代想信會出恆定光圈才有競爭力。
本來sonyRX10都唔差，24-200恆定光圈，可惜太大部。又因為很久無買canon機玩，又見比G1X(28-112)進步左，又係旗艦新dc，買部試下。功能，及控制都方便，dc仔算強啦，3200iso可以放心用。這部機質數我俾中上。

F2.0光圈全開時，景深媲美單反
微距拍攝改善了好多，5cm就可以 (上一代要20cm)
仍保留1.5吋sensor
電池容量大咗好多
機身設計靚仔咗
24mm夠wide, 自拍效果靚過好多其他3/4
雙重鏡頭控制環幾方便

價值較為貴了些
F2.0光圈只係適用於24mm，一zoom好快便減至F2.8
像數比其他對手低 (得1300萬像)
個反Mon好似好易爛
對焦雖然話快咗兩倍，但都未夠快，不過還可接受

終於有一部高階而輕便嘅DC間接可以取代DSLR或無反，因為G1X Mark II有大光圈和變焦嘅好處，已經唔駛帶重型裝置同埋咁多鏡頭，同小朋友出外旅遊影相就更方便。唯一問題主要係影小朋友走動時對焦和快們反應都仲未夠快。整體嚟講，G1X Mark II已經再度證實了科技和輕量化嘅提升。

相片畫質十分好，可用raw
有反芒，可touchscreen
方便share

有㸃重
按鍵安排可更好，如開關鍵很近轉盤，好容易按錯附近playback鍵或wifi鍵

本人已有Canon 5D3及大三圓，想買隨身機好耐。放低左一定要買Canon諗法。主要要求: 畫質高(因返唔到轉頭)，有反芒(方便同老婆自拍)，可manual setting及合理zoom。

比較過不同機種。無反加埋支標準zoom實在體積及重量不少(除左Samsung nx mini，不過試過影相麻麻，同埋暫得9mm定焦)，同埋又預在你買多啲鏡。

Sales有建議Sony RX100ii(或等iii)，係輕啲，不過試過sensor1吋同1.5吋係有分別。

最後都係買左Canon G1XM2，現於日本實戰使用中，真係幾好用，相片質數高，可用raw調教，可反芒自拍。其實諗真啲，佢大部啲有佢道理，好楂啲，平穩啲。

不過都係建議睇下自己要求乜，再試下唔同機，睇吓係咪啱。