外型靚，手握感幾好
按鍵位置合理，操控超順手
反Mon & 自拍模式，方便自拍
WIFI連接方便快捷
Art Filter好好用
對焦快夾準，81點夠精細，Touch Screen反應快
三軸防震：就算單位數字嘅快門 成功率都好高
白平衡吾錯，可Jpeg直出，慳返哂D 執相時間
價錢而家黍講算超值

無內置閃燈!!無內置閃燈!!無內置閃燈!!
(好重要，所以寫三次)

已用了超過一年，長插panasonic 12-32 3.5-5.6 再加olympus LC-37自動蓋，日日帶住係身用得好開心，左手一扭鏡頭蓋，右手一按攪掂。我用光圈先決，Fn制set 了曝光補償，按一下，轉前輪攪掂，快夾爽。如用原廠餅ZOOM，可單手操作。點解我吾用原廠鏡頭? 原因係質數同焦距，24 vs 28 不論自拍或係工作紀錄上都正好多，但12-32用了自動蓋後全開光圈會有小暗角，收一收光圈會吾多覺。

M43鏡頭已係無反之中最齊，而且二手好多，方便身痕時出手:)

作為一部隨身機，我吾介意佢無EVF，但我超介意佢無內閃，無得補下光，你去沙灘影相時就知幾大獲。雖然佢有送外置閃燈但始終都好吾方便。
除左呢樣，部機其實好好，相片有質數，操作夠直覺，重量可接受。對我黍講，最好嘅相機係你日日都願意帶住佢，咁先可以想影就影。如你搵緊有有質數嘅隨身機可以考慮下呢部機，我誠意向您推介!!

影相幾好

視頻差

Epl-7配套裝餅鏡影相已非常OK，事實上我認為好過部Nikon D7000好多，起碼影人唔會影成腊像咁。部D7000又重又大部又唔掂，都可以揼得。
不過Epl-7拍視頻就認真麻麻，話就話1080P，實際效果都唔知有冇720P？

LX-100 1.7-2.8/24-72，光圈夠哂，但得72mm Zoom唔多夠，如果有100mm度，咁就perfect。
不過拍4K視頻真係好掂，非常清晰，贏足Epl-7三條街。
影相方面，LX-100今時今日，得嗰1200萬像素，蝕哂張，只能夠話，對大多數場合嚟，靚過哂所有手機。
LX-100配嗰個閃燈，雖然大過指甲小小，不過用大光圈，都唔輸蝕得過D7000個機頂燈.。

而兩型易相機話可以Wifi，但實用起嚟都係轉轉折折，又成日斷線，冇佢地吹得咁好用。

外型靓
相片質數好
WIFI連接方便
COMS自家出品
ISO有進步
180度向下反MON
14個場境FILTER

閃光燈要外置

上星期行過兇宅,原本想買D5500或FUJIFILM X-A2,但係D5500太大部去旅行唔方便,再試X-A2,發現佢既色彩唔同左?........有人話佢個COMS唔係自家出品......我都覺得有可能!
之後我見到依陪EPL-7外型幾靓就試下,對焦速度快,白平衡準確,再試ISO雜訊,佢比之前控制得好,因為我之前都有EP-3同OMD EM-5,就講EM-5 佢既ISO 1600我都接受唔到,但係依部EPL-7 ISO 6400我都接受到,可能用左唔同CPU!仲有佢有3軸放手震,影夜景真係去快門5(唔係5秒)都唔會手震,自動ISO(AUTO ISO)可以信賴,LOW(100)-25600都可自動!美人圖像,女朋友鐘意,但不及自拍神器........自拍神器可以影到外星人(眼大面尖)佢唔可以!一實OLYMPUS色!WIFI連接真係好方便,連過第一次之後,只要你開手機WIFI入APP就得,最重要係可以SET快門ISO,拍片,遙控影相都得!我覺得相機有WIFI有遙控快門有反MON先係依家要有既野!14個FILTER我就幾鍾意復古果個!響兇宅買仲送17 2.8鏡一支,不過只限黑色機!

輕便得黎過到影相癮，作為第二部輕便機一流！

靚鏡太貴

靚仔
方便
防震
iso高
對焦快

1. 180°自拍屏幕
2. 內置WiFi傳輸
3. 三軸防震
4. 配在女生身上極合襯
5. filter越嚟越多

1. 未有五軸防震
2. 自拍的效果一定不及自拍神器誇張，但若用家是以攝影為主，多於自拍，這機是很好的選擇

機身造工係會令你覺得好鐘意嘅一點，蒙皮個種質感係比其他相類似價格相機好，金屬感亦都唔錯，外表係好加分嘅，用係靚女身上更加係文青上身+氣質值加分
加入內置WiFi，可以將手機拎係背面，連WiFi當遙控自拍，影出嚟個效果都好自然。

1. 反mon加內置WiFi，滿足用家自拍的需求
2. Filter夠多
3. 81點自動對焦
4. 外表復古設計，極得女性用家歡心

1. PEN都係未加到五軸防震

希望找一部不論旅行、記錄日常生活都可以輕鬆自如的相機，它的復古外型，質感比其他牌子同價的相機明顯有分別，線條設計更利落好握，而且那蒙皮的位置並不是一般膠膠又像「紙皮」的感覺。體積是小巧的，配上一般的M43鏡頭，重量還不到600克，所以是滿足了我對重量控制上的要求。雙滾輪的操作是方便貼心的，暫時仍是很喜歡。

1) Fortress 買4200 蚊, 送既野多過買既野
2) 相對上多鏡頭選擇既一個品牌
3) 多FILTER 玩, 又有WIFI SHARE 相
4) 向下反MON, 自拍神器
5) TOUCH MON 一 TOUCH 即對焦加影埋相, 方便到不得之了

SORRY 我真係諗唔到T_T

本人為單反用家, 本身自己用緊CANON 5D3, 玩影相都有10年。買呢部機係比屋企老人家去旅行用, 又平又方便, 最緊要係好易用。平時自己出街又可以用, 細細部方便攜帶。

老實講論色水, 成像佢唔係同級最好 (個人覺得FUJIFLIM 靚D)。但係作為呢D 機仔, 更重要既係玩味。而呢部機正正比到你一種D 野多到玩唔晒既感覺, 而的確係。何況佢既相片質素真係唔差, 要彈只可以話無手感 (但老實講, 同專業單反比無得比, 一支鏡既價錢都買到幾部EPL-7 啦)

所以極力推薦啊!

- 很討好的外表，菲林機造型而且握感不錯
- 反mon的時候會自動轉自拍模式，幾貼心的設定
- 自己覺得多重倒數自拍呢part好好用，因為佢可以自設倒數時間，連拍個陣可以set時間間距，仲可以每影一張自動再對多一次焦，呢個係好用既
- 81點自動對焦同埋有WiFi

- 用M Mode個陣個介面始終唔係類單反式操作，用麻煩少少囉

買的時候確實是被外表沖昏腦袋，不過好彩買咗返嚟都真係冇後悔，因為真係幾好用既，影慣相既會覺得入面有既選擇好多元化，可以影到好多效果，我覺得呢部機仲有好多值得我探索既空間，仲有好多效果同場景想試呀~~~

1. 外表設計相當高分
2. 中階機的功能下放相當多
3. 自拍功能不俗，向下的反Mon設計相當有趣
4. 內置的軟件性功能幾好玩，即filter, photo story等

1. 只有三軸防震
2. 有埋Wi-Fi更食電

E-PL7嘅進化其實幾出色，一來無論外表設計相當高分，二來定係內置功能上，睇到中階機的功能下放相當多。
機身設計明顯比上一代的更復古，質感上有一定的進步，同時變得更易握。內置部分，終於有Wi-Fi，同O-MD一樣，個人認為Wi-Fi及81點對焦是很好的配備。

- 外型設計較以往更復古，線條較佳
- 手把設計不錯
- 向下180度反Mon
- 內置Wi-Fi

- 反mon之後直拍比較就手
- 沒有內置觀景器

呢部機出咗之後都聽好多人講過下，好似都幾多人買，加上去行街睇機個陣，見過實物都覺得幾靚，造工幾硬淨，蒙皮位質感幾高檔，金屬感唔錯，趁住新年有買定焦鏡優惠，所以就快快手買咗，用落都幾快上手，顏色係偏自然，filter比較多，都幾好用，filter都係常用的，復古設計好多朋友都話好睇.