Nikon D500

值幾多粒星?
第一粒星:對焦能力,因無D5,只能比較用過的機身,順序由強開始 : D500、D750、D800E、D700、D5500、D7100、D5200、D5000。初用D800E 能在昏暗(試過在昏暗、只有外來光教堂用16/2.8拍攝ISO6400)環境對焦，已經驚喜萬分，到D750又進步一級，到了D500全區域達-3EV，中央點為-4EV對焦，在暗黑(只有些小外來光環境, 幾乎看不到被攝物, 有來來回回情況)中也能拍出照片。
第二粒星:ISO視每個人接受情度不同,個人來可接範圍 : D500/ISO12800甚至25600-51200、D750/ISO12800、D800E/lSO6400、D700/ISO3200、D5500/ISO3200......我部D500的最高ISO設定在51200 (與相機磨合中)！D500 及 D750在ISO6400 拍出的照片細緻情度幾乎平手, D500細微處甚至比750稍稍清晰, 拜無低通濾鏡所賜, ISO6400後就是D750勝出, 至於D8XX沒有時間去測試。
第三粒星:有翻揭式Touch Screen對焦拍攝功能, 比 D5500的反mon 爽快, 卻未及Nikon1 V3那種速度, 不過話晒係APS-C機就另一回事。這功能對微距拍攝有很大幫助,正! 翻揭式Touch Screen操控,十分方便,看相、功能選項可以用手指幫助操控,正!翻揭式 screen 又可高拍低抄!
一粒星:專業機身，操控比D800E全幅機高一級, D500機背按掣有專業級LED熒光, 卻如D750般機身手柄位深容易捉緊,手指不容易疲累，直倒揸手位也深，容易捉緊！
又一粒星:單反連拍速度有10fps,可以連拍200張,正!高速快門靜,正! 不過這功能要用最高速的XQD咭, 否則用上高速SD咭也祗能拍3X 多張RAW! 現在XQD咭128GB, 香港已經跌到$17XX, 回落到可接受價格:(
無星:出來的相有進步，微微微偏紅，可不用PS也可以收貨
一粒星:4K錄影功能和錄影時支援電子防震
無星:有新APPS可以用手機操控、看相
無星:天生打雀機皇,長鏡焦距乘1.5 WO,正!
埋度比粒半星：一部專業級的body，對鏡頭的要求不會太高，就可以拍出高質相片。就原廠28-300這支天涯鏡來說，在D800E上對焦速度可以接受，相片成像細緻(ISO6400)。到了28-300用在D750上，對焦是快速，成像沒有D800E細緻(高像素優勢，沒有話可說)，卻可提高ISO到12800是接受範圍，成像依然銳利。若28-300用在D500，對焦速度快是無話可說的，DX的body只取全幅鏡頭的中心鋭利部分，把邊位裁切了，又發揮了DX長處，焦距成為450mm，唯一是光圈有點小。焦長乘1.5也是缺點，28mm卻成為42mm：( 最開心係支micro70-180，平時手動對焦，宜家用LV 加 touch screen對焦(D5都冇)快又準，正！至於ISO開幾高，各位Ching自己去試！
無星：貴, 最貴的手柄，好多人說直倒是不需要的輔件。我呢？手大就沒有辦法不用。用過的手柄有跟著的幾部body - D700、D800E丶D7100丶D750丶D500全是原廠，唯一副廠是給D5000手柄。MB-D17 (可入8粒AA電)比MB-D16 (可入6粒AA電)還長一點，手指位夠深同 D750手柄同樣很容易捉緊。MB-D17也同樣有專業級副選擇器按鈕，手柄上緊在D500後，驟眼下是D5的縮水版，實際也是D5的DX版，MB-D17唯一是欠缺D5的data displays 而已！

貴,貴過我部D750,同D810平起平坐,不過有齊D5所有對焦特質，加上LV 加 touch screen尼招，已經無野講。
無機頂閃,對我仲好,閃有幾可用,自已有飛燈,無所謂!
重,成部D750重量!不過正常呀!
記憶卡好貴,貴到想講操口!想下咋!
直到3K8, 未計! 攪Q錯!Q唔代表咩野下!

我的器材中欠缺一部高速連拍機種,高像素有D800E丶方便有D750丶輕巧有D5500丶便攜有V3,而高速連拍唯有向D5進發,又巧遇D500而被剎停,所以幫我暫時省左30K。我喜歡部D5500操控,所以D500一出,已訂,取機時,按下快門第一下,好爽!手感,同第一次用全幅D700個下快感一樣,不過今次係回轉用APS-C機!傻左!
以為D5500係最後一部APS-C機,支AF10.5魚預左要手動,幾支全幅AF鏡也只能變手動鏡,尤其支micro200/4 同 micro70-180會無左微距自動焦能力,宜家部D500令尼幾支鏡更強,正! micro70-180 及 200/4係D800E對焦過程中有猶豫表現,D750有些少,D500幾乎無!
試支Bigma150-600sport先正,600mm變900mm,對焦速度又快左,加個TC1401成1275mm最正!今日試左11光圈,1/2000S,200m外招牌小字都好清楚。同一setting 係D5500有DD化開左,無言!不過一分$一貨!
見Bigma出左支50-100/1.8,好評如潮!加埋支18-35/1.8兵器庫就充滿力量啦!

顛覆DX印象　Nikon D500 強悍
http://specialsite.coolpix.com.tw/d5/post_10.php

若五粒星為滿分,大家計下有幾粒星比部D500!

1)對焦快、狠、準、爽（這點不用多講罷）
2)影像銳利，細節豐富。
3)noise控制優異，iso1600可作一般使用，直到12800也可接受，可以放心使用auto-iso。
4)touch mon反應不錯，2百幾萬，可放大200%看，適合聞相。
5)旗艦機身，手感一流，只是7百幾克，不會好像D810那麼重，但又不會像D750那麼塑膠。

1)snapbridge超唔好用！
2)缺乏dx鏡頭支援！
3)貴！

我本身用開nikon既FF機，包括有d700，d750，d800，但由於以打雀為主，所以才考慮DX機。

一直以來，都唔考慮d500，一方面因為貴！今時今日要用萬幾元買部DX機，仲貴過FF既d750，真係接受唔到！另一方面擔心畫質！始終用開FF機，對畫質有一定要求，之前也用過canon 7d2，畫質同FF真係差不少！所以，曾經試過用雙機，一部FF，一部DX，但影相始終一部比較方便！

直到入手了d500後，令到我對DX機徹底改觀！意想不到地，D500畫質不太輸給FF機，高ISO更令人眼前一亮，打雀可以放心使用auto-iso，就算12800也可接受，但細節仍保持不錯，難以想像今時今日DX機的畫質可以如此優異！

除了畫質稍輸ＦＦ機，d500所有功能都是最頂級的，尤其是對焦系統，明顯比canon 7d2更高一個層次！雖然今時今日仍要賣萬三元，但我覺得是物超所值的！

最大的問題是：nikon在dx鏡頭的支援實在很少！相反，FF機越來越平，鏡頭系統也很完善！以致令人對d500感到卻步！

跟之前用家感想一樣，快狠準，移動目標中焦率達九成以上，白平衡顏色比之前更準，人像膚色比起舊型號來得自然。

APS-C機價錢竟貴過full frame機，買了後會懷疑自己做錯決定為何用萬多元選擇APS-C機。

先説新果幾支APSC 鏡頭，有AF-P新motor，放到d500令到快門一按即中焦，而且超級輕，鏡身小，18-55 & 70-300果兩支加埋吾洗兩千蚊，好sharp，zoom 到盡都交到滿意質素，人家説APSC機鏡頭選擇少，但我反而覺得相反，因為兼容埋full frame鏡頭，最緊要乘番1.5 ，連300mm定焦變450mm，價錢也只用300mm就能享受450mm，你話係咪抵番好多。
機身重量可以接受，因為用上AF-P鏡頭不會太重(200克至400克左右），出外旅遊帶兩支鏡都不會累。而且內置motor很強，舊鏡對焦也加快了，Nikon 標榜了旗艦級就明白內裡用料比入門至中階有著不同。
總括來說，買機也和影相一樣，只要你知道自己想要什麼效果，你就會知道自己要什麼裝備，不用追求機皇鏡皇等，因鏡皇級數的都很重很大，機動性就會降低。我前度是d810，高解析度都係一個障礙，相片會易濛或手震，安全快門要提高，所以我賣左d810換入d500，當然影靜態相片d810有頂級畫質保證，但我想取得平衡，即動靜皆宜適合我多一點。若要淺景深影人像或特出主體效果，我推薦你用28 1.8G + 85 1.8G，這兩支已足夠分離主體及背景，最緊要都係果句，輕身提高機動性。根據自己攝影主題，我只會帶兩支鏡，旅遊或街拍帶兩支zoom鏡，創作或人像帶兩支定焦。從前d810也沒有現在影得多相，反而d500影得更多，輕便真的很重要，因為太重會影響我攝影意欲。ISO我覺得16000都可用，這就是新晶片帶來的功效吧。我亦發現了一個小技巧，就是在live video mode拍照，因為video mode會啟動防手震功能，使沒有VR的定焦鏡頭也擁有防手震效果，但是有好就有壞，就是像素減少了，而光圈快門要在live photo mode預先設定後再switch去video mode去拍照，係煩D，但防震優點大於壞處，所以用85mm定焦和暗環境下，我有時會用這個技巧。在這裡，少少分享希望幫到準買家！

最可靠的快速遠攝相機

二手價高企

要做到高速遠攝， 例如：打雀， 小朋友畢業典禮， 舞臺表演，生態攝影等等， 必然要具備以下條件

1） 可供選擇鏡頭種類
如果你長期用85mm以下鏡頭影相, 坊間大把相機牌子可以選擇 ， 如果要用到85mm以上，N記係強項，300mm以下zoom 鏡有平有貴， 大把選擇。要遠啲又要優質又想平嘅就有舊版384, 要輕便又要優質，唔介意貴啲， 有新版384。要zoom得遠 又唔可以太重又唔想貴, 有200~500mm. 要專業鏡頭, 畀得起錢, 亦有好多選擇。 而家好多相機聲稱自己有高速連拍，係專業運動機，但根本冇鏡頭選擇， 廢嘅 !

2) APSC 格式
影遠嘢，鏡頭永遠都唔會夠長，影完多數都要crop, DX 有1.5倍放大優勢. 若full frame影完要crop返1.5x ，像素上犧牲會好大, 若果要買長1.5倍嘅鏡頭，成本又會好重. 但若果sensor太細，PQ又唔惦， D500 嘅DX format 有一個唔錯嘅平衡.

3) 連拍及buffer
連拍速度快都要相機有足夠buffer至得, D500 連拍10 fps, 唔算最top，但耐力持久, 影 jpeg, 尤如機關槍無限連射， 用咗XQD card 影RAW 連拍絕對冇問題，buffering 速度快， 影爆buffer嘅saving時間短. 坊間有好多連拍速度快嘅相機， 影幾秒就癱瘓成分鐘嚟saving，用落就知大鑊， 除非你願意犧牲 picture quality影細size jpeg，但好多時遠攝要後製， 最基本要crop相…… 點可以唔影RAW

4) 高ISO
長鏡頭光圈唔大, 若果快門要求又要高，高ISO係必須，D500 絕對係強.

5) 反應快, 操作暢順
用D500 長期唔洗熄機, 唔會食電， 一拎起就影.
仲有，好多時買相機之前只會留意相機嘅configuration, 但用落之後最唔滿意嘅通常唔係config, 而係啲製嘅位置，因為會好影响轉setting嘅速度，D500有專業機身 button layout， 操控非常暢順， 唔會錯過突發moment， 尤其是影小朋友.

6) 機身夠硬淨
拎出戶外，唔怕太陽曬到overheat，又唔怕被雨淋入水

7) 電量高
又拍片，又影相, 帶兩舊電全日都只係用到一舊

8) 4K 錄影功能
錄影功能可以講係N記機當中現時最好，4K 錄影時間長過 D5, 不過要留意crop factor 1.5x, 即係crop 上crop, 若果4K遠距離錄影就very good , 近距離就唔夠wide. 仲有，1080 有60fps，又可以touch screen focus, 高ISO又惦， 儲存又快， 電量又夠， 又可以面部辨認，配18-55mm AFP VR 就fit 哂。
但可惜錄影時自動對焦會有focus hunting， 若果要拍對焦完美嘅影片， 就要選擇手動對焦

D500 具備以上條件, 係高速遠攝不二之選。

希望以上意見可以幫到大家

優點
功能強勁
D5一樣的處理器
反應快
對焦爽
揭背式和可觸控螢幕
電池耐用
解像出色
wifi功能

缺點
價格貴了點！
冇機頂燈！
DX鏡頭選擇太少！

由第一部菲林相機nikon FM2開始，到現在的D500，一直都係nikon的fans。踏入數碼相機年代，也曾轉用過不少品牌的數碼相機，如F記、C記、K記等等……最終由D3s開始從投Nikon懷抱，當然還保留著一部份C記的器材。D500，係我第二部DX格式的相機，我第一部DX相機係D7000，但之前沒有用來工作用，只係旅行用多，因這次係想要一部能用在工作上的相機，所以在買之前也曾多番考慮！因我一直都係用開全片幅的相機，鏡頭上也得再花錢去配合。所以除了考慮相機出來的照片質素外，同時還要考慮鏡頭能否有適合的配撘和最重要能否在預算之內！最終我選擇了D500和三支S記的鏡頭10-20, 18-35, 50-100用了十個月左右，我對D500十分之滿意，反應快！好輕巧！功能出色！電池耐用！wifi功能很好用又快！解像度滿足到我的需求！ D500已成為我工作的第一選擇，除非要求好大的檔案！D500是一部十分可靠的相機，絕對值得推薦！我的D610, D750, D810全部放係防潮櫃內！

高ISO
55可選對焦點
-4EV自動對焦
100% view finder

沒機頂閃(是使我放棄購買的原因)

選擇用Nikon機全因有機身馬達和機頂閃，而機頂閃除了可作補光之用，還可以作為引閃無線操控外置閃燈，省郤了不少費用也增加了便利。用得APSC的用家大多是希望高便攜性，可惜現在的D500自斷一臂，期望會有頂閃的D500s出現