同dpq系列不同,sdq在ISO800左右依然非常可用,上到去就睇下你接唔接受到。畫質,無dpq沙粒感重,我唔可以話係接近菲林發色,但發色係我用過的機最啱我心意。人像略偏黃(標準),但呢種黃又唔係黃疸,係黃得黎好自然,要白裏透紅,我相信呢部機唔係你選擇。至於其他色彩,亦都無dpq咁味精,對紅綠色非常出眾,藍色偏暗。測光上亦略為暗1/3-2/3,但暗部細節可以以誇張黎形容,高光就有少少力不從心。
搭配Art鏡不是必需,但至少解像力足夠,食唔盡個sensor就寧願用翻其他機。
對焦就…手動我相信比較好。
4k錄影?唔好意思,連1080都無,連低清都無,呢部機係俾你影相
SDQ的另類,係令人又愛又恨,同市場所有相機對於大眾市民的設計逆向。我相信無一部無反會有佢咁重,我亦都相信無一部手機好似佢對焦咁慢,但我亦都相信無一部機在呢個價錢做到佢的畫質。當然比高iso一定唔得,但低ISO之下想同呢部機比,即使係現今FF機亦難以相比。
利申:已經改Canon mount,唔怕缺鏡頭