Fujifilm X-H1

評測報告

實拍照片

DCFever一有預購，我就比左訂，第一日攞機～
算起來呢部已經係我第四部富士相機，從X-E1、X-T1、X-T2到X-H1。
好，言歸正傳，我想分開兩部分講，呢部機買唔買得過？

（一）從富士用家的角度
現X-T2用家：最多人會問呢部機同X-T2差幾遠？總括而言，如果你唔係用黎開工或拍片，可以唔駛升級，或者我唔應該用升級呢個字，因為兩部機既取向其實唔同。對我而言，呢部機係為拍片或做Job影相既人而設。經過實測，XH1與XT2比較，(a) 在RAW中，XH1並無任何畫質上的改進，包括High ISO Performace和Sharpness；(b) 對焦上的改善也不明顯，XH1既暗位對焦並不像所說的有所改善。我做了個簡單實測，比較XH1與XT2在配上35mm、56mm及16-55mm鏡頭下，在光位和暗位中，各向同樣的東西來回對焦20秒，算一下每部相機分別能合焦的次數。結果兩者對焦速度基本上一樣（對呢個結果我都有一點失望）。所以，我覺得XH1並不是XT2的升級版。

但我覺得XH1係富士第一部真正意義上既開工機！因為Grip位深好多、所有按紐更加firm同易操作、配閃燈或重鏡balance比XT2好太多，整體操控感比XT2更優勝！另外，有樣野更值得一提，就係快門聲音，係我用過所有相機中最安靜既快門，真係靜得好誇張，唔係講笑！ IBIS都係一個大賣點，所有定焦變IS鏡，外國網有人用1秒手持都Sharp，係有點誇張（我唔得），但1/2秒的確無問題，我覺得靜係呢樣野已經值得入手。所以，作為XT2用家，如果你會用黎開工或對拍片有更多需求，XH1可以取代XT2。如果只是業餘用家，換機就不如買多支鏡啦！

其他富士用家：XH1在Spec方面同XT2平起平坐，仲有更多優點，但缺點就係堅大部左（雖然都唔算太重），所以可以自己諗諗有無需求。

（二）從其他品牌用家的角度
我曾經係Pentax、Nikon FF及Canon FF既用家，我覺得相機其實最緊要係自己鍾意，一攞上手勝過千言萬語，令自己想影相。用左咁耐富士，真心覺得佢既相機不論在質素、鏡頭、技術、性價比等方面已經相當有競爭力，而且公司發展潛力高（富士在即影即有市場賺好多錢，賺錢係研發新技術既首要條件，受惠當然都係X系列相機）。

畫質：唔敢話可以完全同FF機抗衡，但已經相差唔遠（除左像素戰外）。成日聽d人話一部APSC點可以賣咁貴？可以自己去 https://www.dpreview.com/reviews/image-comparison/fullscreen 比較下畫質，究竟XT2同頂級FF機在High ISO上差幾遠？當然比較RAW啦！

鏡頭：唔駛多講，富士鏡無垃圾，支支wide open都可以保持Sharpness，起碼Sharp過d紅圈鏡，加上價錢相比Sony鏡真係抵玩！

APS-C VS FF：隨著技術越來越強，APSC同FF既分別慢慢收窄，甚至新APSC機有超過舊FF機既傾向。對好多人黎講，富士最大既問題係無FF選擇，就算畫質同FF機一樣好，配上F1.2/1.4鏡頭後，天然問題使景深永遠約差1級，對於一d非常執著要淺景深既朋友，富士某程度上還是未能滿足。所以，如果你唔係特別執著多一級淺景深，富士確實值得考慮。（個人認為56mm/90mm Bokeh已經好靚同好夠用）

都係個句，買相機唔迫得，自己鍾意先好買。如果見到富士機令你有影相既衝動，就試下吧。XH1係富士最強既一部相機，如果你用開high end 既FF機，想轉用無反開工，除左Sony a9或a7r3，唔介意小一級景深既話，XH1唔會令你失望～而如果細小既無反先係你杯茶，千祈唔好買XH1啦，因為XH1上手感覺真係真係大部！

最後，比四星係因為本身對佢既對焦有小小期望(0.5 EV 到 -1.0 EV)，但實際測試只係同XT2齊平！

高iso可用
Xtran3中 輸出最優異的一副Body
ibis 有料到 fuji apsc中只此一家
ibis 不只解放旗下所有定焦。更加加持了所有舊鏡
p.s.富士肉體加上nikkor non ai 、ai、ais一眾菲林年代手動鏡。比起富士任何一支XF鏡出到來都更有菲林味道
按鈕、轉盤位置專業， 經自行調配之後比專頁單反更加快捷
超輕快門， 可減低近快門時的震動

對焦相比旗艦單反還是差少少
必需加裝電池手柄才是完全體，這是最大的敗筆， 相信很多 改投T3懷抱的亦是因為這個原因

此機對一般攝影工作已經勝任有餘
如: 人像攝影、新聞攝影、 風景或野外攝影， 均能應付
機身防震非常有用， 對於小弟這種本來雙手已經比較穩定的人來說， 拍片已經完全不需要外加避震器

小弟本來想給你部相機四星半， 可惜沒有這個選項

而此機欠缺那半顆星的原因是， 在稍為沒有那麼光的環境底下， 對焦會失準， 在夠光的情況下就沒有這個問題

很多人會將這部H1和T3作比較， 純以攝影作比較 h1贏的是有機身防震和專業的外觀設計， 例如機頂顯示器， 有機身防身沒有機身防震最大的分別是 , 當使用沒有防身的鏡頭時，可以用較低的iso , 即時可以得到雜訊比較少的相片， 這一點對畫面有要求的用家或是商業用家來說很緊要

因為小弟比較好奇， 所以h1和t3都入手了
但如果兩部只能選一部的話，我會選擇H1
H1只是輸少少對焦速度 , 但其他功能和操控都比T3全面

1) 5級防震，我最多1/2秒手持影到，1/5秒影10張10張都OK 我用55mm影 (16-55 2.8)
2) 肩屏實用，資訊清晰
3) Touch Screen - Touch AF可用，用EVF 可Touch Screen選對焦點，亦設有Joystick可用
4) 一貫富士作風 - 自動白平衡同顏色優秀
5) 自定義按鈕完善(终於) - 前後輪已可設定光圈、ISO、曝光補償、快門；富士經常比人話對焦慢，一大半係佢電子性能真的比人差，另外就係佢嘅操作模式令佢更慢。XT2已有改善，X H1更好!!
6) EVF好清晰，但一定要用效能提升
7) 快門很輕 - 間接令防震更有效，習慣了後感覺良好

1) 握位大左吾等如舒適左 - 主要係握位不夠長，再長多5-10mm較好，雖然我尾指放到，但太迫，手持耐D時感覺比XT 2加手抦差
2) 重 - 機身太厚，減3-5mm較好，重量減至600g以下會好D
3) 屏幕不能自拍，我寧願用X T100隻反Mon，而家呢類Mon只適合專業攝影師用，你估專業攝影師多定業餘用相機的人多？Canon明白這點，所以佢Market Share最多!!
4) 電量如倒水一樣 - 你吾用效能提升會好D，但都吾係好好多。如你吾用效能提升，你会見到個Mon 好lag，但不影響拍攝，這是富士獨有的慳電模式，真攞命!! 用效能提升對焦會快D，E V F會順D，不用加电池手把已可用，好多人覺得無分别，但我试過係有的...(富士對焦吾係快，快多D D就D D，唯有買多幾舊電)我真不明白點解吾做新電？部機咁大部大把位啦！! Sony A9 同 Olympus Em1 Mark II 都換了新電加大了電量!!

以前有用過XT1、XT2 接近一半以上嘅富士鏡頭有用過 最愛56 1.2同 16-55 2.8 因等錢用全賣了，16 - 55最大嘅問題係無防震同埋重；X H1可解放支鏡，但兩樣加埋嘅重量已等同全幅無反機加24-70 F4 或 24-105 F4 以前得SONY 而家有Canon Nikon 仲有將來的Panasonic 而且連比佢輕嘅X T3都出埋，除了機身防震，其他功能都比X H1好；
所以近期有大量XH 1 放售，我就係咁買左部2手返唻...點解我要買? 因為我窮...而且我愛機身防震(富士吸光比其他牌子强，機鏡都無防震，暗些少影死物都會喪用高ISO)、富士色彩同自動白平衡。另外，APSC之中無論鏡頭同影像質素富士都係No.1 唯一機身對手係Nikon D500 所以D人咁鍾意將佢同全幅比較(但鏡頭重量富士都係No. 1)。如X T3有機身防震，我绝對會選X T3!! 加埋手抦都輕過XH1 重點係手感可能比佢好!!
另外我都有摸過以上嘅全幅無反機，Sony A7 III 同 Nikon Z7 手感很差，比X H1更差；Canon R 手感一流，連隻手比我大嘅朋友都话正(富士請參考下)，可惜影人面色偏紅，操作太依賴屏幕吾係我柸茶。況且要買全幅不如買返富士中幅，現在機價已見曙光，鏡頭價同全幅一樣過萬一支，等佢3至5年，價位回落就係入手之時，定焦用中幅，變焦用APSC，都咪話吾爽!!
現時操作上我覺得X H1比較適合我，雖然佢生不逢時，一出同XT2相差吾遠，又比XT3趕上...總括唻講，佢共實係一部好機，希望富士放多D firmware upgrade比部XH1，吾好比佢剩係做到8個月嘅旗艦機啦!!

唔好講spec，淨係講相的質素，比起xt2同x pro2都仔細一點, 層次更多。
fujifilm color 係模擬菲林的自然又不太真實的色彩。
直出Jpg太美好。
Body raw conversion 可揀菲林模擬。
In body stabilizer 好穩定。

有，但已不重要。

十幾年來我一向使用RAW. 因為fuji XH1 jpg. 九成直出收貨。
直出jpg而言，XH1 穩定性及細緻勝出 XT2 。
已sell 全套full frame nikon,sony, 轉會fuji apsc. 又試下玩。如apsc比FF少了1bit dynamic range 都不介意，因顏色層次的過度很好。

快門的音量也是所有相機中數一數二的小， X-H1的快門頂板內部做了用來吸收震動的懸架，配備了全新的輕觸式快門按鈕有兩個功能，一是減少快門葉片所產生的震動，另是降低音量，對於裝上老鏡頭拍攝,峰值對焦準好操控

X-H1就像是GFX 50S機子的化身，機頂除了X-T2系列有的雙轉盤以外，最右側是顯眼的機頂螢幕。

在無反光鏡相機中有機頂螢幕是相當罕見的液晶螢幕，因為它能顯示非常多資訊，而且不管在任何情況下都易讀。這也是挑選X-H1的選項之一，這片液晶螢幕可以自訂黑/白底色，可以在極亮的環境中使用、不會閃爍、字體夠大、可改變資訊位置、可更換內容、內建冷光等等，這也是專業使用者會需要的功能覺得它設計的比任一台數位單眼的機頂螢幕都來得更棒。

X-H1沒有3.5mm耳機輸出，3.5mm耳機接孔是做在電池握把上頭，我購買是整套的。

觀景窗為0.5吋369萬點OLED，使用EVF時依然可以用手指觸控螢幕來指定對焦點，操控自如。

內置 Fujifilm 幻燈片色調，包括 Velvia、PROVIA 及 ASTIA。黑白模式亦可模擬紅、黃、綠三款濾鏡色調。

對焦點、涵蓋畫面93%的區域，325點其實也很夠用了。使用機背的小搖桿操作，或者是直接觸控螢幕來選擇對焦點，不論是使用機背螢幕或者是使用EVF時都可以，不過還是偏好使用搖桿。

缺點難免,總是沒有完美的

會使用它,缺點就要去克服,不然買H-1沒有意義

挑選前先做功課分析,看他人的心得分享,還是相信自己的抉擇

X-H1的防手震很強....讓我收藏老鏡頭派上用場，風華再現~
只有XH1這樣的機身卡口能夠承受沉重鏡頭，經得起重磅鏡頭的力量。

更新X-H1更新韌體後
在錄影時可以感受到防手震補償變得比較Smooth。

需要拍攝在低光環境下有較高的靈活性,機內防震十分重要而X-H1在這方面確實發揮效用，連快門力度及按鍵力度都考慮到，不失為一部優秀的相機, 。

喜歡富士的色彩注重美學觀，喜歡玩賞老鏡，XH1是首選。

1.外型及手感一流
2.有副屏，方便看setting
3.防震超強，真係足5級
4.快門超輕，加埋超強防震，1/10完全無問題，間中１秒都得
5.有touch mon，拍片對焦過渡順暢
6.超靚evf

1.快門太輕，好似靜音快門，沒有xpro2或xt2等爽快感覺。（建議好似單反咁，可以選擇靜音快門還好!）
2.無180度反芒，與其做打直90度反芒，點解唔做個向左180度反芒
3.畫質、對焦速度、連拍...無進步過！
4.evf放大後，沒有想像中清晰
5.貴，差不多買到部A73

本身是xpro2用家，對xh1真箇有少少失望！雖然知道都是同一粒cmos，但始終是最新旗艦，以為畫質、對焦速度會有少少進步，點知真係分別不大！（抑或要讚富士對舊機實在太好，俾我部xpro2可以更新到有xh1既質素）

13k買aps旗艦機算唔算好貴?！其實唔算，只是A73太超值！但問題是sony個系統一向是機身平，鏡頭又大又貴！相反，作為xpro2用家，仍然選擇xh1既原因，是因為富士鏡頭個系統實在平靚正！買sony三支大三元既價錢，差不多可以買齊富士大部份常用既鏡頭，例如10-24，16.4，35.4，56.2，16-55，50-140，100-400...

用13K入埋XH1，係因為機身手感和防震功能，可以用盡富士整個平靚正的鏡頭群組！

不過APS始終是APS，同FF有一定分別！