旗艦級内外享受，冇xt3既絕對值得升級

Made in China ，型得滯，吾太適合街拍，太顯眼
貴？識買富士一定買水，一萬樓下有找

攞上手後，絕對值得俾錢

靚仔同操控感比較好，除此之外諗唔到。

話對焦好嘅人係咪冇用過其他? Canon同Sony個eye and屌打佢幾條街，如果拍video個分別會更大。個mount個設計冇諗過會有ibis，會好過Sony 但同m43比又係輸。

富士xh1 xt3我都有，對富士感覺唔錯，但呢一部我唔知佢想點，行賣13000但無論AF 同 畫質都輸平過佢嘅A7iii, 富士色只係傳說，我從來唔覺佢靚過Sony.
呢部機似係特登出黎cap水，冇之前富士每出一部都有創新感，定係富士比班死忠縱壞左，求其出一部都會有人買？

我本身係用Nikon單反，用咗都有接近十年，一直都好想試下用啲新科技嘅無反相機，又撞啱富士出新機，原本係想買X-T3， 但係接受唔到電池續航力唔多夠用，知道今次新款機有所改善，又有防震，用咗個半月，對焦真係好快，拍夜景雜訊感覺好少，機身細，比想像中好！影出嚟嘅顏色好特別！同埋第一次用機頂轉盤，用落真係另有一番風味！好好玩！

唔知係唔係所有無反相機都會有同樣現像，機身近電池位置好快熱！我用開單反，唔係太接受電池續航力！我本身手掌比較大，唔係太好掌握！用電池手柄又好似重咗啲！

機身細，市區街拍真係有一定優勢，但係有機會出外旅行，不一定會係主要拍攝工具！但係講外型，真係無得彈！

冇架 增加個人顏值 後生既拎出黎換下鏡頭
換下定蕉 又換下50140 顏值殺哂
影出黎有味道 畫質一流 不過要配好鏡
定蕉或有信仰既紅牌
有防震 鏡頭CP高 拍片正

貴囉 不過係用家問題 唔係佢問題
自動廢 不過我覺得冇壞
開始擠牙膏
低光都係差D

文青就係文青 型就係型囉 呢個就係富士同其他牌子既分別 唔理全畫又好apsc又好
有好既畫質 、將部機用到熟既就係最好

JPEG buffer
新shutter, 15fps
TIFF
AF tracking好左，但只係marginal
Ibis 比a73好

重左
sensor冇進步
格硬出一部同XT3一樣sensor同processor
ISO6400打後表現依舊比xtran3差
塞dFirmware, simulation既野落xt4就當新機
咁之前既應承既kaizen可以收皮？
好學唔學 學五年前既canon

有師兄問有幾何要用到低光運動
其實大把室內場運動起碼6400+1/1000啦
同埋香港大把夜晚戶外比賽
富士旅行街拍係業界第一
但批評佢其他範疇唔夠好 我覺得無可厚非
利申用過xpro2 x100f XT3 xe3 XT3 xt4

一部APSC旗艦相應該做到D咩？ 對焦，追焦，連拍... 適合影運動等等...... 硬要和同價入門Fullframe比...呵呵


X-T4對焦有無投訴？做唔做到快狠準？
一秒30（機械快門15）張的連拍夠不夠快？
機身重？ 比FF的旗艦機加大炮呢？

ISO 有改善空間，這一直不是富士強項。 不過有咩運動係暗黑中進行要高ISO？
2600萬像同上代一樣？ 現在賣的旗艦機很多也只是 2000-2400萬咋

反而IBIS.... 對通常用長炮捕捉一個moment嘅運動旗艦機，不是那麼重要。
反而仲係用SD，一秒30張炒落SD都要過10秒，反正都係貴價旗艦機點解唔用快得多的CF Express？

電池夠不夠？ 加了直倒夠不夠？

結論是這是一部合格的旗艦機，不完美但....
硬要用來作悠閒復古機之後話貴；
買來作Fullframe副機之後話重；
買來拍風景之後怪佢像數冇四五六千萬像素；
買來唔用腳架夜拍怪佢ISO上唔到十萬...

要底大的.... 富士有中幅，一億像都有。

IBIS 五軸防震系統 (用開16-55 F2.8 較慢d 快門都唔駛驚震)
對焦速度快速, 反應好快(基本上好快追到焦, 我影朋友跑緊, 10張都中7張)
電池續航力強左好多
15fps 的機械快門連拍(我經常用連拍, 15fps 基本要有)
-6EV
FHD 去到240fps (不過我用到4k 30p姐, 哈哈)

apsc 機永遠都是noise control 不強, iso 1600 開始其實已經有noise.
富士個手機apps 真係好垃圾, 富士真係要向canon 同sony 學習一下.
機身好多人覺得重( 我又覺得唔係既)
cmos 像素同XT-3 一模一樣 ( 無進步)
定價好高, 特別是現在經濟環境 (同價錢既選擇多好多)

富士相機都係俾人那種悠閒感覺,佢既顏色真係自然, 如果你想玩菲林既味道, 不太大仔細要求, 唔想用咁笨重既相機,呢部絕對係岩你買岩你玩既機, 因為富士LENS 都普遍黎講合理較平,. 但是APSC 永遠都係APSC, 不能與FULL FRAME 相比, FULL FRAME 始終舊CMOS 好大, 一放大起上來, 係點都仔細及清過APSC. 但是富士出呢部機既時候可能比較心急, 大家只FOCUS 係IBIS 呢個SPEC, 講真呀富士D 鏡有幾何好重呀, 佢出既2及2.8光圈系列既鏡頭, 支支都係好輕既, 個IBIS 真係咁重要咩. 小弟用緊CANO EOSR 既, 因為想要多部APSC 機黎拍片同埋平日街拍方便用. 我覺得APSC 機富士表現真係幾好. 所以我就入手. 如果閣下係用XT2或以前既機種, 係可以不妨一試買的. 但是如果你係用緊XT-3 或者出左一至一年半既無反機呢, 我就唔建議買啦.因為進步空間好少好少, 真係同其他大廠一樣比較唧牙膏 同埋真係要買既不妨等下跌價先, 我認為11K多D 先係合理價錢.

XT系列, 吸引我的地方, 在於復古銀黑色機身, 加上富士色彩, 以及簡單方便、清晰直接的外置操控轉輪, 而且機身細和輕巧, 是一部休閒享受也可街拍的apsc好機.

富士相機售價相對是貴, 富士用家也應該感覺到成像和解像力不足, ISO1600以上Nosie開始出現及矇(如果喜歡聞相的話, 要慎重考慮), 對焦方面在休閒享受使用時是ok, 電力不足. 同其他大廠一樣唧牙膏.

富士巧妙地把XT系列的相機殼, 做到與單反無反full frame機殼相類似, 索做出一個給人的錯覺, 好像是一部黑科技搵食的作戰旗艦機, 其實XT系列的機是部無反的APSC悠閒機, 並且它的內涵與A6600有大部分相似和接近, 但不知為何, 好多YouTuber和打手, 往往將XT系列相機同A7R3/Z7/Eos R去作比較, 成為一部越級挑戰和比併的apsc機, 假設將A6600跟XT機一樣設計, 將機殼換上了A73或Z7機殼, 咁大家又會點睇？
我是XT1/6D2用家.

X-T4 的優點一定是新增的機身防震系統，本身有幾支富士定焦鏡頭，現在全部都變成有防震了。在街快拍，抓拍一些瞬間即逝的情景，包括人物表情，用定焦鏡頭比前更加得心應手，令我對攝影有重生的感覺，拍攝時更有樂趣。

缺點是比前重了，其他暫時在找尋中，可以說，同fullfilm還有距離，當然不是像給說到神機一樣，能夠同fullfilm機平起平坐，但對一部APSC機來說，價錢與表現，絕對玩得過，而且不會令你失望。我個人意見，雖然早買早享受，但遲買平幾舊，所以遲啲買一定開心。

富士相機（XT系列）雖然不是fullfilm機，未至於好似前面的朋友講得一錢不值。事實係有好多用fullfilm機的朋友買它來用作副相機，不似一些人，可能因為以之前投資了好多錢玩fullfilm機，機重鏡重，攞機出外拍攝便越來越少，現在發現市場上竟然出了富士相機這XT系列，外型懷舊，相機造工質素又高，鏡頭又懷舊扎實，光圈大但體積又造到輕細，拍攝出來的照片又可以同fullfilm比較（事實世界有好多人攞佢同FF機比較），對又平又靚的富士相機，一時不能接受，亂講野。 然而未真正用過，就胡亂詆毀，其實居心何在。說句公道說話，相機最重要係適合自己用，客觀說話容易給人接受，太死硬，太主觀的批評，是不會有人相信。小弟用了富士XT-2機二年，之前一直用nikon相機，現在兩只牌子都有用，覺得各有長處短處。用了相機有20幾年，令我攞獎的竟然是富士相機（XT-2）加富士（18-55 /2.8-4）鏡頭，雖然只是普通野，但富士竟令我有驚喜。現在X-T4, 更加不玩不可以了。

如果持中緊角度嚟講 其實第一位留言者其實講得啱

EOS RP 全片幅機只是6500元 R 10000 元
A7III 只是 11600元
一台APS-C 13999元 真的不合理
顏色無論多好也不能到這個價格吧
富士寬容道也不是業界水準 APS-C Dynamic Range 確實比較差的 就像一個學士和博士比較 我真係未見過有人用富士做婚禮攝影嗰啲 大光圈鏡頭喺APSC 幾其實唔係全篇幅嗰個number同級 APSC的F1.4 就嚟等於Full frame F2了

我自己就都係用富士XT30 問題我覺得在上已經冇咩分別 我都幾後悔買XT30 一個介面難用過SONY 第一個留言都講得啱 因為如果影RAW顏色真係可以自己調出嚟 自己就覺得Canon調色最靚 富士可能只適合一點比較懶的人購買 就是隨手影下相出JPEG嗰啲人 我入手富士都係因為個人好懶 哈