1. Z-mount最平同最輕既高像素無反
2. 白平衡準，發色靚、忠實
3. 對焦系統出色，人臉/眼晴對焦＋3D tracking已經應付到大部分情況。以前用單反低角度盲拍小朋友成日抄，對唔準隻眼，而家盲拍完全唔駛擔心個對焦，當然反mon幫到，但有時候拍攝瞬間黎得太快，反唔切，個對焦好幫到
4. 對焦反應比上一代明顯改善 (之前短時間用過Z6，操作起黎各樣都快少少，加埋就好左好多，特別對焦反應好左好多)
5. 機身防震出色，而且無反冇反光板震動，比單反更容易獲得清晰影像
6. Z-mount 既Zoom lens質素已追到／追過大部分F-mount既prime lens
7. 成部機係單反既造工，比人感覺牢固結實、爽快、可靠穩定
8. 用FTZii mount舊有non-CPU Lens曝光正常，加埋峰值對焦、200%放大同機身防震，令舊有手動鏡重生，比以前係DSLR更可用。
9. 手機過相好容易同方便，旅行想即時post相一流
10. 以一日只影相黎講，電量絕對夠用。

1. +- EV 按鍵唔就手，每次按都要調整手形，但Z8已經改良左。
2. 始終用開DSLR，唔習慣係著機休眠既情況下，要半按快門等部機起動
3. 用開D800，Z7ii個shutter lag 明顯比D800多少少。
4. 以往單反年代，習慣用個景深預視制preview一次，但始終個EVF同mon 係preview景深時冇單反個OVF咁好睇，但見人見智，有人鐘意即時睇到個拍攝效果。
5. 係夠光圈夠大既情況下，個EVF/MON會直接睇到景深效果，收細到某個位（以Z24-70 F4 S為例就係F5.6打後）個live view就preview唔到個景深，就要用景深預視個制去睇，簡單講個光圈收到咁上下live view就preview唔到，所以如果光圈夠大，按景深預視會冇反應，因為已經開緊要求既光圈值。
6. 太暗環境個EVF會有噪點，但會比OVF光
7. 用FTZii mount non-CPU鏡頭時，F-number 落唔到機身，EXIF 只會顯示最大光圈值，估計係FTZii 個F-mount 果邊唔似得好似高階DSLR咁有個光圈卡環，所以機身無從得知non-CPU鏡頭的光圈值，所有non-CPU 影出黎既相個EXIF 只會show 最大光圈值。
8. 機身又防震又反MON，抗跌抗撞能力一定比單反差D，用既時候都要小心D，唔可以太粗。我諗要Z8以上先等同單反既剛性。
9. 始終高ISO直出JPEG比Z6差 (只用過Z6)

小弟由F100>Sony V1>D60>D80>D610>D800>Z7ii，用了多年Nikon 單反。手上有AI手動鏡、F-mount 既1.8 prime。由細個囉老豆部F100亂影風景，到邊學邊影女朋友、影旅行相、pre-wedding、到生埋小朋友影小朋友相，Nikon 單反都記錄左我人生唔同階段。一直覺得D800已經好夠用，除左高ISO同白平衡跟唔上時代，其他方面都好滿意，冇升級既衝動。直到一次機緣巧合借用到兩星期Z6，發覺Z系列上左令一個境界!無論對焦、高ISO、白平衡、Z-mount鏡頭質素已經同單反差太遠，好太多。特別係方便有時搵人幫手揸機影合照，因為機身已經高度自動化。因為暑假終於出外旅行最後出左部Z7ii + 24-70 F4 S + FTZii。(因為用開F-mount 既prime 1.8果批又平又輕成象又好，所以買左個FTZii。)

其實Z6（之前用過）既高ISO比Z7ii 還要好。但Z6ii 同Z7ii 之間最後都簡左Z7ii，因為睇中佢既高像素。如果你影既相係會十年、廿年、甚至幾十年後囉返黎睇，試諗下十幾廿年後，可能一個普通mon都講緊8K起跳，即係最少3300萬象既相先夠大，情況就好似而家用4K mon睇返20年前d 500萬象素既相咁。因為係記錄小朋友用，Ｄ相好珍貴，所以最後都簡左Z7ii。當然論性能、機身剛性同操控Z8會再好好多（showroom 試過感覺又另一個層次） ，但價錢同體積重量既考慮，身份又唔同左，所以現時Z7ii岩我多D。

我會推薦用開高階單反或對影像質素好有要求既業餘用家上Z7ii，雖然由D800去Z7ii機身剛性係有D Downgrade左，但影下生活照旅行相係完全夠有突，對焦容易左，有機身防震，相片發色好睇。如果唔需要高像素，我會建議Z6ii。Budget有限就Z5。如果想要返D800果類既紮實感，就一定係Z8。

輕
機身防震
眼睛對焦
有FTZ可用支援舊鏡
有峰值對焦距

貴。。。

之前一直用開Nikon D750，打算升級相機，諗緊D850好還是Z7ii好。上網搵左好多資料，兩部機都各有長短，而我由單後機上來，對D850偏有好感，例如OVF，快門對焦強，機身手感，電池持航力，加上一手有一堆G鏡，Tamron G2鏡 同副廠手動鏡。

但上網睇過資料，加上師兄意見，Z7ii都有以下優勢：機款新，機身防震，眼睛對焦，韌體有更新，有FTZ可用返所有舊鏡，Z新鏡頭強項，峰值對焦，機身輕，可用更多手動老鏡頭。經過比較後，上埋DC fever試機，最後決定Z7ii，已知道自己想要乜。Z7ii感覺令我很滿意，相比起D750，新機進步了不少，對焦覺得快準，快門靜，覺得無揀錯。希望Nikon繼續發展更好相機及鏡頭。用慣左Nikon，唔太想轉會，努力啊Nikon。

1.相較於Z7，二代機不論在對焦速度，尤其是連拍進步非常的大，連拍也不會卡彈
2.銀幕上可選項增多，有利於快速切換
3.改善一代相機手握的手感，真的很讚!
4.加上NIKON MB-N11電池手把，不只可以增加電量，還可以在手把操作，非常的順暢
5.新電池的續航力也增加不少

1.還是一樣容易入塵
2.對焦的精準度，可以提升更高
3.連拍只有9張，雖然部會卡彈，還是希望連拍能多幾張
4.還是建議FTZ可以有馬達，讓很多D鏡頭可以自動對焦!

相較於Z7，二代機不論在對焦速度，尤其是連拍進步非常的大，連拍也不會卡彈，還是建議FTZ可以有馬達，讓很多D鏡頭可以自動對焦!

可以用SD card 及有雙咭槽，
無線傳輸快，
其他功能達到專業級數。

原廠Z鏡比較貴，
副廠鏡頭很少選擇！
CFexpress card 比較貴。

之前用Kodak DSC 620, Nikon D2X 及Sony A900, 現在加Nikon Z7ii 感覺科技進步一日千里。

1。Z7II在廣闊對焦區域方便比上一代強化了不小，對焦速度及準焦率都大大提升。
2。Z7II高像素得黎畫質超強，特別係RAW檔案。自己覺得Nikon 係RAW上後制空間係最強，無論係色域，曝光及細節。
3。Z7II能夠加上MB-N11直倒手把，影直倒相時實在方便不小。而且提升埋機身與鏡頭之間的平衡。還可以提升電量，因可裝上兩粒電池。
4。Nikon足之可以提供尿袋供電拍攝及錄影，實在方便。
5。Z7II加入了最長900秒的曝光時間，晚上玩長曝真係超方便。

1。Z7II如果能夠將每一粒對焦點能再縮小一點會更好。
2。如果能夠換鏡關機時都能把快門關上就好。

工作由Z6換上了Z7II和Z鏡頭，無論Raw檔的質素又或者Z鏡頭的光學出色的表現，都能夠比到我一種信賴。而另一個超吸引的地方是超短的法蘭距，因為這點真係能夠提升影像的質素。另外，自從Nikon公布了Z9後，真係對它有一些期待，因為真的很喜歡一體化的機身。希望能快啲推出。期待。

1）第二代的對焦反應更加快同準。
2）提供返雙咭槽的設計，在工作上更加保障及輕鬆。
3）Z7II加入返尿袋供電這個功能，現在基本上都不需要再擔心供電的問題。
4）提供4K60及直錄入卡的功能， 在拍片上更有彈性及創作空間。
5）Nikon機身的防水滴功能及很好的手握觸感，令到係工作上更加得心應手。

1）未有提供直錄N-log功能。
2）今代沒有強化EVF，雖然Nikon 個EVF都仲係同級數一數二。

雖然Z7II未有提供太大的改變。不過今代所改變左的，在我工作的層面上可以話係樣樣都相當實用。最緊要係在工作上真係更加得心應手。另外，影像及錄像的質素上就不需要講太多，因為Z7II都係保持著超高質的影像畫質。

1: 用了雙處理器，Z7II提供出色處理。
2: SD咭槽回歸，極之方便。要快可用CFExpress咭。
3: 10張的連拍速度十分之夠用。
4: 極強的圖像處理及影像質素。
5: 電量及拍攝張數都有提升。
6: 加上尿袋供電拍攝真係十分方便。
7: 定價合理。

1: 感覺同觀感上同Z7無大改變。（需然功能上大有提升）

大約一個月前到手, 由S轉會過來，對Z7II的操控十分之滿意，而且整部機十分之紮實。手感十分好。 最重要係影像的顏色及過度都來得好好，無論直出及後制都十分滿意。最緊要係Z鏡質素真係十分之好，希望未來Nikon 可提供更多Z鏡。

1）繼承Z7的優點，如堅固的機身，可靠的操控及貼服的手把。
2）足知提供雙咭，可以做到備份功能。
3）Z7II提供了強勁的連拍功能，而且同時又加強了緩衝記憶體。當兩者一起就大大提供了實用性。
4）Z7II提供了-4 EV低光對焦能力。在極暗的環境下，對焦速度仍有很好的表現。
5）USB供電功能十分有用，特別係拍攝長時間的錄影及長時間的間隔定時拍攝。
6）Z7II加入廣區域人眼/動物眼睛對焦功能，可以係很雜亂的環景中更容易對焦在主角身上。這功能十分之好用。
7）加入4K60fps直錄咭功能，而且不需要裁剪。另到在拍攝短片上更加方便專業。

1）LCD還未能向外反出。
2）觀景器雖然減少了黑屏時間，但都希望能做到沒有黑屏。

由Z7升上第二代的Z7II,拿上手的感覺可以講係沒有改變。但當做野的時候，可以講係更加得心應手。無論反應及功能，雖然可能只係小小的改革，但都大大提升左拍攝時件事的效率。而且最仲要係Z7II的定價十分之合理。

1: 用雙處理器，整部相機速度提升不少。
2: 高像素，裁剪更多彈性。而且做到高速1秒10張。
3: 原生iso由64開始。更下壓去iso32。在大光圈鏡頭或長曝上很有用。
4: 4K60P可以直錄去記憶卡。
5: 比Z7多3.3倍的Buffer, 在高速連拍功能上達到專業級的規格。
6: 新增的區域眼部自動對焦超好用。又爽又快。

1: 加上內閃就更方面。
2: 如果外觀重新設計會更有新鮮感。

用了大半個月去打雀，配上FTZ+500 5.6 有明顯進步。整個對焦系統感覺上完全提升。而且快門時滯相對Z7時亦都有明顯的進步。加上更大buffer，係鳥攝方便感覺十分滿意而且升級有感。雖然坊間成日話Z7II 只係小改變，但用落基本上係大升級就真。

1，配備專業高速雙咭槽 （CFExpress & SD-UHSII 咭槽）。
2，相比Z7, Z7II的緩衝性能大大的提升。
3，用左兩粒CPU，成部機的操控反應都大大的提升。特別係追焦的速度。無論追人眼人面和寵物對焦都快速好多。
4，Z7II提供了可直錄4K/60P落記憶咭功能。而且可錄制HLG視頻。
5，加入返可用尿袋供電功能。
6，長曝時間可選擇最長900秒的曝光時間。

1，如果LCD用揭開方式就更加好用。
2，應該用個更加高像素的電子觀景器。

由第一日出街就買用到現在，Z7II的確比到我十分滿意的感覺。雖然機身可以講話同Z7有9成9相似，但當用起上黎就比到我完全不同的體驗。整部機身運用時十分爽快。而且覺得Z7II的區域人眼對焦好好用。最緊要係影像質素相對Z7仲有所提升。