Panasonic Lumix DMC-LX3

實拍照片

特大光圈 f2.0。
24mm 夠wide透視感幾好。
4:3 3:2 16:9 都可保留24mm視角。
操作反應都幾敏捷。
機身用料、質感幾好。
HD 拍片 正！
手動功能全面、自動AI功能都好！
Menu 使用各方面功能都幾方便。
有得用RAW記錄相片。

高 iso 時油畫化！
HD 拍片都幾大食，4GB 得十分鐘！
AWB 有偏籃。
用鏡頭到蓋比較麻煩。
拍片無得ZOOM。

自從用了單反後，都好少留意DC發展成點，之前買以經係sony T-200，呢次買LX3既原因係想
有一部高質素同多功能DC，呢方面LX3可以滿足我既要求，不過此機最大敗筆，就係一部強調
拍片功能既機竟然無得ZOOM，不過作為攝影DC就十分稱職，是近期頂級之作！

24mm, 試過食飯包房, snap成張檯時, 我個人黐埋牆先影得晒, 28mm都唔得.

f/2 玩景深效果可以玩到好誇, 好玩!

顏色出嚟好靚(個人感覺...)

跌過兩次(係條幼頸繩成日比野勾到,離地2呎抽落地)都無事, 好紮實

Q-menu stick 好好用,噤半秒常用settings都出晒嚟,推兩推就set好w/b,focus,iso等等. d人話menu難用相信喺無睇cd裡面嘅說明書.(不過我都好想好似g10咁擺晒iso同exposure出嚟)

raw+jpeg一齊save

hd movie (要用16:9)好有菲林電影感,好流暢(play嗰部pc都要勁d先追到...)

影葉, 尤其係遠嘅樹叢, 唔會變咗一舊舊發霉海綿(c記dc招牌死症, 我以為s50咁舊係咁, 估唔到g10都係...) 質感明顯好好多

狂影舊電都捱到足一日

條幼頸繩囉... 手繩或粗頸繩都無咁易勾到野...

鏡頭蓋雖有型, 不過煩到嘔, 好驚影食物macro時浸埋落湯道...

鏡頭同lcd裡面都入塵,攪到lcd好似有死光點咁...

鏡頭突出嚟(雖然retro幾型),大到好難買靚袋(除了原廠貴皮袋), 我揀咗national geo中袋至啱啱好...

iso 80 jpeg 都有noise... (raw就無)

usb頭係用細頭再細d個隻, 唔可以同external 2.5"harddisk用同一條, 要帶多條出trip...

zoom 60mm, 真係... 不過g10都係140mm嗟,只係2倍多d, 用慣就分別不大.

我一向鍾情c記dc, lx3另我第一次背棄佢. (相信要我重投c記,只有eos5d ii)

用咗1個月,令人愛不惜手影影影影影影影影影影影影影影影影, 一個星期已經忍唔住影咗千七張...

雖然比g10少5mp, 買咗都一定唔會後誨!

如果唔係畫質一對一比較,其實g10都唔錯. 不過兩部用途好唔同. 影風景靜物同大人, 我揀lx3.

影細路,尤其坐唔定嗰d, g10會好d. 因為focus快d, face detection好d.

1) F2.0-2.8 (望遠端有F2.8,低光下有幫助)
2) 24mm wide
3) Macro 1cm + F2.0, 可型造淺景深效果,而且相片細緻
4) 多種對焦橂式,尤其有點對焦,及可移動對焦點
5) 快速鍵-aspect ratio(4:3,:3:2,16:9) 及 對焦選項 (AF,Macro,MF)
6) 相片質素(color,sharpness,details)比起細dc好得多(之前用過FX-38)
7) 外型classic,機身感覺札實
8) 保持更新 Firmware, 新加入HDR橂式,感覺p記有誠意

1) 白平衡不太準 (跟canon機比)
2) 鏡頭蓋不方便,人手開關
3) size大,携帶比細dc不方便
4) 價錢不平,現在09年尾,行貨也要 > $3500.

自己一直用開 canon dslr 400d, 打算買一部dc, 不用常常帶著dslr.

canon G 系亦有考慮,主要用來比較相片質素, 覺得G 系size實在太大,如用,倒不如用回dslr.
fuji 機亦有考慮,貪佢高iso表現好,發覺 LX3 表現也不錯. 對fuji 機的操控實在不太喜歡.
至於canon S系, 買的時候知道會出s90,但沒有等它,稍後再談.

對於LX3, 先講主要賣點, 24mm, 比起一般的28mm更闊,提供另一類構圖畫面. F2.0-2.8, 用落發覺可以保持快門速度,實在很有用,因一般DC只有F3.X-5.X,快門可以快1,2級.

之前聽人講LX3拍出來的相怎好怎好,如果用ISO 80,日光下,風景,人像的確可以收貨,色彩,銳利度也很好,雖未至於媲美DSLR,但可以講開始接近,特別拿其他細DC來比較.

如果講Macro,實在十分滿意,因用dslr kit lens, 最近對焦距離有限, LX3有1cm macro 再加上 2.0, 其淺景深效果很正!!!

買LX3的時候, 已經知道Canon會出S90,但始終喜歡24mm加上LX3外型,最後還是沒有等待S90. 到了S90推出後,也有上去Canon CS試機,看看有何分別,感覺上s90機身較細,方便携帶,但沒有24mm,操控上,我還是喜歡LX3,因為有對焦及ASPEC RATIO的快速鍵,至於S90的轉盤實在太細,對於我來說,很易碰到其他按鈕.

大光圈，手持拍夜景當然冇咁易手震。

靚LCD

超廣角（但係咪真係差好多？唔覺。再加上唔係成日用得著。）Macro + 超廣角 = 搞笑

係大光圈，係super wide。但原來Leica鏡造假？Raw相睇返根本桶狀桶到好似魚眼鏡咁o既？

LCD係靚，但一落返電腦睇？真相自己知。

ISO 400都常用，但一出黎noise都好高。我暗少少唔開閃光燈諗住F/2影人，結果出到黎個人好似爛面咁，成面noise。

個蓋真係傑作。買左一日，放之前已前甩過超過二十次。好心佢地d Design未做好就唔好咁快推出黎啦，P記d Quality Check仲要出名差...

LX3 FANS周圍搞事已經唔罕見，最誇張o既係用部DSLR仲要係5D + L鏡o既相o係各大forum散毒，Post出黎話係LX3試相。唉，當人地低能唔識睇exif咩。一部咁o既LX3可以有高階DSLR+flagship鏡水準，咁canon同nikon DSLR可以全線消失喇。

LX3同G10比都差9條街，就係Panasonic廠已經死得。如果唔係個個貪名牌，係唔係都話LEICA出品必定佳品，邊有可能大賣？我有部 Panasonic FX機咪又係Leica鏡，到頭來d成像差到完全接受唔到。

之前因為太座扭計買左部LX3，我都唔敢同其他C Hing講費事俾人話。死tune爛tune終於搵到個影景會靚o既setting，但差d俾佢呃左，我冇用跟機software，反而用自己用開o既Raw software黎開即刻現形，d相桶形o既？哦，原來係LX3出老千，唔怪得可以24mm f/2.0啦，原來係機內後期加工。最後？拎出去放都放唔切。係，影夜景幾靚，macro影野幾有feel。但係，除左影「feel」之外我再搵唔到好處，就係iso400已經令我想喊。好彩，有好多慕Leica之名，卻又唔明P記質素一向差o既人，二手市場有價有市，一日之後就放左，平左三舊水，但起碼唔駛蝕晒三千幾蚊。

相反G10用過真係幾好。雖然係大部左又重左，但作為prosumer機，呢部機可以俾想入門做DSLRer o既初心者練習，最適合俾女朋友用，自己懶得帶一堆大機同鏡o個陣又可以用佢。

G10 焦距28-140mm，光圈2.8起我覺得ok，雖然唔及以前powershot S系有成12x光學，但要影遠少少都夠。LX3做到咩？想Zoom近d都未得啦，一係就人肉Zoom用隻腳行近d，最盡得60mm真係唔好玩我啦。

結果，為左方便工作（唔駛日日帶住大機仲有幾支鏡周圍走），作為Nikon超級Fans o既小記，我終於買左部G10黎取代。而家太座成日同我爭部G10，不過總好過繼續用LX3。

p.s. 睇到班因為買左LX3而黎踩G10o既人，真係好幼稚。一係好似我咁兩部都試過、買過再用過先好留言。唔好害左其他對攝影認知少，諗住當呢度係入貨參考o既初學者。G10同LX3根本係兩種有唔同覆蓋o既機。為左平衡返個評分唔好誤導其他人，我決定俾all 1，唔好意思。

1. 鏡頭表現上佳, 即使開盡光圈成像也很好 ; 而且tele (60mm)亦有光圈f/2.8, 散景效果佳
2. 16:9仍有24mm, 影風景真係好壯闊及有震撼力
3. 機身造工一流,果然是 MIJ (非盲目崇日)
4. ISO 400表現極之理想, PANA機手持夜拍不再是「夢想」;iso 800亦勉強可用
5. 新增1cm 微距, 令SNAP SHOT機更具「玩味」(影食物/玩具 !)
6. 雖為高階攝影產品, 亦能照顧家人需要, 設有IA 及 P MODE, 令筆者也懶得「校來校去」
7. 設有一個FN KEY 可自設功能鍵 (PANA機來說算方便) 及有 FOCUS鍵, 方便調校對焦位置
8. 勝在焦距短! 所以斯有靚PQ同「恆定2.8光圈」, 24-60mm影靚相完全夠玩 !
講真一般DC仔, 比夠10倍ZOOM你成像自然差, 而PQ這絕對是LX用家所追求的!

1. 手感一般, 老實講麻麻地好揸手
2. 鏡頭蓋的確幾煩
3. WB唔太準, 時常有偏冷或偏紅情況, 唔好靠哂AWB
4. MON太靚本係優點, 但O係MON睇相靚到「厄」埋你就唔係好事, 建議校低一級光暗會準返
少少
5. 作為算大的CCD, 其實 NOISE控制可以更加好. 下次PANA要O係ISO 800呢一度努力啦.

外型一流已不在話下, 但本人更喜歡LX2的外型, 皆因覺得「手柄位」長左但醜左, 而且實用性一般。
焦距短有咩問題? 當定焦用又何妨? 大光圈同成像之優質已深深打動你!
而且一向覺得PANA機誠意一流, 次次出新機都幾乎有驚喜, 用開LX2一定對LX3愛不釋手!
我覺得, 呢兩三年, 呢部機一定係DC界既王者 :)

外型好有優皮風

$$$$$$...貴了些少

小弟希望大家唔好再爭什麼C記臭...,P記差...N記食屎等等....
計我話,有銀的話多買兩三部不同牌子的靚机,自己做比較最中肯.
無銀的話守住自己部好野,用心去拍多些靚相仲好....
好多時各花入各眼,百花爭鳴,但都火葯味不要太濃...
相机用黎拍靚相,唔係用黎比威,比勁,比show off...