優點:
1. 轉Size(3:2, 4:3, 16:9)方便。個人好鐘意用16:9影風景。
2. 影出黎既相好靚(個人認為呢個係最大優點)。
3. 大光圈、超廣角唔多講la,都係因為咁先揀佢。不過大光圈在夜晚用處真係幾大!!
4. 型!! (呢樣野又係好主觀既)
5. 有得拍高清短片,呢個function唔係部部DC有。
6. 多mode多function,多重曝光幾好玩。
缺點:
1. 由於個突出的鏡頭(不過呢個都係佢賣點),比較難搵到合用既相機袋,原裝果個又超貴!!
2. 乜都唔校室內影相試過會有偏白的情況,不過update左1.1之後好左唔少。
3. LCD睇相好靚,但放落電腦睇就有少少唔同。
4. 行貨好貴!!! 買果陣連加長保養(豐擇)要$4,3xx。
5. 鏡頭蓋真係幾麻煩,試過唔少次唔記得開。
6. 得2.5倍Zoom,雖然買之前已經知道,但用落都覺得差少少,係D唔能夠行前幾步既時候都幾唔方便。
7. 拍片無得Zoom又係問題,拍片都要成日行前行後,想唔震都幾難。
評價:
其實我只係一個普通用家,唔太識影相果D,所以LX3其他優點好似用LEICA鏡頭果D我就唔知有乜分別la, 但佢既大光圈、超廣角真係好實用!!
就算唔太識影相,用IA都能夠影得唔錯!! 但我最鐘意用既係光圈先決.... 好方便~~
所以雖然貴左D,但佢係值呢個價既!!
題外話,豐擇買機加$$多兩年全保覺得好有用,因為兩個月已經試過成部跌落地><" 好彩除左花左殼,一切正常~~