用心看HongKong - 大帽山雲海大放題(下)

11 Jan 2020

完咗呢日旅程成個幾禮拜,再唔出埋下集,真係擺到臭XD 太陽出來了,我們一起上學去。小學一篇文章,到而家50~60年後都仲記得⋯焦距180mm x2= 360mm,捕捉太陽升起個刻。果日呢個位,真係幾特別幾靚,為咗捕捉太陽更多模樣。所以係咁換鏡,180mm 360mm 20mm 50mm 。太陽升起時刻時間極度短暫,所以係升起嚟之前,已經要諗好晒咩時刻用咩焦距鏡頭,點樣構圖想影啲咩~

dcf-travel-img-37520180mm x2 = 360mm iso64 f8 1/160

影完太陽升起呢刻,仲未完!仲有wide景呢!太陽出來了,新一天既感覺啊~影完近shot,即刻嚟翻個wide大景先,呢一條線幾特別。其實呢支鏡可以影星芒,不過iso一定設定最低,最高光暗寬宏度。又要保持師兄定鏡唔郁,經過內心0.5秒權衡之後,因此冇收到最細光圈,夾個星芒出黎,故設定f5.6。

dcf-travel-img-3752220mm iso64 f5.6 1/20

太陽升起來...俾雲阻隔!雲下出現雲隙光,雲上出現類似曙光,構圖已經輕微抬高.. 但20mm都係唔夠wide,突顯唔到雲上曙光...

dcf-travel-img-3752120mm iso64 f7.1 1/160

突然之間醒覺!雲隙光陣間先影,因為天頂曙光重要啲。曙光陣間可能會消失,20mm唔夠wide,突顯唔到雲上曙光!因此打橫狂影幾張,再夾相夾番一齊,增加構圖範圍!呢招係用心看HongKong - 鳳凰山之雲海日落用心看HongKong - 南丫島:菱角山之曙暮暉,遇上大景果時用過,仲要係同一支鏡添(20mm)!
調色同上一張唔一樣,唔知點解...可能個景闊左,調色感覺唔一樣掛...

dcf-travel-img-37523iso64 f10 1/60 (點解收細啲光圈?因為收光圈張相光度,邊緣位同中心為漸趨平均。如果開得太大光圈,再夾相既話,可能會有黑角,夾出嚟張相冇咁完美。)

係時候捕捉雲隙光!不過筆者只有180mm⋯⋯

dcf-travel-img-37525180mm iso64 f11 1/60

為咗突顯氣勢!重施故技!打橫係咁影!插插插插插!調色又唔一樣了,因為係第二日執。

dcf-travel-img-37524180mm iso64 f11 1/200

雲海四方山,無啦啦得個山上黎咁特別,梗係要打卡啦!全靠嗰個年代金圈鏡頭,180mm對焦距離60米先到無限遠。因此前邊啲芒草係blurblur地!影出嚟更有味道!

dcf-travel-img-37526180mm iso400 f? 1/250 (光圈唔記得設定係咩,因為setting 錯左。點解用ISO400,一黎手持,二黎呢個位光暗位唔係咁大,保持安全快門以上)

雲海開始散去,雲霧時候黎了!

dcf-travel-img-37527180mm iso200 f? 1/640

不解釋… 呢張真係要全景先夠氣勢!

dcf-travel-img-37528180mm iso64 f? 1/400

ICC凸咗個頭出嚟!一條條光線,幾有層次幾有美感!

dcf-travel-img-37529180mm iso64 f? 1/320

繼續一條條光線,雲霧中的獅子山!

dcf-travel-img-37530180mm iso64 f? 1/400

終於換返85mm出場!黎個闊少少景色先,遠眺雲瀑飛鵝山,沐浴中的獅子山!其實本人唔覺得沐浴,只不過聽大家講先咁講XD

dcf-travel-img-3753285mm iso64 f8 1/800

景轉返個港島區嗰邊先!頭先用完180mm,85mm完全係另一個景象,所以在打卡!

dcf-travel-img-3753185mm iso64 f8 1/400

又換返180mm近距離特寫先!啲相正常咁執,執唔到靚色彩。因此我加強咁調教,有少少潑墨畫feel!四方山>草山>馬鞍山

dcf-travel-img-37533180mm iso64 f11 1/200

打卡位,霧海之中的電燈塔!

dcf-travel-img-37534180mm iso64 f11 1/320

最後,雲海之中打卡,我唔記得係用180mm定x2 360mm咁影... 飛鵝山攬埋一堆唔知咩山喺埋一齊,充滿壓縮感!

dcf-travel-img-37535180mm or 360mm iso64 f11 1/500

我們已經離開了,最後尾都要自拍打一打咭!今次旅程真係完結了!50mm壓軸登場XD 影嗰時我先同隊友影咗先,之後我叫佢跟我構圖咁影,過程我對佢都有啲唔客氣!哈哈!不過佢大人有大量,冇嬲鳩我xD 我已經執返晒啲相俾佢㗎喇,所以當打個和XD

dcf-travel-img-3753650mm iso64 f8 1/1250

今次旅程... 夜景同埋日出之後我都好難忘 ,反而日出時候冇燒天就平庸咗小小,但整體來講都有95分~ 夜晚時候一上到大帽山,見到琴棉胎城市景,我真係咁嘩嘩聲!嗌晒出嚟!係咁講好靚!無啦啦屎窟痕帶左定焦金圈180mm,更成為咗嗰日主力鏡頭,真係有意想不到驚喜。今次出動算係收穫豐富,有成35~37張相覺得OK見得人。成個旅程咁樣影,本人最鍾意最享受,享受過每次出動只係影一兩三四張。咁樣記錄先至有意義,咁樣先算出動過一次圓滿旅程。自從認識到同伴、每位隊友,我更懂用心看世界,更懂用心看HongKong~ 在郊野途中,交談之中,很舒壓很relax。遇上大景時,更加有成功感!我都係果句... 影唔影到靚景大景,真係唔重要,最緊要係每次出動有咩得着,同你身邊人交談分享到當中喜悅~

上集:用心看HongKong - 大帽山雲海大放題(上)

 

希望黎緊有機會或者有mood分享其他野,老鏡、新鏡頭又好,日常遇上大景出動經歷又好~唔知下次幾時,會遇咩大景又可以成個故仔咁呢^.^v

歡迎加ig交流!

instagram: andrewncy.images

多謝收看!多謝睇我分享!

 

 

分享感想
Andrewncyimages 的其它文章
用心看HongKong - 獅子山影煙花(2024) Andrewncyimages 大年初二好耐未試過重裝出動好耐未創造過經典一嚟就嚟重頭戲影煙花出發前仲喺度諗用邊個焦距鏡頭使乜諗咁多一支變焦鏡咪搞掂設定又不停係咁諗太耐冇影實在有點緊張聲音同放煙花方面聲音起碼遲咗10秒先到呢度 結論... (繼續閱讀)
首頁推介 編輯推薦
神奇老鏡 - 購入篇:Jupiter-9 85mm f2 Contax-Kiev Andrewncyimages 一向用慣用開單反D750、D810既我,追求原汁原味對焦感覺同埋超長對焦距離,當然,留意返手動老鏡啦~ 呢支鏡頭係機緣巧合之下,我終於有機會買到!筆者睇前幾日放咗阿富汗少女鏡 Nikon 105mm f2.5 P.C,記住係P o... (繼續閱讀)
用心看HongKong - “港版曼克頓”日落 Andrewncyimages 21 Feb 2021本人係街拍 x 風景 兩棲類~原來旺角呢個例位幾出色,之前一直睇人哋影啲相覺得好普通。呢啲原來真係要自己影,先感覺得到嗰種興奮感。打旦我一直都冇乜興趣,要構圖好豐富先有興趣,今次終於有興趣!... (繼續閱讀)
編輯推薦
用心看HongKong - 我的... 品味小作 Andrewncyimages 由於覺得近排天氣都不佳,所以有種發掘新攝點嘅睇法,多數唔係上高山,而係走古道或者比較平嘅山路~同埋影相影得越耐,筆者漸趨多元化,從前只影風景,淨係影風景都影到有d悶,而家咩都影一餐xD 最先筆者由於購... (繼續閱讀)
編輯推薦
用心看HongKong - 開發新攝點:陰澳行去東涌 Andrewncyimages 話說當日,我同隊友商量好,覺得天氣不佳,不利上山作戰,行平路探新路比較有着數。同埋之前講個陰澳有個小連島沙洲,所以我哋搭巴士去到青馬大橋收費站落車。開頭諗住影完陰澳就算,不過時間尚早,我信口開河話不... (繼續閱讀)
編輯推薦
用心看HongKong - 港島區之行:寶馬山>奇力山 Andrewncyimages 29 Feb 2020 四年先一次xD 話說出發前一晚,同隊友傾左好耐,原本諗住行大嶼山。但當睇到天文台app,話夜晚可能會有薄霧,故轉行程行港島區,博下影唔影到雲霧。又想方便搭車,減少上山步距,因此我哋喺紅磡過海隧... (繼續閱讀)
用心看HongKong - 重遊舊地:紅石門 Andrewncyimages 話說筆者早幾年曾經探過路,由於知道路程頗長難行,所以唔帶腳架,減輕負重,增加機動性。第一次去帶咗部菲林機FM2同埋一支輕巧鏡頭28-70mm f3.5-4.5。不過嗰陣時冇乜預到時間,去到嗰度又潮漲,時間又比較晏,冇... (繼續閱讀)
用心看HongKong - 大東山星空大放題+日出 Andrewncyimages 4 Jan 2019 話說嗰日就係見到天文台app,各區個天氣圖,有疑似雲海,所以想搏一搏大東山雲海屋仔日出。結果當然博唔到啦,不過有樣嘢好幸運,夜晚去到一啲雲都冇,到伯公坳落車抬頭望天時,只見極度清晰的星空!... (繼續閱讀)