Sony FE 50mm F1.2 GM

實拍照片

路過，見一樓有位師兄話："唔會下下光圈全開Blur到後面散晒，而且人像本來就唔應該Blur到咁先叫靚，成日有人講，買1.2就緊係全開用到盡架啦，但攝影師最基本之一係控制主體同背景既景深"......

呢幾句說話本身係冇問題，但其實佢講唔出個重點，亦代表佢唔了解枝鏡既獨特性。無錯，如果純粹要背景Blur到乜都睇唔到，一枝50/1.8影半身或head shot已可輕易做到。再推上去用1.4或1.2只係好Blur同勁Blur同超勁Blur既分別，實際意義未必太大。

但如果係影full length就不同了，影全身就算開1.2都未至於會咩都睇唔到，有些構圖甚至是全身只佔畫面一半高度比例左右 (DCFever的鏡頭測試相片也有一張是這樣)，根本唔會發生Blur到乜都睇唔到既情況，這時候1.2和1.8光圈的景深分別就很明顯了，會帶出一種獨特的視角和立體感。

當然你話咁貴買枝鏡剩係為左影全身值唔值，呢樣見人見智，但你起碼要知枝鏡既特別之處同點樣發揮佢先。

我係一個超喜歡50mm 35mm定焦段,有適馬50 1.4 art舊版 canon 50 f1.2L II 老實講, sony今次支50 f1.2 全開光圈仲利過canon 50 f1.2LII 收到f4 ！ 同適馬支50 差唔多 但係對比sony 50 光圈大過適馬 但體積仲細仲輕! Sony這支鏡頭真係交到功課. 對比起我另一支5千蚊買返來的適馬40 f1.4 art, sony 50f1.2 光圈收到f4 已經非常接近適馬40 f1.4 art 全開光圈的表現 非常唔錯! 唯一係sony50 f1.2 只要開電子修正 筒狀變形就會消失 非常接近適馬支40 f1.4 視場平直度。sony用工程塑膠鏡身令到支鏡好緊湊輕盈 好方便攜帶 使用率出勤率好高! 全開光圈可用! 對比度高! 對焦快! 色彩非常minota feel 好實用的一支鏡頭.

唯一缺點係貴! 如果價錢低一些會更合理.

我用過或擁有好多50mm段 ,計各方面平衡 sony50mm f1.2 算係最平衡最日常的類型.

光圈全開下，中心邊位都非常sharp
顏色自然乾淨，對比適中
GM造工扎實，有光圈環，有declick
鏡身重量較其他廠輕，價錢亦較平
手動對焦反應快，順暢
對焦速度好快好靜，好穩唔chok，但未算極速
散景creamy，但可以再靚啲

光圈全開會有少少暗角
反差好大嘅情況有機會出好輕微紫邊
有少少呼吸效應，可接受嘅水平

支鏡最令我驚訝係sharpness，光圈全開已經非常sharp，鍾意聞相就最啱。配a7r4感覺未夠發揮佢100%解象力，用開24gm已經覺得好sharp，但對比50gm又係另一個層次，好誇張，影出嚟嘅相多咗份「臨場感」，自然乾淨。

其他方面都做得好好，其實上面寫嘅產品缺點唔算係缺點，只係無優點做得咁出色，但絕對係水準之上。

以12k嘅價錢，我覺得物有所值。當年24gm都係咁嘅價錢入手，相比下50gm更有驚喜。

如果影相影得差，以後再無藉口賴支鏡差，只會係自己問題，你要嘅嘢，其實支鏡已經畀晒。

接近完美的鏡頭

紫邊問題，呼吸效應

地上最強最輕最細最平50mm f1.2，性能方面真系冇咩好講，因為目前我所發現嘅缺點只有兩個，就係紫邊同呼吸效應。紫邊非常輕微，但都經常可以發現，而135GM就好刻意咁去放大放大再放大先勉強見到有。至於呼吸效應如果你唔拍片，呢個根本不是缺點，可以無視。買定唔買，好睇你鍾意完美定缺陷美，你要完美畫質，對焦快狠準肯定買50GM，不過換來嘅係沈悶，冇特色。如果你要少少特色同光學缺陷根本就大把選擇，我自己玩過氣氛之王canon ef 50 1.2，有菲林味嘅Nikon 50 1.4d，小夜神Leica 50 1.4 v2。所以到最後，睇你自己鍾意咩feel，要完美就$16990，從此冇煩惱。

1.暫時Sony原生鏡中唯一一支有AF既50.2
2.輕，無反FF鏡50.2中最輕
3.好揸手
4.散景好L靚
5.紫邊控制好
6.AF快

1.色係對比24GM 135GM偏淡
2.最前既鏡片唔夠大仲要凹落去，好似比人中左一拳咁，有D樣衰

如果要仔細咁講佢影像質素，不如睇Youtube好過睇我打文字
簡單講佢係將一支50mm既大光圈鏡全面提升，對焦快，Sharp，輕，紫邊控制好，實用性極高
係一支極好光學既現代鏡
但同樣地因為咁反而無乜性格/鏡味可言

我由以前持有55mm Zeiss（依然持有） > Sigma 50 art > Zeiss 50.4 > 50.2GM

可以分別體驗到依支50.2，雖然係最貴，光學質素最好！但偏偏無乜野令我有深刻印象

好似55 Zeiss，我會諗起佢輕，幼到吳亦X咁都可以咁Sharp，Zeiss藍標而家二手4k唔洗CP值好高，唔轉會基本上係唔會放

而Sigma 50A同Zeiss 50.4其實可以話係95%相似既鏡，連對焦速度，全開散景都95%相似（Zeiss50.4收光圈去到F2後會靚過S50，因為光圈葉較多，但全開時基本一樣）
S50二手3-4k，Zeiss50二手6k-7k左右
兩支鏡我都覺得係型，而Zeiss手感更好揸，仲有光圈環所以我值得佢值6-7k（因為S50鏡尾會長左換鏡時唔順手，無光圈環係極端要快既時候操作上會慢過Zeiss50，同埋S50間中對焦會傻L左對唔到，出現情況大約20次有1次慢1-2秒，非工作用既朋友就無乜影響）

而依支50GM雖然係朋友幫助下特價Sony買左
但開工用左一排，我會話佢係一支光學極好既靚鏡
但會唔會真係正到我想拎佢成日影相：未必

首先，工作上影相我係唔會下下光圈全開Blur到後面散晒，而且人像本來就唔應該Blur到咁先叫靚
成日有人講，買1.2就緊係全開用到盡架啦
但攝影師最基本之一係控制主體同背景既景深，所以入手後，我只有約5成時間係全開1.2（不過～我認有時因為支鏡太貴，我覺得開1.4夠既時間，都忍唔住擰返去1.2回下本）

其次，可能係因為我仲有85GM,135GM
所以真係要影極淺景深人像既題材...我都有135GM選擇
而85GM雖然光學質素比50GM屌打，但佢既"逆光相"同主體壓縮感係50GM比唔到我

我既推薦如下:
* 如果你係有zoom鏡，有閒錢但想入一支定焦，50GM我推薦你入
* 如果係你想一支掃街或者一機一鏡，35GM會更岩你，要wide多少少可以轉24GM（基本35GM開埋Crop mode已經好多題材用到，比50GM更萬用）
*如果你係諗儲幾支GM，可以試下我組合24GM/50GM/85GM or 135GM
*或者35GM/85GM有需要可以加支Zeiss 55.8（基本上有35/85都可以唔洗50）

最後，點解我對依支鏡光學質素評價極高，但又唔係講到一定要買？

因為Sony E-Mount實在太多50mm既鏡選擇
用16999街價買一支頂級鏡，其實又有幾多人會敢放開懷抱用？
一般用家拎出街佢又唔算細支，鏡身刮花一下即時無成千蚊，鏡面刮花直頭唔見幾千，跌落地既話直頭想時光倒流。所以依支野比一般用家，多數都係屋企影下仔女/動物，或者放係防潮櫃度供奉返1-2年就係fever二手區見到佢。
（*鏡頭係拎黎用而唔洗錫依句說話，我個人認為只適用於印銀紙既人同埋可以拎攝影賺錢既人先岩用）

最後最後.....真係想試50mm 1.2光圈既景深既朋友，一般用家我會叫佢買Canon EF50mm F1.2加adapter（光學差但有鏡味，而且放FB IG根本無乜分別，最緊要：平!6k!）
有返咁上下技術既影友，仲可以買Voigtlander 50.2手動鏡，又細又輕～
想玩夢幻味既大把50.2老鏡選擇添

結論：
真係錢多同"有貨"先買啦（我知道好多朋友訂左都仲未有貨XD)
因為可以取代到佢用途/效果既鏡太多啦
情況就好似Sony部A1，Canon部1DX3咁，神級Spec
係勁啊，但一般用家...又用得着幾多啊？
理性消費啊