新塗層脫皮現像90%不存在(對焦環附近仍保留舊塗層)
對焦快,靜
暗位對焦都準,快(預料之外)
發色明亮
鮮艷度適中(接近肉眼所見)
散景柔和
銳利度收至F2.0 已經很好,F1.4 亦可接受(稱得上可用光圈)
細件,方便攜帶及擺放
重量適中
手感良好

雖然在鏡片用料上很足,但''紫邊''問題仍然明顯
新塗層不採用100% 新用料, 脫皮風險仍存在
用於D90,D5000(可能更多)機上LIVE VIEW 拍攝時不能自動對焦
-OVER 2/3 級,拍攝時要-0.7 EV
近攝最短距離要0.4M

本人使用D90,冇打算短期上FF機,所以想搵支好的標準定焦
雖然測試呢支鏡只係個1個月左右,但很用心了解特性
好多師兄話呢支鏡易走焦,我就冇出現走焦問題!
但於LIVEVIEW 上則不能自動對焦(之前都有幾位D90師兄有呢個問題)

當時都參考過NIKON 35.8同35F2.0作比較
但買得大光圈就希望其大光圈質素可用! 比較之後30.4 係F1.4 OR F2.0時質素都好好!
雖然價錢差接近一倍,但很值得!而且外形及手感上亦都比較討好!
鏡片用料很足,畫質上有一定的保證,而且透光度好高!
雖然會OVER 2/3 級,但可以當係多 2/3 級光圈用~
30MM *1.5 =45MM, 差唔多係標準鏡焦距,生活照,小品,人像上,非常之好用

另外係成像上,
銳利度很高但唔會太死板,好有立體感!
反差適中,比TAMRON 鏡好好多,TAMRON 反差太勁
昡光、鬼影問題 存在,但唔嚴重!可接受
暗角些微!

有D人可能會覺得支鏡有時發色比較淡,
其實應該係OVER佐(本身支鏡)有關!
總之,支鏡表現非常之好,絕唔會令你失望!可以長期唔使換鏡=]
$3100有咁既質素,抵到呀~
如果唔係鐘意影遠野的, 建議 加支廣角鏡就夠了~

1. 30mm canon 用變48mm, 近乎人眼視角
2. f1.4真係爽爆! 淺景深輕易做出( 當然多數都係收到2.0-2.8)
3. 人像sharp, 色靚, 就算影景都完全冇問題, 因為30mm都唔算太窄
4. 對焦快, 靜

1. 冇!!
2. 要講既就係冇得上FF

爭扎!!! 本身考慮 50mm定30mm , 因為50mm果支影人像真係靚到不得了
但係最後都選擇左30mm, 因為比較廣, 影兩三個人都完全唔係問題!! 易於去控制!!
$3380 呢個價真係算底, sigma 走焦老問題冇發生係我身上, 可以還神( 只係試左第一支就已經成功)
總結: 冇買錯! 無論影人影景都係一流!! 未發現支鏡有咩問題!! 長插中 !!

Quality, chunky, large aperture.
Designed for crop camera 1.6X30= near as damn it 50mm FF

Available light shooting fast lenses - i hate using flash photography, especially for my baby. WIde enough for natural looking photos - great depth of field.
Super sharp after calibration.
Nice colors (personal view) , better than canon EF-S lenses (bland).

A slight calibration issue with 2 of 3 lenses - ~ 3-4 cm when within 1 meter wide open. 3rd lenses was only within 1-2cm (CANON is known to have issues). After a quick calibration from Sigma (great service by the way) you can try the other lenses too in the showroom - perfect lenses. Sharp and focused pictures from 35cm to infinity.

Focus speed could be a bit faster, but acceptably good.

Very easy to use and is now my runaround lenses, stopped down to f5 to f8 gives very sharp pictures with very little distortions.

People should stop looking at pictures @ 400% crop and learn to accept that photos are 4R or 3R and on a 22\" screen you will not spot the difference. The composure makes people go \"wow\" nice photo and not say \" shit picture because i have a shit lenses\".

F1.4 大光圈
唔洗用閃燈,保留自然光
準焦後畫質銳利

走焦問題嚴重

我用 500D 機身, 買之前已經知道 Sigma 既鏡係 C記機身上好易有走焦問題,
但一心唔信自己咁黑仔, 會入支走焦既鏡, 但試左 2 支都唔得, 唯有揀一支冇咁嚴重既入手.
未準焦之前用左一排, 覺得用得好辛苦, 對極都對唔到想要既地方......

拎上去 Sigma 公司又唔方便, 辦工時間 9:30am-5:00pm , 唯有專登請(2次)半日假去調焦+拎鏡.
調焦後其實都只係中間單點準焦, 而其他 8 點都有輕微走焦情況, 但都好過未調之前,
上過台灣某論壇見人話鏡身編號 1 字頭既唔可以調到全部準焦, 可惜.......

其實 30mm x1.6 後既視角真係好用, 對比起手上支 50.8 真係方便好多, 唔洗下下退後就位,
但呢支放大倍率就比較低, 唔可以近攝, 唯有要裁切相片 (本人影食物較多).

淺景深方面, 正如有前輩話用到咁大既光圈, 就自然識得要收返光圈,
有時用到 F1.4 拍攝時, 真係會矇過頭, 用返 F2.8~4 就差唔多.

如果習慣「聞相」, 會發現明顯既紫邊問題, 真係一分錢一分貨.

如果唔怕走去調焦咁麻煩, 呢支鏡真係值得一玩, 可以當做相機蓋用.

1.4 大光圈 sigma獨有。
有 hsm ,金屬body。
焦距好用 x1.6= 48mm。
成像合格。

不能上FF。
色水有D黃，尤其是夜晚。
在夜晚用f1.4時很散。

前後買了2枝分別用在canon 350d,450d& 7d 上都沒有走焦問題（1枝keep 9個月1枝1.5年）,可能是好彩吧！
2枝都冇脫皮情況，唯獨是夜晚用f1.4時真的很散，請注意。
一枝不錯的apsc 鏡。

1.以一個超值價錢買到可用大光圈，細支又好用!
2.景像出色，1.4為可用光圈!
3.咩都包，個鏡袋仲幾好睇!
4.質感唔錯，用料十足!

1.COATING必花，就住來用! 煩!
2.走焦王及半老花眼，佢不單止CANON機多數走焦，而且佢準確性很差，要CAL鏡唔在講，要好小心會否錯焦! 夜晚基本暗少少都唔水用，你以為加左支閃有紅外線幫手，佢仲好似跳舞咁亂來，完全唔得!
3.升FF必放，但2手冇補者基乎個價插水!

用左一段時間，大日光下用2.8左右可以出到意想不到效果，影像可說於APS-C超班，同段但FF鏡如35F2及28.8實在係一D十幾二十年鏡，今時今日未必追到解像度，而且一D都唔平，所以呢支鏡相當特出!

但問題也是佢對焦系統出乎意料之外的差，同一個焦點可以3次不同，夜晚唔用手電筒就唔該手動對焦，上閃光下就算唔開紅外線，日間唔開紅外線補光也會比唔上閃時對錯，好煩!

基乎個個都話佢會走焦，到底是SIGMA差定CANON有問題呢? 觀乎對影相的要求，一般用家我會推薦，但如果係要工作的話，真係咪搞啦!

1) 全開光圈算利
2) 送hood
3) 有少許重, 但少少重有手感
4) 金圈靚仔
5) 易買到
6) 大光圈, 就算唔多利, 總算用到下, 好過無相

咁既價錢, 我唸唔到
可能係上唔到FF 啦
仲有, 個鏡袋可唔可以設計成圓筒型呢？大鏡和細鏡個袋都係正方柱體, 學lowepro咁麻

講講我買時經歷, 一心想買canon 35mm 2.0, 找極都無貨, 2手價同買新一樣, 心灰。行過見到有間shop有貨, 沖入去話買, 價錢都未問, 但開盒時, 職員話係水貨, 價錢仲買過行貨添, 晴天霹靂, 唔份氣, 放低左。第二日都係忍唔住, 算啦買啦, 行過肥花, 見到幾盒s30.4, 又問下價錢先, 一問之下, 價錢合理, 行貨有保EX鏡, 嘩~~但怕走蕉, 入去照試, 一心試2支, 如果都走蕉就放棄, 買回c35mm, 第一支一試, 打標杷, E~~~好似無走喎, 試多2野(一共試左5分鐘), 真係無走, 就算走, 都係差好少(應該無添), 即買。我有s50.4, 十支有十一支都走蕉, 拿去cal, 但s30就無, 可能好彩。更開心就係, 鏡皮用新物料做, 唔係之前用開s50用開"亞亞色閃閃金粉個隻, 我買過好多sigma鏡, 未見過佢用此物料, 絕對唔易飛皮個隻,我仲用手指甲去挖添,癡線。(其實我買過好多sigma都無飛皮, 睇你點用姐, 小白記者鏡, 米甩到飛起) 外型靚, 大光圈好過c記, 希望sigma鏡以後和c記講點數, 比d data s記做鏡, 做福下c記拍友, 唔好成日去cal來cal去, 米好law. (n記就好少出事)

~~~~賣此鏡必讀!!!!~~~~~~請看用後感。

~~~~賣此鏡必讀!!!!~~~~~~請看用後感。

本人用 CANON 550D 而此鏡是於25-08-2010購入的。因買不到canon 35 F2 而 c28 f1.8 又over budget，用$31xx購入此鏡，貪其F1.4大光圈。
但用後發覺用F1.4影人時很模糊，再用測試紙試試，發現有走焦(前焦)約13mm。
再借朋友前數年買入支鏡比較，其對焦其凖。上網後發現有人拿回sigma廠cal 鏡，但無理由剛買入就要囉去整。所以數天後帶同550d拿去店舖換鏡，店員測試後同意走焦，不過前後共試了其他3支鏡。全都走焦10至20mm !!!
最後在極不願意下决定當日立刻回廠cal鏡，sigma技術員話要連機身帶回後台試機約等２０分鐘。２０分鐘後出來又話要多等一會話 “有啲資料要update”，３０多分鐘後出來竟然話走了30mm !!!!!!! 這麼多!!! 雖有點疑或但相信是正確的。
約10天後收到電話話可以收鏡，收鏡時多口問問整咗啲乜，有無拆鏡。技術員話無拆鏡但update 咗鏡頭裹面對應５５０d 啲data，但本人甚摸不着頭腦。為何朋友支舊批鏡會無問題而新批鏡出事？技術員話新鏡已清除canon 啲舊機身啲資料而輸入新機資（為何不能keep 舊資料?），相信因５５０d 是很新所以未有data。
本人回家後試鏡，發現對焦仍然不凖！沒有分別。但，LIFE VIEW 就準咗。會再拿回廠整……唉…!!!
總結﹕網上傳sigma 無canon 啲 接環資料原來真有其事(sigma 技術員話大多數上黎都都係canon 機 )。本人對副廠鏡已失去信心。見意買 正廠28 f1.8 ，報告寫35f2 & 28f1.8 optical quality 比較好。而且canon有更佳的售後服務。(sigma 廠限時限刻，office hour 至5:30 pm 又有食午飯)

-30mm 有1.4大光圈 淺景深
-鏡身扎實
-跟HOOD跟鏡套
-光圈全開算利
-顏色表現不俗
-62mm大口徑

-都幾大支同重身，用黎 SNAP 唔算方便，我插過落部 E-PL1度，感覺佢重重過部機....插7D加直度就岩岩好…不過絕對做唔到輕便既 SNAP 鏡~
-副廠鏡來說價錢唔算平，同原廠 50 1.4 差唔多
-不喜歡 SIGMA 的表面處理，第一支 SIGMA，唔知有幾影甩皮，唯有錫住用
-上唔到FF

一心唸住買佢插 7D 做 SNAP 鏡＋人像鏡，絕對做到我想要既野，試鏡一影即時收貨
光圈全開室內影都好靚. 3k頭有呢個質素，重要係 30mm (即係48mm）呢個焦段，收晒貨．副廠鏡多野跟，開箱開得開心～
不過試插落E-PL1就太大支了，連埋轉接環，成支大炮咁…我GF即刻俾返部機我拎…
有D師兄話走焦，我玩左兩日，未遇到．對我來說問題不大．

之前玩過原廠的 50 1.4 和 1.8 呢支鏡既表現絕對比 1.8好， 不過係咪好過支 50 1.4… 我又覺的差唔多…
有師兄話呢支接近 L鏡質素，我又覺得好似無咁誇，成像都OK，不過個人覺得D色未有頂級質素。
以性價比來說是很值得入手，由其是佢個焦段係APSC偏幅暫時可能係最佳選擇
現有有點衝動買埋 50 1.4 同 85 1.4.
雖然 85 1.4 未知街價幾多，不過如果under 6000的話 ，三支夾埋 13k 都仲平過唔少原廠L鏡呢...

第一支雜廠鏡 , 睇過好多師兄既意見 , 加埋二手市場既缺貨 , 終於都入手左!
暫時用緊auto(以前用手動鏡) , 但已經好正 , 暫時亦冇走焦 , 鏡頭超靚 , 好手感 , 光圈全開 , 散景深到不得了 , 光圈收一收亦都銳 , 好多師兄都講左佢既好處 , 送罩 , 小第係 dcfever買 , 寧願貴少少 , 而家用緊pentax k-x , 聽人講左好耐 , pentax 定焦正 , 我唔知係機定鏡既問題 , 小第一路都係用原裝鏡影相(唔洗話要去到好pro個d) , 而家愈影愈著迷 , 各位鍾意玩景深既朋友 , 而支真係一流(夠筆直就去馬啦!)

1) 用開原裝K-X鏡(渣得耐都會累) , 換左呢支墜手左...
2) 岩岩先買 , 甩皮問題未知...

暫時咁多 , 多謝分享 ^^

小第對相機既認識只係好皮毛 , 睇左好多意見之後 , 終於入手左 , 鍾意玩景深既朋友值得一試 , 當初買單反既原意就係想玩景深 , 希望幫到大家 ^^