依枝小黑三我相信不少師兄都用過，可能有好多師兄未上小黑六前，都用過小黑三的。
此鏡的質素當然與小黑六有一段距離，長焦無防振亦是一大弱點。但如果以二手價錢買入的話，此鏡絕對是性價比高的高質素鏡頭。
雖然小小黑出左之後，因為小小黑的質素直迫小黑六，另到小黑三變得失色不少。但此鏡的2.8光圈，始終小小黑的4光圈是有差異的，尤其是在室內暗燈環境是無可取代的。
當然買小黑六可以兩全其美，但重同貴亦都係事實，對於有預算考量的師兄，可以考慮此鏡。
另外值得一提的是，小黑三配上比較高階的機身，對焦快速準確，完全發揮威力。
本人就同時擁有小小黑同小黑三，各有所長，各有味道。

- 超高性價比
- f 2.8 帶給你一種nikon 舊鏡的柔和，收到f 4 就已經比到你稅利感
- 散景迷人 ( 波波 )
- 較輕，與新的小黑系列比較
- 鏡身堅固
- MIJ (見人見志，但對我來說算優點)
- 內變焦 (減少入塵機會)

- 對焦嘈左少少同慢少少, 會有迷焦的情況發生
- 冇VR
- 冇nano coating
- 最近對焦1.5m
- M/A 環粒制感覺脆弱
- 腳架環與鏡身一體化，不能除下

支鏡用左1年有多，陪伴過我出入不同場合，影雀、演唱會、Pre-wedding、big day 等....缺點中所提及都是真的，但是以一支出產左10年以上的鏡，對得起佢既價錢有突！
作為用家，買鏡頭要知道自己為咩目的而買﹕
1. 影雀
確實，以焦距以言，小黑3不是你考慮的範圍。
但像我一樣的業餘玩家，只想在香港公園等距離較近的地方拍雀鳥身上的每一羽毛，它絕對可以做得到，甚至超出你想象的好！我亦試過成功拍過雀鳥飛翔、翅膀展開的一刻，那份成功感我相信非用機皇鏡皇所能帶給你！當然過程是不斷失敗及嘗試，但卻能有效訓練自己的拍攝技術！

2. 演唱會
記得第一次影演唱會時還是C記7D用家，問朋友借了 70-300MM及單腳，上網參考C兄C姐的建議去影，出來的效果滿意。轉會後，D300S + 小黑3，沒有帶備單腳的情況下一樣令人滿意。轉用D700 + 小黑3後，沒帶備任何腳架，手持狀態下照片的質素卻是令我驚訝！支鏡影D 較黑的場合原來都可以咁好，加上D700 高ISO 的輔助，令手持拍攝的成功率大增！經此一役後，我開始發覺並不一定需要鏡皇才可以拍出令我心動的照片！

3. Pre-Wedding
拍攝靜態照片，小黑3一樣不會令你失望，大光圈、淺景深、波波的散景等通通比到你！而喜愛聞相的朋友(包括本人) 亦可以讓你聞個飽！逆光下的表現可能會有點失望，但是用得支鏡就應該知道支鏡的特性，pre-wedding 其實可以好自由，model完全在你的控制範圍內，定必要在逆光下強行使用，這樣不是自找麻煩嗎？
我覺得要克服任何的拍攝環境，除了器材，技術同樣重要！能夠將手上器材的特性發揮出來並且用到盡才算是一個聰明的攝影人。

4 big day
拍攝婚禮，長鏡已經幾乎成為必備器材，因為黃金焦段能輕易突出主體，為新人拍攝特寫，所帶來的壓縮感會令人一見難忘。由於婚禮多數在室內進行，較昏暗的環境下為了進一步降低安全快門，VR變得重要，因此很多人認為小黑3有所不足。就個人而言，有VR當然好，但本人手不算震得勁，f/4, 200MM, 手持1/100s~1/125都還可以，當然要推高ISO加以輔助。D700+直倒、閃燈再配小黑3的重量的確很重，即使我是男仔亦覺得手上拿的是一舊鐵，運用此鏡可以訓練自己的手更定，亦會驅使自己鍛練身體、多做運動、變得更健康....哈.....現在我拿DC可能仲震

如果你問我想唔想升級去小黑5/6，我會答"想"，但耐何我不是有錢人，我現在擁有的已經是我所能負擔中最好，作為一個業餘平民用家，清楚知道自己想要什麼是十份重要的！

我見過一味追求器材卻於攝影上停步不前的人。
我見過沒錢追求器材卻愈拍愈靚的人。
我見過攝影初哥用高級器材拍出平凡作品。
我見過攝影高手用入門器材拍出非凡作品。
其實講咁多都係想帶出...器材是死的，能用有限的資源，拍出自己想要的才是我所追求的攝影。

1: 當然係2.8大光圈啦
2: 對焦爽快, 我支冇走焦.
3: 色好暖啊, o岩哂我!
4: 顏色好銳利, 雖然係舊鏡, 但係ED鏡片絕對有能力抗炫光~
5: 金屬mount, 鏡身鋼水都好好, 好紥實的感覺
6: 冇論銳利度、反差、色彩、層次、昡光、鬼影、色散、變形、暗角等, 都係有誠意之作
7. SHARP
8. 色靚
9. 散景正
10. 層次分明
11. 抵用

1.重
2.冇vr(呢個價仲想有vr嗎?哈哈

欣賞佢抗炫光能力, 有$當然直上小黑5/6啦, 冇咩$又想玩住大光圈先既, 小黑3絕對係你要搵既野, 我下個目標都係小黑5~6. 咁既價錢....7千頭買支小黑真係唔錯影人好得. 完全入得過呢支鏡.

樣子夠Pro,出相D色水夠覩,恆定2.8大光圈

舊款,無VR

比較同價其他Tele鏡實在超值.

色澤一流
手感結實，有安全感

重，但會慢慢適應
對焦好小好小慢，可以忍受

使用了短時間，但色澤非常滿意，影人物特別銳利，不會讓人失望。
lb5 .lb6太貴了

平
Ｆ２.８
色靚
對焦都好爽
Zoom 時-鏡桶不會變長

嘈!!!都幾嚇人^^
尾段真的有迷!!走焦２００!!!
腳 mount拆５到!!!重

其實整體都５錯　鏡身結實幾靚仔　無小黑４５６禁大重^^我都係影人同植物多...讚色好利　Ｄ９０對焦一樣禁快//晚上加腳架利　無af-s 無vr 但影出黎D相一定可滿足到你..妳(^^
好鏡一定要推..........

2.8大光圈
手持感一流
成像及銳利度滿意
靜態拍攝AF 速度滿意

AF 200mm段無限遠有走焦情況
腳架mount太細

用左10年0既老鏡當然唔可以同LB456比啦

但唸唔到4仔停產左, 6仔都出埋, 3仔重長賣長有...

自己覺得此鏡靜態拍攝一定足夠, 但不境年事已高,

如要用來高速追車0既話, 5仔6仔先係你0既首選~~

外形專業,成像不俗 ,價廉物美.

有迷焦現象,限焦掣有點重手,兩米以內對焦不准.

論成像質素,一貫Nikon水準,但用自動對焦轉手動要花上十秒鐘,費時失事,與小黑五的全時間手動差佷遠,不過一分錢一分貨,用家自己選擇.

1: IF對焦, 對焦環唔會跟住轉(呢個價當然應該係咁)
2: 當然係2.8大光圈啦
3: 對焦爽快, 我支冇走焦, 不過聽講好多人都有....
4: 色好暖啊, o岩哂我!
5: 顏色好銳利, 雖然係舊鏡, 但係ED鏡片絕對有能力抗炫光~
6: 金屬mount, 鏡身鋼水都好好, 好紥實的感覺
7: 冇論銳利度、反差、色彩、層次、昡光、鬼影、色散、變形、暗角等, 都係有誠意之作
8: 2手買入...4xxx, 抵到爆, 連hood及鏡筒, 真係好靚仔~

1: 冇afs啦, 追焦方面會慢少少, 其實我始終覺得係睇部機
2: 對焦聲幾大, 我影蝶都幾騷擾
3: 最近對焦要1.5米, 有時走前走後都幾辛苦
4: 2.8光圈去到200mm > 散境=.=散到好朦
5: 冇vr(呢個價仲想有vr嗎?哈哈)
6: 比人話佢重>>>手工好之嘛....
7: 支鏡吸熱吸得好緊要, 曬佢5-10分鐘已經好辣手
8: 腳架唔可以拆...嗚嗚, 有時覺得好阻礙

用過sigma同tamron之後, 總係覺得不論色水, 對焦快慢, 手感等等問題, 始終都係副廠鏡...
最後都係用番nikon, 欣賞佢抗炫光能力, 唔易入塵.....

呢支鏡雖然話舊, 但係手工及內涵真係超班, 想比而家新出的sigma 70-200 apo鏡, 價錢差不多, 但係質素高一班, 既然大家都冇vr, 梗係要原廠啦!!!

最開心當然係>拎出黎人地會覺得你pro嘛, 好似d人個個拎小白or小小白, 點知隔離突然出現個大白! 真係可以嚇窒人架~我見d人用384都投以一副羨慕的眼神望住我支鏡~哈哈~

有$當然直上小黑5/6啦, 小黑4唔好諗啦, 冇咩$又想玩住大光圈先既, 小黑3絕對係你要搵既野, 我下個目標都係小黑5~

和 VR 版的小黑五相比, 小黑三也是一個唔錯既選擇.
質素: 原裝恒定大光圈已是信心保証,
有啲師兄話 170-200 MM 嗰一段有走焦情況, 可能我技術唔夠班, 睇唔出啦!
影出嚟啲色好靚, 好 \"潤\"
價錢: 原廠 VR 價錢既一半, 同副廠價錢差唔多, 仲想點?
速度: 我自己未試過小黑五, 但小黑三既對焦速度我就好滿意

真係重, 但真係值得
無 HOOD, 但上 NIKON CS 道買又唔算貴, 盛惠 HK$150
我用 D80, 用小黑三加直手柄時, 如果要上腳架就比較麻煩, 要先除左直手柄先, 將鏡頭上左腳架後, 先至可以上番個直手柄.

同其他師兄所講一樣,

\"有錢就小黑五啦, 無錢就小黑三啦. \"

不過就算我有錢, 我都係揀小黑三, 剩番啲錢買原廠個支超貴 17-55 F2.8 鏡皇.