估吾到HSM咁爽咁快
天涯鏡嚟講成像算好

250mm 只出現在無限遠對焦，如一般室內距離zoom盡大約只有180-200mm 。
防震效果不顯著，但加FT1用於Nikon 1系列會明顯改善。

天涯鏡使用經驗不多，對上一支係龍仔18-200，嗰支真係放都放吾切，呢支好太多。
二手仟餘元好抵用。

．畫質不俗
．有HSM對焦系統
．對焦速度很快
．在正常光度下極準焦
．對焦很靜
．手感好
．外表型棍
．比原廠便宜
．送遮光罩

．在暗的環境下難對焦
．在室內/陰天的環境下易失焦
．好易鬆，可以變自動伸縮鏡(SOOM到250再向天)
．有開和無開OS防震無太大分別
．好重，比550D更重
．易癡塵

雖然，天涯鏡嘅畫質唔係咁好，但勝在方便。

我係用C記 550D的，配喱支鏡都幾岩使。
喱支鏡喺影雜相時充分發揮佢嘅作用，
尢其係影車嗰陣，對焦能唔係話好強，
但失焦情況唔會好嚴重，有時仲好準添
支鏡係重，但我冇咩所謂，支鏡易癡塵，
咪清潔下支鏡囉，睇下你錫唔錫支鏡啫。
所以，喱支鏡唔係大家想像中咁差的，
我覺得T記18 - 270都冇佢咁好用。
最後，如果大家想買天涯鏡嘅，
我覺得首選一定係佢，謝謝。

1.顧近又顧遠

2.Hsm-對焦靜又夠快

3.有鏡hood送(慳返買hood d錢)

1.重

2.很重

3.好鬼重

4.變焦環易有塵埃

我用黎配canon 550d感覺唔錯,唔知打雀o唔ok,不過出街只係一支鏡走天涯，真係幾正，但係女仔用應該辛苦d(好重)，只好用慳番買hood既錢用黎買減壓帶啦

1, 一支玩哂全焦段
2, 諗唔到o勒!

1, 重到想掉左佢
2, 弱光下對焦超慢, 有時仲對唔到添
3, 18-180 範圍影像尚算ok, 180 打後影果d 相你會以為係DC 機直出
4, 鏡身唔知乜膠做, 勁易黐野

初時買黎諗住拎去旅行用會方便d, 唔駛換黎換去, 點知拎住佢影左半日就有種衝動想掉左佢!
最後我真係掉左佢...比二手舖....
最唔妥佢係重, 拍攝成像又真係好一般, 要求高少少都收佢檔.

對焦快(好靜...)
手感唔錯
暫時冇走焦

重 , 渣得耐幾累(之前用sigma30mm定焦)
鏡筒伸出黎時 , 外型不太討好(要用遮光罩掉轉笠 , 遮返一小部份...)
成像感覺唔算好銳....(雖然可photoshop..同埋小第鍾意pan鏡 , 影賽車 , 所以都ok)

用緊Pentax K-X , 本身想買新既Tamron18-270 , 點知原來冇pentax , 可以話焗住簡呢支 , 因為pentax 18-200唔夠用...我買呢支鐘係因為有時玩pan鏡 , 影賽車 , 之前用開sigma30mm定焦 , 好好用 , 夠銳 , 但影唔到遠野 , 有時都好煩 , 18-250試過拉到250影人 , 後面完全做到散景 , 即係30mm做到既,呢支都做到 , 但18-250做到既 , 30mm就做唔到 , 唔洗換鏡 , 夠哂方便 ...不過可能新買,拉鏡時幾實...有師兄話用耐左會鬆...睇到時會唔會仲好用(因為要pan鏡) , 同埋個師傅都話鏡開OS時 , 機身要off個防震(如果唔係會低銷) , 拉到250時 , 對準左隻鷹 , 一按即lock , 快手 , 隻鷹試過一走開 , 即刻搵唔到個焦...其實除左伸鏡後既外形唔好睇之外 , 其他都可以接受 , 夜晚仲未試鏡 , 總括黎講唔錯

1.有HSM, 對焦夠靜, 夠快.
2.$4000左右, 唔算貴.
3.18-250 一般常用距離包晒.
4.唔覺有偏色, 暗角, 成像亦可接受.
5.送蓮花遮光罩(雖然長焦距時唔係好用得著)

1.有少少重, 但都仲可以同我部笨仔構成微妙既平衝感.
2.影像唔夠sharp, 開到200後光圈收到f/11都係有唔少色散, 不過買得支天涯鏡返黎偷懶既, 自己心中有數係咪買佢返黎聞相.
3.72mm既filter有少少貴.
4.鏡身太粗, 遮住內閃, 焗住要用外閃.
5.光圈唔夠大, 無閃燈就實情變太陽鏡, 有OS都係咁話. 但支鏡已經夠粗, 再大光圈會重到唔駛拎出街.

小弟用笨仔機, 睇過佢介紹話只可以使用佢既OS或者笨仔既Shake Reduction其中一種, 我試過兩種一齊用, D畫質會跌好多, 一般唔建議咁用.
其實以上既缺點2同缺點5, 你買支鏡返黎果陣都預咗.
差不多所有方便用家既功能(HSM, OS, 包齊常用焦距, 差咗個大光圈.), $4000左右就買到, 其實適馬真係有用心去考慮用家點解要買呢支鏡.
本來我都掙扎咗半年買龍鏡定係馬鏡, 因為個OS浪費咗, 但最終都係因為佢有個HSM而決定比多幾舊水買適馬.
宜家我用咗一個星期左右, 出咗三次街, 其中一次夜拍, 迷焦唔嚴重, 但個焦距用起上黎就真係好方便. 我只係一個初學者, 並唔係職業攝影師, 我亦都唔會聞相, 用黎影Snap絕對夠用! 不過如果屋企無支外閃既, 就要再諗一諗, 因為收到最短無加罩都會遮到. 買得返黎用就要預咗買多支閃燈.

一鏡走天涯
對焦很寧靜

售價最昂貴
間中會迷焦

Sigma 18-250mm F3.5-6.3 DC OS（防震） HSM（超聲波摩打）
售價：$3800-$4200（送遮光罩）
鏡頭種類：標準變焦鏡頭
濾鏡：72mm
重量：630克
最近對焦距離：45厘米

雖然一向用開Canon機，但對Canon鏡頭沒有好感，主要原因是Canon沒有出適合我用的天涯鏡。
Sigma是我經常使用的鏡頭，一向感覺良好。

一鏡走天涯

很多Ching都批評天涯鏡的質素不及定焦鏡，這是客觀的事實，但天涯鏡的優點是「影到相」，無論遠近都可一鏡捕捉，這並非定焦鏡可以做得到。
對於喜歡遊山玩水採花打雀招蜂惹蝶的用家，Sigma 18-250mm F3.5-6.3 DC OS HSM，這支天涯鏡短小精幹就最方便。
18-250mm的選擇不多，除Sigma及tamron外，廠鏡只有Sony及Pentax（已停產）。

間中會迷焦

我覺得這支鏡頭的最大好處，是當用到250mm時，也可近至45厘米拍攝，雖然間中會出現「迷焦」（鏡頭無法確定對焦位置而不斷尋找），但頻率可以接受，平均拍攝一百張出現三四次。

防手震功能

這支鏡有光學防手震功能，但對我來說用處不大，因在快門只有二份一秒時，我也可手寺相機拍攝，所以防震及腳架對我來說是沒有用的。
此外，採花打雀招蜂惹蝶經常用高速快門，不會用到防震功能。

顏色稍偏黃

這支鏡頭在顏色重現方面，出現偏黃，黃色及紅色都比較濃，對於顏色較淡的Canon機來說反而是一個好處，但用在一向「爆紅」的Pentax，則雪上加霜，用在將色彩優化的Nikon及Sony機身，黃紅兩色都深得異常。

黑暗要找焦

在對焦方面，這支鏡雖比Pentax廠鏡慢，但仍可感受到一按即鎖死的快感，當Canon、Nikon及Sony廠鏡還在「拉風箱」（找尋對焦點）的時候，這支鏡已經拍完另尋目標。
在光線不足的環境下，這支鏡要慢慢找對焦點，真的是慢慢去找，找到後才將焦點鎖定。

對焦很寧靜

這支鏡在對焦時十分寧靜，不會嚇走雀蝶，若與其他廠鏡的對焦聲比較，這支鏡的聲音是綿羊仔；Pentax是小房車；Nikon是小型貨車；Canon是巴士；Sony是貨櫃車。

鏡筒鎖防滑

伸縮式鏡頭用久了會出現鏡筒滑落情況，鏡頭如一條伸出來的象拔一樣，這支鏡的防滑鎖，可避免出現象拔，新鏡因不會滑出，這個鎖形同虛設，到用了一段日子，鏡筒鬆滑時，這個鎖才會用到。

售價最昂貴

18-250mm鏡頭的選擇不多，Canon及Nikon欠奉，Pentax亦己停產，在四支同類鏡頭中，Sigma的售價最貴。
Sigma 18-250mm F3.5-6.3 DC OS HSM
（約$4200，二手價約$3100）

Sony SAL-18250 DT 18-250mm f/3.5-6.3 High Magnification Zoom Lens
(約$3890，二手價約$2800）

Pentax 18mm-250mm f/3.5-6.3 AL IF Autofocus Zoom Lens
（約$4000，已停產，二手價約$3000）

tamron AF18-250mm F/3.5-6.3 XR DiII LD Aspherical [IF] MACRO (Model A18)
（約$3680,二手價約$2000)

- 對焦快﹑靜
- 色水靚
- zoom到中段依然出色
- 夠扎實
- 手感正

2月中入左呢支鏡,但上個禮拜就拎左返廠整..@@
因為個光圈組件有問題,令到支鏡連接唔倒部相機,
問過d職員,呢個組件係咪好易出問題,佢答唔係,都好少會有事.
隔左5日,就拎得返支鏡,都算快!

450d+呢支鏡,出黎既效果都好好!
用左咁耐,都覺得佢係一支好鏡^^

有 OS
有HSM
72mm比較順眼粗壯

72mm 能改用77mm 更好
不能上 FF 機

原本使用 7D+canon 18-135 顏色淡而沒味，換上呢支Sigma 18-250mm 就靚好多，色彩豐富好多，外觀都係靚仔款，72mm 不過不失，重量適中，天涯一支好鏡！

優點係枝鏡真係好廢

d色又唔濃又唔利
下面d人買完只不過係"買花讚花香"

第一日買第二日賣