缺點:
SWM靜音犘打,不算嘈,不過也不算是靜音,聲音還怪怪的,之前有師兄REPORT過,
長期缺貨, 各店貨一到,即掃空,跟本無時間比你去各店走走試試及考慮,
價錢漲了,百記$1850,比之前貴了幾百蚊,
評價:
期待已久的1.8G終於入手,找了個多月,每次問親都係無貨,
一如往日,行下旺角,走入各大相機店,八下望下,通常我都望下貨架或飾櫃有冇返貨,
因為問到悶了,都費事問,走到X成,無意聽到有其他客人問此鏡有無貨,
出奇地店員說今天返了貨啦,不過......又賣光了,心想:我又遲一步了 = =" 轉頭走入,
再轉戰百記,一眼就給我望到支35MM,(因盒上有DX的白色字,好易認)
即時問價啦,開價1850,還要說是最後一支,正心大心細的時候,突然身後又有人問呢支鏡,
心想是不是剛才在X成的人兄呢,回頭一望,非也...原來是另外一位垂青者,
那時候,不知是不是怕執輸既心態,即時叫店員拿下來試鏡..
CHECK 完鏡,無塵無花,叫店員拿部D90我試鏡.因當天只打算行下街,無帶機,
他一手拿部D300下來,還說:橫掂都係啦,比呢部你試,毒埋你啦!! 真吹漲!
再問店員拿2.0D上機再試,對焦,成像,分別不大,不過反應速度好似2.0D快些,
不過1.8也很爽,在店裡影了數十張後,放低錢,PACK鏡走人.
回家再上回D90處,用後感覺很好,於暗位對焦算快(比起原廠KIT 18-105快很多),
成像細緻,1.8全開散景好勁,不過紫邊都幾嚴重,收到2.8就無問題,非常利,
室內拍攝全無問題,影小朋友,寵物,必備!!
本人也考慮此鏡也很久了,再加上長期缺貨,本來想直接買2.0D的,不過個人比較喜歡新鏡外型,
手感及質感也比D鏡好,雖然是國產,膠感重,不過至少不會好似D鏡用久後驚甩漆及刮花,
另外其金屬MOUNT,原裝跟HOOD,袋,令人討好!
之前有其他師兄說過聲音怪怪的,試過才了解明白,不算吵耳刺耳,不過此鏡SWM系統麻麻地,
比我的KIT鏡嘈很多,另外就是加了價,買貴了一點,感覺有少少唔好!不過也不影響他的性價比,
$2000樓下,還算合理!
點都好啦,早買早享受,DX機絕配的定焦大光圈DX鏡,NIKON用家的必選!
是一支平靚正的好鏡!