快，狠，準，重，色彩鲜艳

重，大，長，白色！

優点大家都知，但是重又是優点，可以很稳，也是大缺奌，我買二手九成九新9800，上手講影咗三次就長放防潮箱，所以和新一様，我當時認為把好鏡埋没就買了带回家，頭幾次興致勃勃带出去影女友，女友看到相也很开心支持，但是幾次之後，女友因为我掛住小心保護支鏡一係長揸係手，一係搞一大輪又包又裝又拆就覺得烦話緊張支鏡多過佢，所以就粗小小用，就是因为白色，吾覺意碰到小小馬上花！所以後来很小帶出去了，最后支鏡買了一年，就係頭两个月带出街小於十次，最後過年前清屋賣出，就是因为碰花被多名買家大壓價，最后八千多賣比朋友算了。
所以除非確定非常有興趣而且有拍摄目標，否则不是職業所需不要買！只有浪费钱和浪费枝鏡

SHARP
色水靚
對焦快

重
個hood好化學, 一野拎爆縲絲

重重重. 不過質素俾番你

spec 就唔多講啦、但canon 1000蚊rebate 就真係好吸引！小弟之前仲係十五十六、原因得一個、就係$$ 同70-200mm可用性有多大，结果就因為以下原因就ko 左佢：
1) 我不因打雀英雄。
2) 有7d and mark3 ，所以就等於多左個1x1.4。
3) 恆定光圈、点睇都好過大白。
4) 1000大元rebate
5) 新年前有得玩.

lens 袋超大、仲大過我之前嗰支大白。
重。
近攝得1.2 冇 新大白0.98

Ok lar. 如果真係唔mind 重的話。

1. 色水濃
2. 長焦鏡呈現既壓縮感立體感強烈 在70mm處已經體現到(比較24-105同24-70的70mm)
3. 如果影人像.....呢支係一流又方便既鏡
4. 對焦速度算快

1. 用6D同5D3響低光情況都不少機會拉風箱....
2. 有時色水濃到 有點唔自然
3. 唔上filter的話....鏡面一有塵好難清走 一吹就會zip響邊緣度 每次清潔佢都好大工程
後尾還是死死氣買返塊filter.....
4. (重點!!!)Oversize body!!

阿媽係女人同睇規格都知既野唔講

用左年幾其實對佢都無咩怨言 但相反又唔覺有其他Ching講得咁好咁誇張
色水係濃係靚 影像係正到dom一聲又細緻解像又高 虛榮感又真係十足添

事實上呢？如果唔係影人像/event 呢支野出勤率真係唔高
重量真係無乜所謂對我黎講 85L都係咁帶出街
問題係好難有相機袋收得埋佢....size太長 每次拎佢出去都要fullgear
帶佢出街一定要用背嚢 斜咩袋睇過市面上無乜邊隻係carry到...除非剩係帶佢一支出去 唔帶其他鏡呀燈呀咁啦
小白兔 型係型既 出貨既質素係高 問題係出唔到家門 能力幾高都發揮唔到
如果考慮緊24-70 2.8同小白兔既朋友而又唔係因為做JOB要用 只係業餘玩下既話.....都係24-70 2.8啦！信我....小白兔既size絕對會係你唔拎出去既原因之一.....

除左呢樣都無咩好挑剔支鏡

至於有人拎佢同282比 我覺得就算啦 根本兩個唔同世界
282係prime lens 光圈又大一級 鏡價係小白兔兩倍 咁都有得比咩?

Btw.....如果諗住用佢加2X增距 奉勸閣下都係入多支456/384 佢加左2X之後跟本表現唔到L鏡應有既水準

IS,USM,waterproof,zoom,F2.8....種種符合機動性條件既spec
鏡身紮實;變焦環好扭;
對焦速度比想像同察覺快

先天性問題:重量,需配合體積較大既機身;白色鏡身變相高調....
色調似乎稍濃

喺十月頭購入70-200之前,一大段時間都係用228(定焦200)....(詳情可以睇返小弟對定焦200既用家心得)
因為當時試70-200裝上650D有overload既感覺,而且速度上同228差唔多....
大家無睇錯,因為一支快鏡裝上一部慢既機身,一來未能完全發揮十足既速度,二來因為重量既差異加上機身相對過細,右手未能作出最大施力....
加上價錢既差異,於是當時決定入手228....而幾次既實戰,出來既效果其實係好好....

後來轉用7D,再加上拍攝既難度同門檻逐漸提高,228既缺點開始浮現....
可能大家一諗就會係因為無得zoom....其實呢個問題絕對唔係首要既因素....

第一,係對焦速度....
喺一般既拍攝環境下,大家其實大可以買tamron A009,又或者原廠non is/第一代,但係站喺一個充滿電光火石,瞬息萬變既地帶,就好難唔一步到位....再加上現用7D,之後更會再購入7D mark II,係極需要高速既對焦配合佢地既連拍....
好多人試對焦都會用對近對遠既方式,但因為多數都係靜物,所以就算唔標準快速既鏡頭,喺呢種test之下好容易帶來高速既對焦體驗....
簡單來講,大家喺試鏡既時候,多數都會覺得快,因為個環境俾你試既多數都會夠光,而且無移動/幅度細既物體,就算唔快既鏡,都會好大機會帶俾你對焦快既錯覺....
228本身已經唔係慢,甚至比一D副廠近期出既70-200都快,但係喺7D既配合下就開始吃力....如果之後面對7D2既十連拍恐防唔能夠發揮應有既水準....

第二,防水滴....
無錯,防水滴唔等於係專for你落雨打風時影,但當有一個甘既條件既時候....至少唔使一兩滴雨都要驚餐死....

第三,<解決>重量既問題....
無錯,係某程度上既解決,因為重量呢家野係唔會消失....重點係因為轉用大碼既7D,喺之前一次試玩Tamron 150-600mm同A009....後來返到屋企先諗起一樣野....點解唔似650時期甘影幾張就軟手....唔少fd聽完之後都覺得自己因為玩得多而大隻左,但個人認為係機鏡既重量平衡加上把手夠大,令自己揸得順手左....

第四,先係Zoom既問題....
早期因為影演唱會,而且主影close up好多時都要用盡200mm呢種tele既幅度,所以無zoom既影響完全唔大....但係後來因為要拍攝event,snapshot等場面,無可厚非係需要zoom鏡....

其實喺決定用70-200之前,係諗著用135prime再加228,配合兩部機同時take shot,但因為135既景深模化既特色,發現違反左自己project所研究既完全中焦呢個terms....而升級既選擇又真係唔多....首先一講到要恆定大光圈2.8,好多鏡例如384,大白,肥白,小小白等等已經foul....
then要手持方便....282,328果D又係摺得,而且自己都無甘既資金去買....
副廠既70-200唔夠快,又foul得....
第一代70-200得2手而且都唔係平,non is 一手都要過10k,而且都講緊90年代出,
所以寧願俾多幾千蚊買支科技最好既新款....
除非發左達,再加上拍攝既環境有轉,相信呢支都幾難再有得upgrade....

70-200已經到手,來緊仲差7D2同24-70,就正式完成full gear....

一、光圈達2.8，拍攝光線偏暗的舞臺表演時大派用場
二、四級防震非常實用
三、備有USM，對焦極快
四、成像銳利、色彩自然、富層次感
五、造工堅固紮實

一、價格太高，令人卻步
二、相當重
三、70-200 mm的焦距已相當實用，但因為我主要是拍攝現場劇照，若在大劇場裡的話，200 mm會力有不逮

為了給朋友拍攝現場演出劇照，同時希望提升照片質素，租用了這支EF 70-200 mm f/2.8L IS II USM鏡皇配EOS 5D Mark III。自問技術只屬一般，但劇照效果出乎意料的好，朋友非常滿意，我也很高興。2.8光圈在燈光複雜多變而大致上偏暗的舞臺環境下盡展所長，無論燈光強弱，盡開2.8光圈也沒有絲毫問題，既能清晰展現焦點所在的演員表情、動作，也能兼顧舞臺燈光效果和布景顏色，光看照片也感受到現場氣氛。另外，即使在淺景深的場合，後排演員的表情仍相當清楚，與焦點所在的前排演員互相呼應，有助準確捕捉動人的戲劇效果。USM對焦極快，能凝住長袖飛舞的一剎那，就像時空停頓了一般。照片成像非常銳利，色彩鮮艷而自然，亦富層次感。
礙於規格，鏡頭重量似乎是無法解決的難題。朋友連續演出三晚，第一晚挺著這個頂級拍攝組合連續拍了三小時多，期間只得換景時有數分鐘休息時間，對雙臂耐力是一大考驗，猶幸第二晚已適應了。
也許是座位問題，70-200 mm本來已相當實用，但若演員站在舞臺後方，拍起來有點吃力，相信70-300 mm的話就沒問題了。可是魚與熊掌從來不易兼得，以影像質素論，這支70-200 mm已無愧鏡皇之名。儘管我只是租用了幾天，仍覺得它名不虛傳。

1. 成像銳
2. 色準
3. 對焦速度快到一個點
4. IS真係有4級 我個人手持1/8s都無震 !
5. 相比小小白IS更有實在感
6. 絕對滿足到虛榮心
7. 最緊要既係 恆定2.8無得輸
8. apsc機用佢焦距岩岩好放落部70D最tele去到320mm，但放落5D2就有點唔夠了....
9. 支鏡本身密封 無入塵威脅

1. 比小小白IS真係重到一個點，初頭由小小白IS升上黎真係好唔習慣。用左一個月後忍唔住入埋282既時候，佢既重量已經不算什麼了.........
2. 呢支鏡既C/P值絕對唔高，甚至真係有啲貴......假如回落到15000蚊左右(新)就比較合理[p.s:你睇色馬支70200/f2.8就知 人地一半價錢都唔駛就做到2.8 成色真係同呢支小白II差不多....不過自己係完美主義者 最後都係pay左]
3. 我總會覺得有一日會扭爆個hood鎖 其實鎖同唔鎖我覺得無咩分別.....
4. 腳架環好易花....出勤兩三次已經花左啲邊位
5. 個水壺袋唔睇得又唔打得，想囉佢防趺防撞就差啲啦

本身因為中左大光圈毒，由小小白IS轉上黎。第一次去毒氣室試果陣心諗：嘩Ｘ！咁重o既！但拎左上手兩三分鍾習慣左就無乜野。不過一放低左你要再次拎返起佢o既時候，同一番說話又再響口中出現。試過比啲fd拎起佢連埋部5D2，佢地都會話：得啦！然後就立即放低。鬼咩！加埋成2.X kg！不過我幾享受拎佢出去掃街，佢既成色好多師兄都講過唔重覆。不過佢個IS就要讚一讚啦！4級IS就真係4級，無比小到！我甚至有啲懷疑佢有5級！有幾次夜晚響蝴蝶灣試，1/8s都居然都無震過！有次坐緊紅Van響青龍頭度行緊拎佢出黎追日落，都成功影到！最近入左282貪佢光圈更大同影深更淺！不枉稱為空氣切割機！小白II既出勤率下降左。不過平時掃街同長焦風景都會繼續用佢，畢竟掃街同上山都要減少下重量！下下揹住差唔多10 kg幾個鍾並唔係好受的！仲有個袋，個袋望上去就好似防到撞擊.，實際上用料都幾硬下，防唔到好多，大力少少都會撞壞支鏡，１米趺落地下我諗到支鏡都應該玩完...同埋個袋既Size真係有點兒大同怪,大我可以接受,畢竟支鏡本身粗,但個外型我諗可以改進下。至於腳架環，唔係係咪上色果陣D顏料上得太厚，底部啲邊位好用指甲割一下已經甩，有次hi到個後鏡蓋邊又再甩咁啲。不過呢樣就吹毛求疵唧。反而個hood就真係無乜會留意！因為我有o既鏡入面係得佢一支鏡既Hood係有鎖！！習慣左個Hood就咁鬆，無啦啦有鎖真係唔慣。有幾次差啲扭爆！係扭扭下掂到個掣先醒起要禁實先至扭到......雖然係咁，但呢支鏡我個人認為都係值得入手既。但好睇你個人o既要求。如果你對影像質素有番咁上下要求又唔想駛幾雞野去買支282既話入佢係一個很好既選擇。如果唔介意發色淡左啲＋無IS＋無zoom+非白鏡既話我建議可以試下228，之前問過個同學借黎玩過一個禮拜，佢絕對係一支好鏡。雖然呢支鏡無咩師兄提起過，但係佢成像絕對同小白2差唔多，而且平到一個點.....全新行貨六千頭左右，水貨更平，二手同小小白non-is二手只係差幾百蚊，不過呢支就好少人放啦。而且都係多小小白IS佢5g咁大把！！各位中大光圈毒又怕重既師兄可以考慮下佢....
如果：
唔怕駛錢，唔怕重，要極致影像質素，IS，成色銳，極淺景深→２８２啦
唔想投資幾萬蚊買支２８２，要高影像質素，唔怕重，IS，Zoom，白鏡→小白２啦
窮苦人家想搵支C/P值高，怕重，要2.8光圈，影像質素，機動性→228啦
對光圈唔太執著，要zoom，怕重，機動性，白鏡，IS→小小白IS啦

師兄講晒

師兄講晒

14年前己睇中C記白鏡（那時剛推出第一代防震不久），但價位實在高，不捨得買，好多時行過相機鋪，望吓就算，今天终於入手了，能完成多年來的心願，興奮的心情足足持續了一個星期！而用過之後，終於明白小白兔為甚麼叫「鏡王」！

首先，規格上不是支支L鏡都是如此落「重本」的！例如防塵防水滴，85mm1.2L及35mm1.4L就沒有！有防塵防水滴的，卻不是支支有瑩石鏡片兼有5片UD！（如24mm1.4L、135mm2.0L）有多一點特殊鏡片的又不一定有防震（如24-70mm2.8Lii）有防震的又不一定有兩種防震mode兼有做工一流、手感十足的金屬鏡身（如24-70mmf4L就沒有）。所以，當我考慮到16-35 mmf2.8ii都買萬一至萬二元，而85mm1.2L都買萬七的時侯，我就不覺它「貴」，至少它「貴」得較合理！

很多時小白兔被批評重，基本上我是認同的，因為用了半天後隻手真的會覺得累！但我卻心甘命抵，不會埋怨！一來不要忽略鏡身重的好處，正正由於鏡身重，所以快門的震動對小白兔完全沒有影響，按下快門的剎那極為穩定；二來買之前己做足資料搜集，己有心理準備預咗重；三來有那一個品牌的70-200大光圈是輕身的哩？S記和T記同規格的兩支都是1470克，只比小白兔輕20克，所謂「食得咸魚抵得渴」，做個比喻，明知現在打網球，你卻用打羽毛球的方法來打，之後埋怨支球拍重，這就有點不合理，應該做的是提醒自己不要用錯力，及不使用時就將小白兔橫擱在手臂上或放回背包內省點力才實際。

小白兔的影像質素十分高！未影相之前拿它與24-70mmf4L及一支Sigma 20m1.8定焦比較，打側看看鏡片的鍍膜，這兩支鏡都分別出現不同程度的籃紫色，看來有點雜亂的感覺，但小白兔卻是很纯正的一片綠，沒有雜色，完美無瑕！之後發覺影出來的相片，無論色彩、對比、銳利度等各方面都好理想，畫面sharp得來色彩又不會過份濃，恰到好處，取得很好的平衡，對我來說，大部份相片都十分討人歡喜，可「直出」收貨（但以前用龍仔70-300mm VC，卻一定要執一執相，這並不是說龍仔不好！我用60D時就很滿意龍仔的表現，網上亦有好評，屬平靚正，性價比極高的鏡頭，但當相機升級至全片幅5D3後，龍仔的質素就好像忽然下降了，再也不能滿足我的要求了，要執一輪相才收貨）。而最驚嘆的當然是小白兔的解像力，100％放大後裁相依然清晰，質素不變；尤其是當使用最長焦矩的時候，龍仔在300mm時，必須收細至f8甚或f11，影像才會sharp番，但小白兔則無此需要，影像質素依然強勁，令人滿意收貨！因此可100%放心，盡開2.8及使用200mm焦矩，very nice！就解像力而言，完全ko龍仔！事實上，當專業攝業師都稱贊其畫質表現時，作為業餘用家的我，實在沒有甚麽好挑剔的，尤其是與過往使用長鏡經驗作比較的時候。當然這樣比較是不公平的，但作為升級之選，我想這或許能說明清楚小白兔到底「好」在哪裏。

又有好多師兄說小白兔的防震好，我十分同意，而我想作一些說明，不是數字上的如幾份之幾秒，而是實際使用感受上。與龍仔的vc防震作比較，龍仔的「定格」防震效果是令人一試難忘的，因「定格」的關係，所以在使用上給人很大的信心；而小白兔則是「靜、快、定」地完成防震的動作，基本上是感受不到的，只有放大照片看時才知道。用武術來打個比喻，同樣地想將敵人制服，用關節技鎖着對方，龍仔的vc防震就仿如「激戰」中的MMA，拳拳到肉，輪廓分明，有效但也流於粗暴！因為當龍仔的vc運作時，你會聽到少許聲音，手也會感受到它的震動。而小白兔則仿似合氣道般（見功夫傳奇第3輯第3集），動作安靜、流暢、優雅，令人用得舒服。無怪有一些師兄會批評龍仔嘈，有「電鑽聲」，現在比較之下才恍然大悟！而兩者誰的對焦會快一點呢？使用龍仔會有一個習慣，就是當相機合焦響起必必聲後，還要等它定格後才敢按快門，尤其是300mm焦矩的時候，這裡感覺上有約1秒左右（甚或2秒）的time lag；但小白兔卻「爽脆」得多！首先其對焦速度極快，幾乎是「一按即達」。至於「防震」方面，即使是最易受手震影響的200mm，也只需心裡說「靠哂你啦！」一見紅色的合焦點或聽到必必聲就可第一時間按掣（有時會略停下先按，純粹是因為在200mm焦矩時，手有點不够定所致），基本上己忘記了防震的存在，只需專注影相即可，快與不快純看自己的功力！事實上，c記其他有防震的鏡頭使用感覺上都如是，只不過從沒想過以70-200mm這麽長的焦程及焦矩，竟然可以做到這麽「迅速、穩定及順滑」而己。所以我會這樣說龍仔只能給你防震的效果，而小白兔則會在給你防震效果之餘也同時給你享受防震（及對焦）的過程！這就是不同級數鏡頭的分別。

最後，小白兔的2.8大光圈散景是相當美的！我的鏡頭蓋是24-70mmf4L，以70mm計，比起f4鏡頭，2.8光圈的影像的立體感亳無疑問更好（但強好多是呃你，不過看得出是有分別也是真的，在這焦矩之內，如要迷人的散景，還是定焦好），而當去到200mm時，其背景虛化能力就足以將所有雜亂背景「化」掉，就仿如大光圈定焦一樣（效果視乎最近對焦矩離），那些光源都會變成圓形波波，怪不得有師兄說買了小白兔就不用買135mmL及200mmL了。事實上小白兔的最近對焦矩離都很好，放大率亦理想，所以實用性都好強。

順常一提，為甚麽不投資f4小小白is呢？就是因為想體驗2.8變焦大光圈到底是甚麽一回事，用f4始終有一日會心思思再升級的，同時也相信f2.8+77mm口徑，吸光量一定會比f4多，有助快門提升，幫助影到更清晰的照片。買了小白兔後，我做過實驗，以同一光源環境，固定iso，以70mm影同一物件，龍仔70-300mm在70mm時是f4光圈，快門是0.8秒，而小白兔在同樣焦矩下f4是0.6秒，f2.8則是0.4秒，因此我理由相信，小白兔比小小白最低限度快一倍！只要環境略為昏暗，你就會領略恆定2.8大光圈的強處！用過之後，我就番不到轉頭！（龍仔從打入冷宮）

是次升級，使我深深體驗到若財政預算許可的話，不妨「買最好的」或「一步到頂」是最省錢的說法是有一定道理的（用過小白兔之後包保不會再有升級的念頭！）也深深體驗到相機升級之苦（aps-c升上全片幅），真的是一闊三大，不同級數的相機就要使用不同級數的鏡頭！無怪一些師兄會說，用aps-c系統不要添置太多aps-c的鏡頭，甚至直接添置L鏡，以防升級時不至浪費！因為本人就是不聽人說做了笨蛋的最佳例子啦！哈哈！（肉赤！）

總括而言，雖然破費了一點，但值！

畫質：濕水棉花——冇得彈。新增螢石鏡片，色散減少。
對焦：快到差啲啲“出軌”。
防震：四級防震，Mode 1 用1/15s拍靜物絕對掂，較到Mode 2追拍車車一流。
腳環：厚正過70-200 F4系列鏡頭所配嘅。

重量：唉，掃街當做GYM喇。
腳環：好難除，要對正個紅色點，再從鏡頭PP先除得落嚟。

點都好，呢支鏡絕對對得住呢個價格。本人從EF-S 55-250mm f/4-5.6 IS II 升級到喱支鏡，真係畀佢嘅畫質同埋防震征服咗。不過，呢支鏡恐怕唔係每個人都願意次次都拎出去，因為接近6斤重。如果唔係特別睇重光圈，大家不妨選擇EF 70-300mm f/4-5.6L IS USM 喱支鏡。冇錯，光圈係細咗啲，但係抗逆光效果同埋銳利度唔輸過EF 70-200mm f/2.8L IS II USM。一寸光圈一寸金，EF 70-300mm f/4-5.6L IS USM 重平啲添。重要嘅係，EF 70-300mm f/4-5.6L IS USM 先4斤（唔使下下掃街都好似做GYM噉啦，哈哈）。

無論如何，以上係鄙人愚見，揀自己啱嘅就好。

對焦真係超快
恆定F2.8 ,呢個好重要...
輸人唔輸陣,就算新手用,俾其他新手見到都有D威嚇..(講笑姐)
成日D人講,買機買鏡唔送技術,我覺得唔係囉...如果同一個人用小白2,同其他廠既鏡影,就知道個價錢已送左廠方既技術

全世界影相既人同都知.....重...就算唔識影相既人都知...(所以唔算係缺點)
要夾硬講既話..係帶出街唔方便,一定要用背囊
如果去OCEAN PARK ,迪迪尼個D,要有心機準備..

第一次買長鏡就係呢支,買左2個月,用左2次....夜媽媽係屋企10樓無用腳架影落樓下行緊既巴士個牌,嚇親我...可以我太少見識....係好清楚見到個字...貴一貴都值...
但如果拎出街影成日既話,真係會叫救命....但拎多幾次會慣,但唔代表接受....
成日D人講,買機買鏡唔送技術,我覺得唔係囉...如果同一個人用小白2,同其他廠既鏡影,就知道個價錢已送左廠方既技術,識影相,無靚鏡,都會影得靚...
唔識影相...用靚鏡..都有機會影到幾張靚相..
買得呢支鏡,就要考慮你會唔會成日帶出去..因為會好唔願帶