Sony E 18-200mm F3.5-6.3 OSS

銀色鏡身好靚，自己幾鍾意，突破傳統。

100mm 仍可以最近0.3m 對焦，扣返鏡身99mm長，可以0.2m靠近物件，影花草昆蟲再無煩惱。

成像立體感佳，中間非常銳利，收至F11 全畫面都sharp哂，成色亮麗，玩味濃郁。18-135mm 成像同支1670Z 鬥到難分難解，係135mm 打後會鬆少少，主要受手震影響，需要較高的安全快門。

重量我覺得唔算太重，同我十年前玩過的N記天涯鏡比呢支輕點，甚至比支Contax 135mm AEJ輕，而且鏡的重心在中後，即使伸到200mm都唔覺重心偏移

MIC，好心咁的價錢就MIT啦。

18mm 變形明顯。

冇對焦呎，玩MF考經驗同眼力。

光圈跌得幾快，100mm 已跌到f5.0，成日要高ISO拍攝。

始終都唔係運動鏡，就算用A6000追焦都係慢，追最近人面都可以甩拖。

利申呢支鏡剛買冇耐，係去完旅行賽後檢討才決定買呢支，唸住玩慣左才決定退緊幾支少用的鏡。

自己十年前玩過老豆支N記天涯鏡同D200，個陣主要用黎影飛機多，但成像好散立體感又低，而且試過對焦都壞埋好快就對天涯鏡有抗拒感，今次咁有緣遇上Sony，呢支鏡又多師兄好評，就決定買黎行山或者短線旅行用。

今次又真係冇令我失望，呢幾日近野又有影遠景又有影，近景焦內銳利焦外奶油，遠景遠至數公里外的樓都好有立體感，成色又扎實，基本上你只需控好光圈同EV就影到好相，而且邊緣成像亦出奇地好，甚至比1670Z實。

同支1670Z係相若焦段比，又真係好難分難解，最大的分別係成色方面，Sony蔡始終都有點德國鏡的傳統，成色沉實，所以極少有某種色特別搶的情況，反而新一代的Sony鏡同好多日本鏡一樣，暗位就還原度高，但光位就好搶，好似螢光色咁，論玩味的話呢支會比1670Z高，但如果你都係追求實在的還原，都係1670Z會較佳。至於成像立體感，兩支冇10成都有9成相似，70Z層次會分明少少，但唔聞相都幾難分。

呢支係135mm後成像才會較散，應該係手震同光學問題，試過唔開鏡頭補償，200mm四邊暗角非常嚴重，係高焦段用呢支鏡必須有數碼修正。

總括而言一支由廣角到微距再到遠攝都一鏡到步的裝備，搞到我都對之前的投資有點後悔haha。

‧焦段闊，旅行方便
‧防震效果唔錯，加上NEX的高ISO表現，影夜景問題不大
‧影風景表現突出，藍色尤其精彩，加上CPL後藍天更富生命力
‧光線充足下色彩鮮艷，sharp，光圈介乎8-11時畫質一流
‧拍片真係非常好用，18-200，點拍都得，仲有得追焦

‧旅行鏡一支，影人唔多掂
‧天陰時影像明顯變差，色彩冇咁鮮艷，立體感弱
‧鏡身頗易花
‧重，大，平日好少用，但旅行超實用
‧頭重身輕，拎得超唔慣
‧風景鏡，行山時會帶，但出街同fd食飯就極少帶
‧18時變形勁，要靠數碼修正
‧zoom到200時有暗角，又要靠數碼修正
‧200時畫質鬆散，令人難以接受
‧200時成日對唔倒焦，夜晚更加唔好講，用manual focus仲準

總括黎講，依支鏡值得買來去旅行，尤其去風景區，因為影風景表現真係一流，又sharp，又鮮，又有立體感。正如頭先所講，若天氣唔係太差，畫質絕對above mean，若遇上陽光燦爛的日子，畫質真係超正。
若果打算買來影人的話，我就唔建議，因為光圈唔夠大，唔好expect有散景，另外依支鏡下，人的膚色唔通透，又暗啞，亦冇生命力，演繹唔出現場的氣氛和味道。

擁有左喇終於 佢自動對焦時 係完全無聲！ 影D相好鮮明 ！　OSS防手震 效果非常理想！ 影D相出黎簡直就係 好靚 好銳 又夠鮮色 影近又得 遠又得 0.3M 微距 真係好Fit！ 拎住佢 加支CCTV 真係夠滿足哂我去旅行 想玩效果可以用手動CCTV 想影景就用返枝SEL18200 呢枝鏡 真係值得擁有！
絕對值得擁有既一枝鏡

比單鏡機既天涯鏡貴
外表銀色金屬外殼 易花
鏡身較重 ~ 鏡頭向上或向下 會有 下墜的情況
晚間對焦好慢
對強光/太暗的物件 會出現盲焦
如果手動對焦還 係後面會仲好..
有時ZOOM既時候成日HI到個手動微調
幫我放大左..!! 影響我捕捉精彩既時刻!
可能慢慢會習慣左就唔會有呢個情況^^

但整體 可以接受 雖然加左價 但都覺得物有所值^^！

絕對值得擁有既一枝鏡 雖然話就話 頭重腳輕
但當你要遠攝既時候 你就會發覺 輕便不等於方便^^
個人覺得 NEX+SEL18200 重量還可以接受
舊時拎住部CANON500D+TAMRON28300鏡 掛係頸半日就已經覺得好辛苦
E家手持機 都覺得好輕鬆 絕無覺得重的感覺

擁有左佢會令你愛不惜手
擔心枝鏡重既人 你絕對可以考慮 1855+18200 或1855+55210
鐘意輕便可用1855 去旅行就帶18200
或直接 1855+55210 拎埋出街 需要既時候先換鏡 (我個人覺得比較麻煩)
18200係你用NEX一鏡走天涯既最佳選擇 買左一D都無後悔!
18200LE雖然輕左 但對焦環 無咁順..同埋聽D CHING講 成像比舊版差
呢個我就只係聽講 所以唔敢講一定較差
本來我都打算買B011 但係B011..聽到外國DCHING講 一掃全景 出現異常 拎左去廠維修 問題依然存在 我就打消左個念頭 一心決定買sel18200

正正正!!

1) 很自豪，只有帶著它出外，並且使用，才可以自由自在地能表現我男性的魅力(英偉)。
2) 當我在人群裡，把它慢慢地從我的左手扭出來時，身邊的較年輕的女生會不其然被它吸引住(特長)。

其他的實用的優點，很多專業的用家都已經講左。

1) 鏡身重，配用原裝條頸繩時，同拕住鐵餅吊頸係無咩分別。
2) 唔LOCK個掣，會因地心吸力的原故而自動下垂，嚇壞身邊的女性人類(嘜咁長茄)。

其他的實用的缺點，很多專業的用家都已經講左。

18-200, 一鏡走天涯，好用，實用，買得過。
顏色十分艷麗，但又帶著一份柔和。(我讀得書少，形容詞欠奉)

我是5N的KIT SET買回來的，買回來後不夠兩星期，SONY便用貴10蚊的價錢，出了NEX7的平KIT。初時深深不憤，但每次帶出街時的收視率，旁邊人們羨慕的眼神給自己的自豪，再加上自己回家放46"LED電視回播時，便覺得有買貴，冇買錯。

- 金屬Body, 手感質感一流
- 等效焦距 27 - 300, 非常實用
- 配合NEX Panorama, 若以直倒橫拉, 可造出約等效18-20mm 超廣角, 變相多一個用途(唯獨暗光晚黑時因Pen 鏡要高速快門而無法做好)

- Sharp 到喊, 中間光圈全開很Sharp, 收兩級光圈由中間Sharp 到落邊
- 色好
- 插落支NEX 度, 岩晒我呢D 逆向思維, 型到喊
- 有Lock
- 變焦環有點實, 反而防止機身向下鏡頭滑出
- 對焦環好鬆, 用慣左原來係方便既
- 50 - 100mm 成像可比prime lens, 連我支Minolta收晒光圈都唔夠佢Sharp....係咪痴線架~?
- 100 - 200mm 成像OK Sharp而未至於鬆散
- 有OSS 防震, 不過未及得上Power OIS 咁勁
- 四角失色無18-55 咁明顯

- 重有一個好強好痴線既賣點係, 佢對焦距離係0.3m, 本身支鏡都成10cm 長, 即係最近由鏡面到物體可以20cm 對到焦, 而佢放大率竟然有0.35X !!!? 你諗下有D 弱少少既Marco Lens都係0.5X, 佢0.35即係可以當Marco 用, 如果出埋NEX C3, 1620 萬像素, 你玩0.35X 再Crop 埋去, 就算Crop 到1:1 Size, 像素高搭救一樣可以好Sharp見人, 根本就係一支半百微鏡,

即刻......

由20mm Panorama --> 27 - 300 --> 模擬百微鏡, 佢都做埋~

真正一鏡走天涯~!!

- 廣角端桶形變形明顯, 肯好我慣用PS 矯正, 唔當佢係一個Defect
- 係重左D, 不過我係男士, 又係健身人士, 呢支鏡重量可以接受
- 光圈唔夠大兼跌得快, 3.5 廣角端都唔緊要, 但去到50mm 想影人像得返5.6, 淺景深唔突出, 唯有買支Minolta 1.4, 不過如果佢俾埋恆定2.8, 支野萬五蚊都搞唔掂......
- 少少貴同埋很難買

愛佢既人會好似我優點度咁諗, 而愛不釋手

但討厭佢既會因為佢形狀及重量, 癲倒NEX 設計理念及輕便性而恨之入骨

- 金屬鏡頭身, 絕冇塑膠感, 正！

- 成像質素銳利度, 以天涯鏡算做數一數二

- 對焦時完全靜音

- OSS防震功能真係幫到拍片+拍照

- 比其他廠同級天涯鏡較貴 (推斷原因：金屬body + 首次內置防震)

- 較重 (一般A-mount都不設防震, 這支鏡身已經是Metal body, 口徑又大, 想輕便真的是不可能任務)

- 沒有腳架下，左手要承托整部機身和鏡頭重心，故想做手動對焦(MF)是非常困難

終於有支質素好的E-mount出現了！感覺上好有質感(重量)，比起SEL1855 Kit鏡，掛在頸太久有點不適應。變焦環有點緊, 拿機手勢需要改變，重心轉到鏡頭上，需改為依賴左手支持重心，可能花點時間習慣。

還好裝上三腳架時，只用機底螺絲仍算隱定，最好把腳架其中一隻腳放置鏡頭下較安全。

詳細請看我在Mobile01寫的文章：
http://www.shopping01.com/topicdetail.php?f=254&t=1752218&p=1#22330215