1. 涵蓋所有常用焦段, 方便無比

2. 影像質素不差, 無其他師兄講到咁不堪

3. 機動性強(相比對手同焦距產品)

4. 性價比高(相比對手同焦距產品)

1. 鏡身用料唔掂, 好易變殘

2. 遮光罩容易飛脫

小弟主要係影車, 經常要拍攝行駛中既車輛, 所以對鏡頭表現要求頗高, 本身用過三間不同廠牌(N, C同T牌)既同一焦距鏡頭, 當中以T記最輕盈, 但係影像質素一般, 甚至有中央清晰邊緣模糊既現象; C記表現唔錯, 可惜體積太大, 用時有D論盡, 而且價錢太貴, 屬難以負擔一類! 而N記比C記擁有同焦段同光圈, 但能夠造出更輕盈, 價格更相宜既天涯鏡!

實際使用時, 最好用較大型機身, 最低限度都要D80, D90, D7000系, 如果裝埋直度電池箱會得到更佳平衡(重量就......), 雖則話支鏡屬於輕盈, 其實份量亦相當, 揹出街時會有唔少人望, 虛榮感油然而生, 哈哈~

追影以大約一百公里飛馳中既車輛, 完全冇難度, 而且命中率頗高, 少有失手, 盡開光圈時影像會稍差, 但竟然可以做到輕微短景深, 令人感到有少少意外; 小弟用N 28-300超過3年時間, 佢幫我立下唔少汗馬功勞, 無奈鏡身用料實在太令人失望! 當我由新鏡開始使用大約三兩個月, 遮光罩同鏡頭摩擦力盡失, 經常行行下街時自行鬆脫墮地, 發出"巨響"而嚇親途人; 另一個大問題係變焦環個橡膠套圈好容易走樣而鬆開, 兼且拍攝大約一個半個小時, 個橡膠圈會整到食指同手指公黑哂! 雖然上代理更換只係30蚊左右, 但係要經常抽時間上代理攪係好浪費時間! 最後一次更換時我問代理職員個橡膠圈用左咩物料, 佢答我"都係果D料者", 其實我想話比佢知我支AI鏡用左30年都冇事...... 第三個問題係鏡身容易被"拋光", 不論鏡身同內鏡筒, 用左一段時間, 外觀會十分殘舊, 建議廠方正視下呢個問題, 到推出下一代新鏡時能夠有改善!

N 28-300能夠幫助你拍攝優質相片, 而且方便無比, 但係鏡身用料不佳, 令N 28-300係小弟心目中成為"雞肋"鏡頭, 既愛且恨! 可能係小弟對佢太粗暴掛? 若果係一般使用, 或者帶去旅行, 個人認為呢支仍屬於不可多得既首選.

1. 原廠FX天涯鏡，即買即用
2. 28-300mm，涵蓋最常使用範圍

重，就算是D750也會front heavy，要加電池盒拉回平衡

一支6千幾價位的FX天涯鏡，出來的效果完全可以交功課，除非你的要求是已經超越一支天涯鏡可以做到的事情。

大家買天涯鏡，也就是為了外遊時簡便行裝。

功力？
＊橫須賀遊港船上，@300mm 可清晰拍到美國空母艦島上的細節；
＊富士山河口湖北岸，@300mm 在早上天晴時能拍攝到山頂上的覆雪地形

一支從推出後至今6年，還未有下一代產品接班的原廠天涯鏡，證明它是有戰鬥力的。

28-35段有f3.5用真係唔錯，畫質非常利！50-200段仲保持水準，不過光圈會開始收到f4.5-f5.3以上，但有VR加持下...唔係D咩問題！有左佢（28-300VR)，可以無視支70-300VR，令外即時把24-120 f4G VR 出售了，畫質絕對相近～ 利害！！
價錢$6xxx真係好合理！ 對比Canxx 28-300L $1xxxx，但質素不分上下！
全天候鏡身，防塵防水滴，戶外落雨落雪都冇有怕，唔洗換鏡一支可以走天涯！
有支咁好性價比絕對係nikon用家之福！

不是恆定光圈
不是日本制

已經諗唔到有乜缺點。

用左佢後，完全可以無視(24-120 F4VR同70-300VR)～
真係好方便，出街或旅遊帶呢支（28-300)絕對唔會走失任何每個細節，想拍就拍！
見咁多大師用此鏡就知乜事～
去旅行帶多支(16-35VR)就搞店！!

此鏡由28-300的焦段是其優點，亦是弱點。
首先其覆蓋焦段夠廣，可謂一鏡走天涯，無需換鏡，方便性十足。
但是相對24-70或者24-120，此鏡對焦同質數亦都比下去。
所以我覺得無需要比較，無一枝鏡係全能，要睇自己需要去選擇。
如果對畫質要求不高，又或者輕輕鬆鬆去旅行，生活記事等等，此鏡絕對勝任，有時影得到比影得好更為重要。
而本人就同時擁有過24-70，24-120及28-300的鏡頭，其後就出售了24-120，其餘兩枝就在不同場合使用，十分滿意。

28-300mm 個RANGE好寬, 影WIDE,中、遠距離都得
以NIKON鏡黎講, 價錢唔貴, 7000蚊有找
方便, 旅行、街攝等一支夠用, 香港著名攝影師PETERPANN都係用佢

首先冇定焦鏡咁SHARP, 成像、解像度一般, 放大圖NOISE、微粒頗多
其次唔係恆定光圈, 如果去到300MM最大光圈得返5.6
第三好難做到靚景深, 因為光圈唔大同埋鏡片關係, 背景唔會迷朦,更加唔好要求做到定焦既奶油
第四對焦慢, 個鏡成日ZOOM IN ZOOM OUT搵FOCUS...
第五 MIT機身係硬膠, 對某些用家可能唔鐘意
最後成2磅都唔輕

用左4年, 呢支鏡張張刀冇把利...可以話係影到為首, 影得靚為次
方便, 焦距範圍大, 係天涯鏡吸引人買之處
但同時亦都係其缺點(看上面)
性價比一般, 因為副廠龍仔死馬都有類似既天涯鏡, 但平一半~
想俾三星半, 但冇得俾, 四捨五入,俾四星。

方便
FX機77口徑適合大多數現有的鏡頭
成像以這價格來說尚可接受

易入塵
膠味太重
28wide 不太夠
裝在D800 平衡一般
Hood 勁醜樣
泰國製做

針冇兩頭利，用得天涯鏡! 當然在質量上要犧牲一些，一頭一尾軟弱無力，此镜最靚的還是在中段，開盡光圏會不夠sharp, 收細一兩級自可解決，重量不是一般女士可以接受，但以六千八的價錢來說性價比是可以的，嫌不夠wide 可加一支1635, 去旅行任我緃橫啦！
如果你影的相只放上Facebook或者係Whatsapp，選擇此鏡是沒有錯！但是若你對相片有要求，那就可能不大適合啦！

1. 成像絕對OK，夠sharp，夠豔
2. 天涯鏡 —— 無需換鏡頭，一支搞掂
3. VR好勁，300mm時最明顯，成功率高
4. Zoom Lock 好用
5. 六千幾有交易，質素無得彈

1. 28mm未夠廣
2. 兩節鏡管設計，容易入塵。用左幾個月，已發現一顆明顯塵粒……
3. 焦距縮水，對近野時焦距不足300mm（同200mm差唔多）
4. 光圈偏小，無恒定光圈（廢話）

當初買天涯鏡就係為左方便，本來對畫質要求不高，但用落真係有驚喜！
只需略收光圈，成像已經唔錯，已接近24-120水平。對於天涯鏡來講已經超班。
比較百搭，影人影景，展會外拍都無問題，出勤率高。

1. 以10倍變焦鏡頭計, 畫質相當一流
2. VR好用
3. 有Lock制
4. 手感幾好
5. 平衡感幾好
6. 造功幾好
7. 0.5m最近對焦距離, 可充當微距鏡頭
8. 價廉, $6400比Cash
9. 紫邊輕微
10. Mount有膠邊

1. 泰國製造
2. 沒有Nano
3. 200mm-300mm, 好似冇咩分別
4. 兩節鏡筒, 伸盡外型好肉酸
5. 兩節鏡筒, 我覺得會入塵和雨水
6. 輕微變形

這鏡頭用在D800E身上, 起初我擔心拍攝出來效果欠佳,
但結果係出乎意料之外咁好,
這鏡頭我主要用作旅遊用, 再帶支14-24已經十分足夠了
而本地行山郊遊, 就真的一鏡走天涯

1) 發色自然,一貫NIKON風格
2) VR實用,1/8@300MM都有7成成功率,值得一讚
3) 300mm仍能維持f/5.6光圈,其他鏡都只有f/6.3
4) SWM令對焦速度快,而且寧靜
5) 焦段實用,旅行一流
6) 只要略收光圈,成像接近金圈24-120
7) 支援全時手動對焦
8) 內對焦系統,對焦時唔會伸長,無咁易撞到
9) tele end有唔錯既散景
10) 以FX旅遊鏡黎講,鏡身算輕巧,可與D700取得不錯的平衡
11) 金屬接環,防水膠邊,耐用!!
12)有LOCK..唔會自動變焦

1) 馬打聲好怪, 曾為此問題上CS, 佢地話正常..=___=
2) 個HOOD好鬆..好易fall off
3) 200-300端有焦段不足之嫌
4) 鏡筒二段式..易入塵..
5) wide end 變型明顯

買它的原因..都係為左旅行...之前冇呢支鏡時..用16-35/4和24-70/2.8...發覺24-70用係旅行唔係咁適合..因為重..拎住周圍走都幾係野...二黎旅行唔需要大光圏..背景BLUR曬有鬼用咩...三黎又唔係咁TELE..有時想ZOOM近影下人文..建築物既DETAIL時都唔得..遠景更加唔使講...於是購入呢支28-300...講真, 用得黎支..但求方便..配合16-35/4..FIT曬..大部分場合適用..而PQ又唔係咁差..接近24-120..但又多左121-300段..加上用77MM filter..可以share用CPL..用左3星期..覺得物有所值

方便,
300端影像出人意表
G鏡群中性價比超高(fx級數而言)

Hood比較鬆
易入塵
28mm變形明顯

以前用過18-200vr,相比之下28-300vr真的令人有驚喜,而且價格親民,對焦距離比70-300更近,老實說他真有機會取代70-300(當然價錢不同),天涯鏡方便程度不用多說,配16-35就可以輕鬆上路。只是重量接近24-70倒是一個考慮恩素,排除這方面我誠意推薦。