造工好,對焦快,夠sharp,色水靚.

背光唔係咁好,有光班.

呢支鏡係二手買入,上手師兄冇講清楚,鏡頭蓋有撞過的輕微凹陷,點講都不是正常使用痕跡.後來我去試用,發覺影正光相片很好,但背光相好似一片霧,FOG鏡的感覺,同時張張相都同一位置有陰影,因為鏡頭蓋有被撞過的陰影,以為是因為撞過鏡頭內傷致會如此.雖然巳過保養亦去Sigma維修部檢查. 維修部師傅詳細幫我檢查了,說鏡頭沒有因撞過而出毛病,每張相都有的陰影是我部相機感應器有塵所致.還用他們的相機與鏡來交替試影,証明是我部相機感應器有塵.到此為止即是支鏡係正常,無法子祇有就住嚟影,呢支鏡造工真係好好,影D相色出好靚差不多不用執,唯一是背光相係差D,用慣咗問題不很大,因為12mm 夠闊影景一流,上月去咗台灣十幾日影景大部份都用呢支鏡,夠廣闊夠氣勢,與原廠鏡差幾倍價錢仲想點.

1.夠廣角12mm
2.夠輕巧6x0g
3.做工擇實
4.對焦快靜
5.價錢超直

1.唔可以用濾鏡
2.邊位唔實
3.有變形
4.光圈細

鍾意旅行的我，亦買過好多支廣角鏡，N記用家，用過18-35/F3.5-4.5（兩支新舊款），都全部賣出，16-35mmf/4亦用過，好快亦賣出，變形都幾利害
後來換左支死馬12-24mm，夠晒廣角，但光圈都係細，無計~價錢平
二手買回來$3x00............仲有年半多保養，上手用家買左無用過，佢話買左唸著去旅行用，但去唔成才賣出，全新要$5x00，二手平左2x00：超直
買後影過兩次在樓下，未試過去旅行，這鏡光圈細，是太陽鏡，陰天影比較差，影風景夠晒廣，都有N記14-24的85~90%功力，但價錢就平3~4陪(N記賣12xxx)：Sigma就贏左廣角12mm：勁呀！

MIJ，鏡頭造功+金屬質感（拿上手便感到份量十足）。顏色和以往不同，這鏡顏色十分自然討好，十分滿意。

燈膽頭（這個沒法，因鏡頭大wide)，沒法用保護鏡+cpl，沒有防水膠邊。

本人是nikon用家，這鏡是在Dcfever店，以$5xxx買的，這鏡和以往用過的sigma鏡頭顏色十分大改變，色彩十分討好，這是我覺得這鏡給我最好的回報。

變形是有，但可以用後製修正（注：廣角說到有問題的變形，不是說四角拉扯的變形）。

當然也有人對這變形不喜，但其實去到12mm的鏡頭，這是鏡皇也逃不了的命運。

邊角成像是這鏡問題最大的死穴，但去到12mm這問題也是逃不了。 n14-24當然一定好過s12-24，有心人也可以在網上找一些日本的評測看看，純邊位成像來說，這鏡確實是比n14-24差是真的，但其實也不是輸得太慘烈。但以這價錢來說，我覺得是交到工貨了。

（找到這個，有興趣可以看看。“不要相信什麼也說不好的評論，鏡頭是要親自用過才能得到真相“） http://ryanbrenizer.com/2011/11/review-sigma-12-24mm-mark-ii/

1.鏡身實淨(鏡身及Hood全為金屬)及用料十足(4片瑩石極低色散片+1片超低色散SLD鏡片+1組复合非球面片+3组玻璃模鑄造非球面片，影像有所保證)
2.發色討好 (不過濃 不會淡)
3.變形控制方面己經很好 (參考16mm N1635的表現; 比一代退步?)
4.比原廠便宜卻有更廣的122度 (4mm是不可逾越的差距)
5.光圈收到f10以後整體表現很好
6.對焦速度理想、安靜
7.最近對焦距離28cm

1.非宣傳的防潑水(極端環境下就GG)
2.光圈細(不利於星野創作)
3.很難上Filter 風光攝影的致命問題
4.同類規格而言略顯重
5.逆光拍攝容易出現光斑
6.邊緣解像力比較差(作為廣角變焦已經很好，不能拿定焦比較)
7.掃把星芒
8.大燈膽

很多影友糾結二代並不是EX，雖然包裝盒上也沒有顯示，但官方介紹它的確是EX級無誤。
C家似乎對此鏡的需求比較大，因為C家一直沒有35mm超廣角的變焦鏡; N家還有14-24可以選擇，無奈是大三元比較貴。
1224不能夠上Filter卻是一大弊病(外置可行但一套下來又是另一枝鏡的價錢)，故如果習慣使用Filter又作為旅行鏡使用的(輕便高質)，本人還是推薦1635。或需要星野創作則1735。(現在又一選擇20.8G)

超廣角考量:
超廣角與普通廣角最大的分別就是有更強的透視感，但前提您得有前景及找出主體， 否則空曠的背景跟一般廣角鏡拍出來的效果沒有兩樣。
122度能拍攝的範圍是非常之廣，焦點的分佈要下心思，不然會因範圍太廣，而令相片失去重心。

1. 沒有防振的防振鏡頭
2. 全世界最Wide的zoom鏡頭
3. Very Sharp
4. 12-24mm, 剛好連接 24-70mm

1. 有時走焦, 但沒有鏡頭不走焦,只是多少的分別
2. Size 太大, 比較第一代
3. 不能上protective filter
4. If 12-35, 就更好用(my personal preference)

1.沒有防振的防振鏡頭(exactyly my dream len), 可用1/10sec @ 12mm, 好似用手機影相.超正.
2. compare to Nikon14-24, Canon 16-35, Nikon 16-35, Nikon 18-35, Canon 17-40, and others wide angle zoom in the world. This len is the widest angle zoom len in the world. 差2mm 有甚麼大分別, 去到盡和沒有去到盡的分別. Beside fihseye, this is the widest.
3. 沒有大光圈, 但可用手持超慢快門,所以仍然有幾會用low ISO, 當然大光圈更好,但價錢貴兩陪幾,萬一花咗, 點算.
4. 去旅行玩自把一流, 但有變形.
5. 沒有 14-24, 16-35, and 18-35 咁 sharp, I agreed, but但都算夠用.
6. 變形到真的很難用.

真的夠WIDE.,對焦快,靜,色水好,變形可接受,

暗位失光率高,畫面利位只集中在中央(隨光圈收細范圍會变大.F6.3就ok),

夠wide可玩構圖透視,暗位可用數碼相機及後期制作搞掂,外觀形仔拍照有趣,但它有皮性要熟習,性價比高,色水好,結論好玩!

12mm =122度
外觀幾靚仔,沒有以前sigma 皮的手感 ,金屬鏡身唔錯
平(5千左右可以入手二手)

不能用filter
6光圈葉星芒唔靚
4.5-5.6光圈規格而言, 略覺重
(什麼光圈細之類不會講,因大光圈不會是這價和重量)

(CANON)

用過17-40L
用緊16-35L II
再入呢支
為什麼重疊這麼多也會買呢? 因為多成20度視角..差好遠
為什麼KEEP16-35呢, 因為16-35 平時常用更多,加之2.8光圈好好用,而且可用ND FILTER , 風景相構圖好好多

比較色彩, 看唔出差,跟16-35比,輸了圓形光圈葉
要收到F8以上才開始有''利''的感覺
背光影也易出光斑
變形上 嚴重 ,但收到16MM 又唔差, 同16-35差唔幾
12-24MM 接24-105或24-70 心理上覺得啱啱好 這是優點之一

用了一段時間影風景 12MM 難用,但的確不可取代

如果考慮16-35, 14L, 呢支和17-40 的朋友
我有以下意見 :
如果BUDGET 不多,考慮17-40 或12-24 我覺得呢支好得多 規格,畫質上不差,只是少了條紅線

16-35和呢支2選1 , 就16-35 比較好少少(好少的距離) ,始終2.8光圈和可用FILTER ,令變化大好多 ,而且也更保值和好看 (但以一半價錢來說,呢支PQ 好好多,個人覺得16-35質素唔值一萬),但去到35MM 又比較常用,而且12-24真係要收光圈先用得落

14L 只用過一次 變形控制好好,但太貴 ,同是不能用FILTER ,這個自己決定吧.

我比它5粒星,因為5千蚊有12MM真係好好 原廠也沒有的規格
而且做功完全唔差,外形也好看

對焦準、快，夠wide，外型靚仔，變形控制、成像色彩都控制得很好。

暫時無。

無走焦，用落很滿意，FF機用家平價wide鏡首選。

1)真係好wide好wide!
2)sigma一貫色水,算濃,本人好喜歡
3)雖然望落可以有少少膠..但拎上手好實淨,重過c1635少少
4)成像好 算幾sharp(本人有過c1635同c1740)
5)變形控制得好
6)對焦好靜
7)****呢點好重要**** 係4塊FLD即係4塊螢石級鏡片,翻查左SIGMA世界各地嘅官網資料,呢枝鏡係有4塊螢石級鏡片,肥花個網D資料係錯的,詳細規格應該係: 3塊非球面鏡+一塊SLD低色散鏡片+4塊螢石級低色散鏡片...所以質素好有保證
官網:http://www.sigma-photo.co.jp/english/lens/wide/12_24_45_56/#/specification

1)C兄講過...落唔到filter..冇計 太wide
2)光圈細..比起原廠c1635...但影風景我覺得絕對冇問題
3)唔係防塵防水

之前都係睇人寫,今次係第一次寫心得,其實主要都係發表下少少用後感,算唔上係咩心得‧我用開5D3同1D4,睇左好耐想入呢枝鏡但唔知點解冇咩人用..可能係俾個前組鏡片嚇親,加唔到filter‧
主要想講係,用左兩個月,呢枝鏡絕對唔失禮,4塊螢石,成像同質素都有保證, 買之前去睇過d外國評測同睇MTF圖都證實左,用16mm至24mm個焦段來比較,呢枝同EF1635 2.8L嘅解像力係不相上下,我自己用落比較都覺得近符係平起平坐,無論係色水同成像方面,個人覺得1740都係比唔上呢枝‧如果同1635比較,呢枝最大嘅缺點就係加唔到filter同唔係防塵防水...色水方面呢枝可能會濃過1635L
用落1D4,都仲有15.6mm-31.2mm 依然係超廣角,用落5D3...雖然又係師兄講過..但真係不得不提...12mm果種wide angle同透視感,真係唔係1635或者1740做得到...成日都話差1mm就係1mm,,何況而家係差4mm,而呢4mm唔係話你行後兩步同行前兩步就可以彌補到‧
如果係影風景 呢個光圈我覺得係絕對無問題,反正都係落腳架,1635L嘅2.8光圈多一個用途就係運用超廣角來影人或物嘅時候可以做到比較淺嘅景深,就係咁多‧
呢枝1224,落唔到filter,所以要小心d用...不過其實正常來講,就算拎1740或者1635都唔會拎去碰碰撞撞,所以其實問題唔大...加上sigma自家色水,唔落CPL影個天都好藍d色都夠厚夠濃,所以filter方面唔係問題‧
紅圈,可能係好多人嘅考慮因素,個個人都會有虛榮感,好正常...但個人覺得如果為虛榮感而決定揀咩機咩鏡去影相嘅話有點侮辱攝影,呢枝鏡係無紅圈 比唔到虛榮感你,但佢點都唔會差得過1635,甚至係好過1740好多‧價錢只係6千頭,我用[只係]呢兩隻字唔係因為佢好平,而家因為佢好抵,如果係要用6千蚊 我都一定會揀呢枝唔揀1740,因為真係唔同級數‧
寫呢篇用後感分享,其實係想俾少少信心d想買又落唔到手嘅師兄,呢枝 有買貴有買遲 但一定無買錯,質素完全冇問題,睇MTF同鏡片用料都見到有保證...試問3塊非球,1塊低色散加多4塊螢石..邊間廠俾到你..仲要係呢個價位...所以真係冇乜可以批評‧

靜 SSM 無聲，對焦無乜走樣~
外形美觀，內對焦，不易入塵
拍攝外景不失禮，影人，影花及影景都得~色彩自然~
造工精美、前部份是金屬~鏡身是膠質料但幾扎實~十分實在。
FF變焦鏡12mm只此一家，收到F5.6 已經滿意~F4.5很銳利
成像非常好，色水一流
AF/MF 選擇方式~方便
4 塊 SLD 超低色散鏡片及2 塊 FLD 螢石級低色散鏡片~減低多餘光線及令光線更集中不會散開~強!

對焦時…亦會迷焦，在天空時，想拍雲海或太陽時會出現，不過機會率十分低(2%)
拍夜景太黑的地方亦會，要改用定點對焦才改善。
光圈不夠，這是先天問題。
用不到FILTER , 即使加了~在16MM 以上才沒有黑角問題~!~要小心使用!
不是EX 系列

用了2個月感覺，不錯!~ 性能方面風景，夜景，人像有不錯的表現，色彩自然、銳利。
這鏡頭亦有牌性，差不多每天要帶出街周圍拍攝練習，試足一個月才開始了解他脾性。
拍天空時，要調整設定~收細光圈~效果十分滿意!有時要塑造效果~選用CPL鏡去減少多餘光線，但要16MM才可以除去黑角~有少少可惜!
12MM~基本你是不想調較距離~影風景時，好廣闊!要親身感受才知道~!(看看本人的作品!)

拍夜景是對他十分有信心~F4.5全開~顏色自然~光圈收細一些~銳利~而且是內對焦，不怕比雨水滴，選它的原因是他的螢石級低色散鏡片，試過3支全景鏡頭~Tamron SP AF17-35mm, Sigma 12-24mm F4.5-5.6 II DG HSM, Sony α 蔡司 SAL1635ZA 16-35mm f/2.8~最終選了它~因12mm的廣角是最吸引的地方。
Sony α 蔡司 SAL1635ZA 16-35mm f/2.8~效果靚但新價過貴~所以沒有選擇他!
Tamron SP AF17-35mm 距離不夠廣闊~而且已出了一段時間!!

Sigma 12-24mm F4.5-5.6 II DG HSM 約$6200，亦算合理。本人現在用APS-C 機12~24焦距=18~36MM~這個距離足夠給我拍攝~風景，人像，他外型、美觀、質感十分不錯。FF鏡是我現在選擇的方向~正等待SONY 的FF機~所以找了這支鏡作試驗，當日試鏡時已比他扎實質感吸引，而且拍攝人像，風景絕不會差~應該說好好~!
除非再出新版~相信這幾年都依靠它!!