優點:
1.以35mm換算後150mm,試問一般APS-C仰或FF機,此焦距的定焦會有幾大支同埋有幾重,玩過ge多少都估倒,而且要做到F1.8,支鏡會更加大支同埋重,所以呢支鏡無論Size仰或重量,都係又細又輕的,當然上乘的金屬鏡身造工,比一般工程塑料或半金屬塑料鏡身重,但你要手感定係要講究輕便啦;
2.此鏡用玻璃的,透光折射率係最好,冇要求ge攝友可以玩返普通鏡,此鏡絕對係對應高要求成像的;
3.MSC配上E-M1對焦速度好快,靜就更加唔洗講;
4.相信有攝友會好似我咁數據控睇大量數字方面評測,不難發現此鏡為M4/3最高成像絕對冇錯,而且極低的色差,透光率高,色彩還原高,全開光圈成像已經接近峰值,解析力高,而唔係E-M5影出嚟ge過銳效果,強調係鏡頭ge解析力相當之高水平;
5.價格相對APS-C或FF平至少一半以上.原廠金屬Hood內植絨布造功一流,值呢個價錢;
6.Zero鍍鏌真的不是蓋的;
7.搭EM-1平衡感不錯,不會頭重身輕;
8.對焦環行程剛好,不會太長或太短,而且阻尼手感好好,支鏡感覺好實正好可靠,暫時未發現入塵現象;
9.試問無反鏡頭,有幾多支係出9片光葉的?呢支就造到,咁細支造9片,講技術同成本已經好高,但出嚟奶油般的散景,過度順滑流暢得以保證,冇二線性(建議自己深入研究),其實睇散景,圈圈ge邊位光亮度跟內部是否一致,由內向外漸漸柔和的,散景自然漂亮,順眼以及不會雜亂,當然九葉是圈形散景的重要指標;
10.鏡頭失光好低,前後玉夠大,而且配合HR鏡,所以呢支鏡冇咩暗角,因為咁所以冇咩口徑蝕,保證邊位的波波夠圓,建議睇多啲樣片;
缺點:
1.夜晚對射燈會有好明顯ge鬼影,要小心構圖取景;
2.全開光圈~F2,逆光會有明顯紫邊,不過咁大光圈逆光拍攝冇紫邊的,相信Zess幾皮嘢ge鏡先可以做到;
3.咁頂班成像居然冇設計埋防塵防水滴和接口膠邊,機身防鏡唔防...
4.此焦段絕對係一般攝手瓶頸,表達主題相對廣角集中好多,所以構圖要精煉,
5.有師兄指此鏡冇造機械式手動設計好可惜,即好似12-40 PRO,20F2.0呢種設計,我個人就認為唔需要,畢竟係長焦距,Snapshot唔可能用手動就容易對焦或合焦,而且機身好多快捷鍵可以Set即時AF/MF轉換,仲方便過我部D3S;
評價:
只能用"驚豔"嚟形容,強烈壓縮感以及散景會讓你愛不惜手,由最不常用的焦距變成常用,而且愛微距的朋友,極力推薦買Kenko tube(金屬質感,比起單反的造功用料好十倍有突),立刻變成超大光圈的150微距,配合Body MF放大對焦易過借火;
有人話olympus唔適合影人,因為影出嚟連毛都數到,試問廣告級poster,有邊張唔係俾倒你數毛效果?明明最佳成像,高解析力,通透,還原高,色差低,散景漂亮,人總是找各種理由嚟貶低咁高技術含量ge鏡頭,彈法拉利得個快又點又呢樣哥樣,彈Leica冇自動對焦,攝影係令我哋學習用欣賞角度發掘身邊美好的事情,反而身邊好多大師級水準的用一支天涯鏡普通body就夠,玩物卻反被物弄巧成拙,是一件好可惜的事.