在6D上用已經好正，用在GFX50R上更正，GFX用家平靚正之選。
COVER 33X44 GFX 成像，無黑角。
SHARP，全開光圈可用，同CONTAX 45/2.8 鷹眼睇齊。
在 33X44 上變成 FF135 的 32MM F2.2。 變成小廣角。
0.18X 放大倍率。
在GFX上對焦快又靜。
價錢平，成像質素極高，EF MOUNT 中最高性價比鏡頭。

今年2月停產，可惜。 今年4月份全港已經好難搵到全新貨。
基本上無乜決點。
一個大坑既開始： GFX第一支接CANON EF MOUNT就係呢支，跟著就入埋EF 50/1.8 STM，SIGMA ART 70/2.8 （EF MOUNT），SIGMA 舊版 50/1.4 ，SIGMA 舊版 85/1.4, EF135 L，EF100L。

以前在6D上是40MM焦距，個人唔習慣，比較難用。
個入習慣用28 或50MM。 依家GFX變成32MM，接近28MM，所以又變得易用。
CANON EF 鏡雖然沒有依家D無反鏡頭咁SHARP，但已經好夠用。
如果雙修、多修玩家，CANON EF MOUNT 個長法蘭距可以一鏡多修。
在加上CANON EF MOUNT特性，好多定焦都COVER 33X44 成像圈，非常吸引，而當中40/2.8 係必入之選。

輕輕輕，輕都換左Sony都唔捨得放走佢
都幾Sharp，邊位都唔算差
隨身真係fit晒
二手價新低

逆光差d，裝左個遮光都係
其他真係諗唔到

以前長插50d周圍走，而家轉了a7r3+mc11，唔知影咩時都會跟身囉埋佢出街，高象素下質素仍然好ok，係對焦模式只得返2個，用左接環一樣好輕都係250g，講唔出有咩缺點，而家咁既價錢，如果有一日佢壞左，我都會再買一支

睇用後感

睇用後感

小弟用過好多常用的機同鏡。EOS500d, 600d, 70d, 5d3, 6d 7d2 ,R. Super wide to super tele. 少少心得。

本身ZOOM鏡有16 35， 24 70 ，大小白。其實足夠係唔同環境影，幾乎咩主體都夠用。其實唔洗買其他鏡。除左TSE，FISHEYE唔計。好多時我會周圍去行山城市日出日落星軌銀河城市景山景動植物活動咩都影。如果你出街真係影相目的，帶晒機鏡就用反以上就夠造。

但如果你約下朋友仔，拍拖，呢枝係好正。可能你心諗點解唔用2470， 因為真係重又長，未必下下用相機袋，用過小型相機袋仔裝就算。點解唔用35，50. 50 係影人係正，好多時係影上半身，除非環境好大，可以退後。35 就夠wide 人加景。不過EF 351.4 貴同長又重。35f2 係細枝同平3千幾。但係如果我因為佢細而買，點解唔再細D平D千幾戶，40mm pancake lens 夠細，好接近35. 又可以MACRO，上半身大頭都得。影女朋友一流，sharp。有時揾人影，2個人全身入晒鏡，50會好後先得。第二，食緊飯好多時影相朋友女朋友都好。50係唔夠wide，用過緊師兄實明，你仲要影食物。MACRO fit晒。我用佢配6D細細部影完放反入袋食野，就算放隔離唔阻。平時同女朋友行街行山去海園迪迪尼都係用佢。一機一鏡搞掂，掛頸都唔重。鏡短身唔阻住自己，拍拖無影響。 仲有時女朋友朋友約會遲到，我可以係街拍下，方便。 呢枝鏡目的係唔影響其他活動都可以影相。旅行就係好例子，特別係同女友朋友去食野shopping就最岩。你話影大峽谷，阿里山就用反上面L鏡。


本身我定焦內心都係用35， 50 ，85MM。完全無諗過買40。後來一用，sharp 輕身，macro。本身有諗過RF35mm 1,8 macro. 但我都係買佢，一係就最細果枝，唔係就用反L鏡。我本身有枝ef501.8, 我都會用，不過唔會約會用，我用來影下單一主體的相，例如花，街拍，影人都得，不過你要預環境可唔可以就到你，你去飲就唔得啦。除非你次次都係效外影。

你想買定焦，可能會煩邊枝好。我都曾經煩左好一耐。
咩焦距好，35 50 85 都可以影到同一大細，分別係景深，壓縮感。呢D youtube 大把大人講唔多講。
第二諗，到底我成日係咩環境影相，室內室外，85 係室內都幾難用，你食飯都幾難用。
第三諗，你影人鏡意影到個人幾大，連景？。選擇適合焦距，你點都行前行後就位，定焦係咁，但係邊枝方便你個style 咁解。
第四諗，價錢，因人而異，但係貴鏡影靚係正常係合理，但如果用平鏡影到唔多覺同貴鏡有太大分別。你自己諗下啦，L？正牌？

總結40mm 最細枝，sharp，macro. 一機一鏡拍拖約會零負擔。影得女友朋友靚就夠。適合約會行行下影，食飯影，等佢地來影，去樂園玩影。單反無反都用得，R用可變64mm. 平過35， wide 過50mm. 完

1.輕便，旅行放便
2.可以用在全篇幅相機
3.價錢便宜，放便一些初學者，不需要投放大量資金購買

沒有缺點

小弟所以當決定買鏡頭, 之後就一心諗住搵支Canon EF 50mm f/1.8 STM 定係貴貴地入支
Canon 50mm f/1.8 ii好呢? (當然, Canon EF 50mm f/1.4 USM out of budget 啦) 終於, 問過晒 D 影友嘅意見之後,Canon EF 40mm f/2.8 STM & Canon EF 50mm f/1.8 STM 影出嚟嘅嘢其實所差無幾 (老實講, 兩支鏡雖然是光圏不同 , 終於, 小弟最後都在五年前入手咗一支
Canon EF 40mm f/2.8 STM($880)

1. EF餅鏡，體積小，極大提升拎機出街欲望，外出拍片方便又低調，呢個係可以好重要。
2. f/2.8光圈全開成像好銳，相比之下 EF 50mm f/1.8 雖有更大光圈，但光圈全開成像較軟，收到2.8同40mm先有的比，1.8在拍攝影片時更有用，拍照方面感覺40mm在銳度上勝一籌。
3. 對焦好快，真靜音，同為STM馬達，不知爲何 EF 50mm f/1.8 對焦聲音比較明顯（手動時更甚）同時相比而言對焦速度稍慢，換上40mm後，合焦同其聲音改進比較明顯。
4. 價格平，千元左右可以入支EF全畫幅餅鏡，性價比冇得輸，全幅機FF同截幅機APS-C都可隨身必備。
5. 焦段方面40mm已很接近35mm，35mm紅圈L鏡要萬起，f/2果隻也要三五千左右，作爲練習或熟悉使用，40mm不失爲一個最好的選擇，都係果句，體積又做到最小，真係冇得輸。

1. 可能體積太細，只有鏡頭蓋大小，失去單反氣勢，不過睇各人鍾意。
2. 可能令人覺得夾在35mm和50mm兩大經典焦段之間有些比上不足比下有餘，作爲定焦光圈只去到f/2.8, 卑24-70mm f/2.8所覆蓋，不過睇各人鍾意，體積、價格同性能係佢獨到優勢。
3. 看過往評論有很多師兄提到此鏡頭在關機時無法自動收回，需要人手調焦回收鏡頭，但我在使用時冇呢個問題，我部機身係全畫幅EOS 6D Mark II，關機時鏡頭已識得自動收回，可能係機身硬件技術更新左，或者鏡頭固件版本更新左，我部機身同鏡都係2018全新購買，所以呢個缺點可以更正。
4. 實測光綫不足或ISO較高時光圈全開有機會出現暗角，不過後期PS或LR中可以一鍵修正鏡頭暗角。
5. 遮光罩都好細個，并且安裝方式比較特別，會有較大空隙容易積聚灰塵。

掃街或拍人像都合宜，相比我第一支定焦EF 50mm f/1.8，40mm感覺更加寬容，尤其在餐廳吃飯時桌對面這種距離，50mm就顯得有些窄，40mm更能拍入模特上半身同周圍更多細節，構圖上更加友好，掃街時亦能裝下更多環境，講出相片故事，這些都是40mm帶給你多于50mm焦段的優勢，用上40mm定焦鏡頭，才會覺得有些時候或場景50mm還是有些窄同時有些時候或場景你又無法後退，此刻40mm卻剛剛好。價格雖然貴過50mm f/1.8一些，但論做工質感和成像質量確實又好過50mm f/1.8，鏡頭的世界，都係一分錢一分貨，此鏡頭一定值得擁有。

支支L鏡唔掂, 有時係因為大舊唔想帶佢出街
呢支鏡會另你帶多左部機出街
以前唔想帶大機出去, 會帶部無反, 而家插呢支一樣得

冇

以前都係一機一鏡去旅行, 因為要人又要景, 多數都係帶f4
f4 一到晚上活動就差少少
呢支輕同細到喊, 以後就帶埋呢支去旅行

1) 細，輕
2) 經濟。(二手價約$600-700)
3) 有STM，對焦時算非常靜

1) 關機時要ZOOM遠，個鏡才懂縮番入去
2) 最大光圈只有2.8，不適合講求大光圈之用家
3) 太細 & 太輕 (當配上FF機時)

這鏡根本是個「鏡頭蓋」，所以機動性極佳，而且輕如無物，袋在褲袋內作後備鏡是必然之選。
從重量及體積上來看，如裝上APS-C機上看似較匹配，但是若果裝上FF機上，就可能感到"無裝到鏡頭"一樣。
雖然最大光圈只有2.8，但在影人像方面，亦很合適(各人的追求各有不同)，本人通常與支50 1.8輪流使用。這鏡相信未能滿足追求大光圈之用家。
有STM，對焦時已經很寧靜。如開始學習用定焦鏡，必買，無需考慮。
如果用家攞支L鏡來比較這鏡，根本毫無意義。
簡單而言，這鏡的"性價比"很高。

平，輕，成像不錯！

對焦不及usm快！

成像跟135 2L.打平手。當然這支色彩不會有L紅色彩和L的對焦速度。但作為-支標頭，實在是C記成意之作。

1：先講價錢，1000蚊左右，誠意十足
2：130G的重量，餅鏡Size出街零壓力，
3：成像好過50.8 II 仲要大光圈 (除了50.8 II，雖然出左更新版既STM）
4：對焦安靜，無50.8II的噪音。
5：小弟用6D相機，Firmware已經有支援。
6：0.3米近攝既能力不俗
7：金屬接口位。
8：色彩還原度高（小弟主要以RAW拍攝，所以大多後期再處理）
9：全畫幅用非常舒服。

1：相比起USM，STM對焦速度的確稍慢，要看需要，拍攝／影片。
2：全開有暗角，後期LR,PS一鍵就去除，沒有大問題。
3：沒有距離尺，但都沒有所謂，反正都是Snapshot用。
4：對焦時鏡組會伸出，沒有IF內對焦。
5：熄左機轉對焦環無反應，好不合理。

用過35L，用過35ART，用過50L，用過50.4，
不要用萬元L鏡頭成像，或Leica 鏡頭去跟這支千元鏡頭仔比較，毫無意義，
工作時用大光圈是需要，E支40mm 2.8應該用不上。

攝影是一種快樂既事情來，
40mm 2.8 STM，
可能人覺得又不是35MM，又不是50mm到喉不到肺既感覺，
光圈又沒有50.8 II咁大，魚與熊掌不可兼得，
或者買支 LEICA 35 /2 會適合你，但又覺得貴。

簡單出街一鏡一鏡我帶6D配40 2.8，已經足夠，
不過而家D DC機RX100，GR，X100T，a7等大底既數碼機湧入，
質素很好，真係為左重量而轉去細機，
反正你又唔會影完相曬張A0,A1大既相出黎。

Sorry For 1999

1) 輕、細、配大／中機如6D機動性超高，只輸少少比FUJI XT1, SONY A7。
2) 成像成色貫徹CANON取向，影人像膚色絕無問題。
3) 薄，可以低調地拍攝。配6D便攜性與成像質素KO左FUJI XT1及 SONY A7 系既機鏡組合。無反機相對上大減便擕優勢（配備等效 35MM至50MM鏡頭計）。
4) 焦距好用一支搞掂，40MM 可以好似35MM咁影景，又可以好似50MM咁影人像特寫。同35MM一樣可以人肉ZOOM。
5) 全開光圈成像極其銳利，我未試過一支4K價錢以下既CANON鏡可以放心完全開盡光圈使用。認真比較過，即使50 1.8 收至2.8 都無呢支咁銳利。
6) 0.3M近攝能力。
7) 平，50／1.8之後就到佢。

1) 輕係呢支鏡既重點。可以做得更輕，一不做二不休，應該用膠MOUNT，但要用工程膠。
2) 如之前有D師兄所講，熄機時要改手動，將個龜頭收返入去，減少撞壞磨打機會。有D唔方便。
3) 黑角？ 我又唔覺嚴重，呢個年代既CANON機已經有得修正黑角，除非你用舊機或菲林吧？有時候我仲會刻意熄左個修正，玩lomo 效果。
4) 2.8 光圈細左D： 呢個年代既CANON機高ISO 可以搭救。 且我有兩支L定BACK UP。

用緊CANON EF MOUNT定焦（35－50MM）：35L，50L，40/2.8，50/1.8。

用過CANON EF／ EFM MOUNT定焦（35－50MM）：SIGMA舊50 1.4，CANON 50/1.4, CANON 35/2，EFM22，Contax CY 50/1.4, 50/1.7 45/2.8 （配轉接環）。

用緊／用過其他非EF MOUNT 定焦（28－50MM）：LEICA 35 PRE A Canada and Germany, Leica 50/1.5 L39, Contax G28/35/45/，ZEISS ZM 50/1.5, ZEISS 32/1.8

就我個人來講係以上咁多支鏡之中，使用率及成像質素佢會係頭三甲位置（EF MOUNT 計)。
鏡頭由榜尾排起：

SIGMA 50 1.4: 散景KO左支50 L，但走焦，人像發色怪異，後製執餐懵，超級浪費時間。
EF50/1.4：5.6之前大光圈既銳度都輸50/1.8，更加唔可以同呢支比，且散景二線性嚴重醜陋無比，磨打脆弱無能唔夠可靠，人像膚色都有DD怪異。
EF50/1.8：勝在比呢支大超過1檔光圈，但F 2.8時唔及呢支銳，可以話係差好遠。
CONTAX CY: 三支都無乜缺點，同呢支比係輸在無AF。
EFM22/2: AF稍慢，但基本上無乜缺點，約0.5K既價錢可以話係平靚正超值，可惜只係比EOSM系統用。
EF35/2： 基本上無乜缺點，人像自然，約2K既價錢可以話係平靚正超值，可惜已停產。
EF40/2.8: 各方面既平衡，機動性，焦距可用度，人像膚色，銳利度，散景，近攝能力／放大率，價錢比以上幾支優勝。
35L： 發色比呢支較濃，影人膚色差D，比呢支重，帶小朋友出街唔夠呢支機動性高。
50L： 唯一缺點係重，帶小朋友出街唔夠呢支機動性高。

所以頭一二位會係2支L，呢支排第三，但有時要更高機動性時呢支會排第一。

我買呢支時已有兩支L，但想要更高機動性。故刻意同時間買入50 1.8來做對比，諗住2選1, 最後我比呢支鏡嚇傻：

原因1) 除L定35L/50L 全開光圈可以SHARP爆（合理地SHARP）之外呢支係我親眼見過第8支可以全開光圈都SHARP爆既鏡（第3支係135L，第4支係CY 45/2.8, 第5支係CONTAX G45, 第6支係CONTAX G28，第7支係 Zeiss 32/1.8)。咁既價錢追得上7支銘鏡既銳利度，真係值得花我時間係度打咁多字同大家分享。

原因2) 久聞50/1.8係支SHARP鏡，點知同樣係F2.8時呢支已經KO左支50/1.8。

感覺呢支有D似CONTAX CY45/2.8鷹眼既影子。